[امير العذاب]

السلام عليكم ورحمة الله وبركاته

حبيت اليوم انبهه الجميع
بشغله مهمه جدا جدا جدا
عن الاعلانات التسويقيه عبر الشاشات الفضائيه


هى وبكل سهوله امور نصب والله


توبين لعلاج الالم فى خلال 5 دقائق
وايزى كوايت لعلاج التدخين
وشاى دكتور منج للتخسيس
وشاينى لوووك لتساقط الشعر
بان وان لسهوله العمليه الجنسيه
الـــــــــــــــخ


كل الحاجات ديه
بتجذب المشاهد لشراءها
يمكن تحل له مشكله ما
خايف على ولاده من التدخين مثلا يقوم يشترى ايزى كوايت
مش عارف يروح شغله يشترى توبين عشان يبقى عنده نشاط ههه



كل هالامور
عرفت انها نصابه
وكلها بتتغلف يدويا
وانا شخصيا اشتغلت فيها
قولت اجرب ايه الشغل ده
الحمد لله تركته من فتره لما عرفت اننا بنستغفل الناس الغلابه
بس معظم الشباب بيشتغلوا هالاعمال بسبب البطاله ماعنده اختيار



بص احنا بنعمل ايه بقى
عندنا علبه المنتج ومدون عليها الكلام الانجليزى والسويدى واليابانى
وروشته بالانجليزى والصينى عشان يقنعوا العميل
وورق سلوفان لتغليق العلبه
والمنتج تلاقيه متعبى فى اكياس قذره وبراميل زى الزفت والله
وكل ده بيتحط فى جسمنا




باخد المنتج من برميل قذر واحطه بعلب صغيره واقفله واحطه بعلبه مع الروشته واقفله بالسلوفان بشوي ماى عشان يلزق



ويطلع لنا حاجه وااااااااو




ولما سألت المنتج اللى موجود بالبرميل ده يبقى بكام
قولت بالالاف الجنيهات
طلع بيجيبوه من مناطق شعبيه وكلها حاجات مصنعه يدويه
او فائض او ادويه منتهى صلاحيتها من شركات ادويه بتبيع الادويه اللى تخص سقوط الشعر او التخسيس
يقوم يجي صاحب الشغل ياخدها بارخص الاسعار
ويبعها باكبر الاسعار على انه مستورد وحاجه جديده نازله السوق


يعنى علبه عملتها بايدى
تكلف اقل من 4 جنيه = 90 سنت من الدولار
يقوم عامل اعلان ويبعها 200 الى 1000 العلبه يعنى تقريبا بالدولار
40 الى 200 دولار



فاانا عملت اللى عليا قدام ربنا وحذرت الجميع منها
لما لقيت الاعلانات كترت بيومنا هذا
فاافتكرت وانا صغير كنت بعمل ايه




واى صاحب اعلان من دول
عنده اعتراض فياريت يورينا المصانع والشحن من الصين واوربا بيتم ازاى


للآمانة منقول

[وحيدرجب]

وانا جربت منتج من دول وكان زى الزفت اشتريته ب 100جنيه وما يسوى 5جنيه

[sameh moka]

شكرااااا لكم على التحذير من هؤلاء النصابين الذين انعدم من عندهم الضمير
وحسبى الله ونعم الوكيل فيهم،،،،