[teeka]

الجهاز قاطع باور قيست بالافو لقيت الفيوز قاطعه شعرت سلك ولمستها ما اشتغل رجعت على الدايودات سليمه وقست على المكثف الكبير مكنش عليه اى فولت ركبيت اى سى باور جديد نفس المشكله قاطع باور رجعت وقست على المكثف الكبير لقيتو مدينى 5 فولت بس الحل ايه بارك الله فيكم

[محمد عامر2013]

اخى الفاضل تاكد من تشعيرة الفيوز وتاكد من تغير ايسى البور بنفس الرقم وقيس الفولت على المكثف الصغير بجوار الايسى اذا وجد عليه من 12 الى 15 فولت اذاً الايسى سليم مستنى الرد من حضرتك

[صبري الراعى]

غير كابل البور الاول بكابل تكون متاكد انه شغال
ومتابعين مع حضرتك

[teeka]

انا بشغل الجهاز على لمبه السريا ومش بتنور

[emadedc22]

طيب ياغالى المشكله تتحل ان شاء الله اولا خطوه بخطوه قم بقياس كابل البور طرف طرف وبعدين شوف الفيوز او التشعيره اللى انت عاملها تمام وبعد كده غير الاربع دايودات وبعد كده قيس على المكثف الكبير الفولت ومتابع معاك

[صبري الراعى]

المشاركة الأصلية كتبت بواسطة teeka

انا بشغل الجهاز على لمبه السريا ومش بتنور

يا أخى قلتلك غير الفيشه
وجرب واحنا كلنا معاك
ومستنى الرد

[احمد سمير]

شكرا لكم اخوانى للرد والمتابعه

[teeka]

غيرت التشعيره وغيرت ال 4 سليكونات وغيرت اى سى الباور وغيرت المكثف الكبير وطبعا غيرت الفيشه وعملت دا كله والوضع الحالى كما هوا لا يوجد اى فولت على المكثف الكبير ولما بشغل لمبه السريا بتكون مطفيه بصراحه الجهاز دا غريب اوى ومش فاهم ايه سبب العطل

[ابوامــــــــــجد]

تحياتى للجميع
المشكله بتنحصر فى
اى سى الباور
ياريت تجرب واحده من دايرة تانيه ان وجدت

[م/عبدالمنعم شقوير]

المشاركة الأصلية كتبت بواسطة ابوامجد

تحياتى للجميع
المشكله بتنحصر فى
اى سى الباور
ياريت تجرب واحده من دايرة تانيه ان وجدت

[م/عبدالمنعم شقوير]

مشكلتك ياغالى في البفة السوداء على خط الفيوز غيرها بأخرى او اقفل عليها وتأكد من الفيوز مرة اخرى واشتغل على السيريا

[م/السيد منطاوى]

المشاركة الأصلية كتبت بواسطة teeka

الجهاز قاطع باور قيست بالافو لقيت الفيوز قاطعه شعرت سلك ولمستها ما اشتغل رجعت على الدايودات سليمه وقست على المكثف الكبير مكنش عليه اى فولت ركبيت اى سى باور جديد نفس المشكله قاطع باور رجعت وقست على المكثف الكبير لقيتو مدينى 5 فولت بس الحل ايه بارك الله فيكم

راجع البفه السوداء على خط الفيوز ............

[teeka]

بارك الله فيكم اخوانى الكرام وانا ريحت دماغى وجيبت دايره باور صينى وعدلت عليها واشتغل والحمد لله بس بعمل الى انتو قولتلو عليه عشان اتعلم شئ جديد

[م/عبدالمنعم شقوير]

مبروك عليك جهازك وتسلم لتبليغك ازالة العطل.........