[حمادة ونور]

السلام عليكم ورحمة الله وبركاته

ممكن اعرف ما هو النت الفضائى

وهل موجود بمصر أم لا

وسعره يتراوح بين كام وكام فى الشهر

والسرعة بتبقى قد ايه

يعنى مثلا لو هحمل رابط حجمه 200 ميجا هيبقى سرعة التحمل كام لكل كيلوبايت / ثانية

[حمادة ونور]

أرجو الرد ؟

[bebo606]

اسمع ان فيه نت فضائي عن طريق الستالايت من خلال طبق الدش

السرعات كما سمعت هتكون سرعات عالية جدا وكويسه جدا

دا كل اللى اعرفه لكن موضوع السعر مش عارف


اتمنى يكون فيه حل لأن بصراحة اسوأ سرعات نت واسوأ اسعار نت موجوده في مصر

يعني حرام ادفع 220 جنيه في سرعة 2 ميجا وطبعا دي سرعة ضعيفة جدا وبطيئة جدا
لكن هنروح فين من الطمع والجشع وعمار يا مصر

[شوقى نجيب]

أخى الكريم
لو تقصد بإشتراك فانساه الإشتراكات غالية جدا
أذكر أخر مرة كلمت فيها شركة إيجيبت سات قالى المعدات هتتكلف 3000 دولار
و سرعة 512 كيلو بايت كانت ب 70 دولار فى الشهر و قالى الأسعار هتنزل قريب
فسألته هتكون بكام ؟ قالى المعدات 1400 دولار
و الإشتراك لسرعة 512 هيبقى ب 30 دولار
و كل السرعة ما تعلى الإشتراك هيزيد طبعا

أما النت الفضائى العشوائى اللى بيكون من خلال كروت الستلايت
فأنصحك بالبعد عنه تماما لأنك بتحمل لأشياء التى يحملها المشتركون باشتراك رسمى
يعنى لا خيار أمامك لما تحمله و من خلال تجارب لشهور على كل الأقمار
التى يمكن إستقبالها فى مصر بدية من القمر 47 غرب حتى القمر 105 شرق
على كل القنوات لتابعة لشركات النت الفضائى بما فيها شركات الدول العربية
بيكون من 75 % إلى 90 % من المحمل أفلام و مقاطع و صور إباحية
ربنا يجنبنا و إياك الفتن ما ظهر و ما بطن

[الخديوي]

الانترنت الفضائى
هو عبارة عن الاتصال بالانترنت عن طريق الأقمار الصناعية التي توفر محطات داتا ونواقل تليبورت
تتجلي هذه الخدمة في الاماكن الوعرة والمنعزلة عن الاهلية حيث تمكن الافراد من الاتصال بالنت في عرض البحر او وسط الجبال او الاماكن الخارجة عن التغطية بالطرق العادية؛
ويميز هذا النوع من الاتصال اضافة لما سبق السرعة العالية للوصول للبيانات
لكن يعيبها انها لاتزال غامضة وغير مفهومة لدي الكثير من الناس اضافة لإرتفاع اسعار الخدمة و لارتباط كفاءة الخدمة بالعوامل الجوية..
================================================== ==========================
الاتصال يلزمه طبق عادي بقطر حسب المتاح في منطقطك لإستقبال اي قمر عليه محطات داتا :
مثال طبق 80 ل 120 سنتي لو هتستقبل من النايل سات
+ عدسة لها امكانية الارسال و الاستقبال توجه مع الطبق الي 7 غرب
+ كابل rj60 نحاس كوبر بشيلد نحاس
+ كارت ستالايت داخلي او خارجي يدعم الأنترنت الفضائي
+ اشتراك مع مذود خدمة محترم
خد بالك ان السرعات جبارة بس لما يكون الجو كويس ؛ غير كده بتبقي الحكاية طين (سبت الطبق كويس اوي)
خد بالك كمان ان العدسات العادية اللي في السوق استقبال فقط يعني ماتنفعش للابلود او لارسال طلب للنت ؛ وعليه فان الارسال يتم عن طريق وسيلة اتصال تانية مثل المودم او الadsl ؛ لكن لو قدرت تشتري عدسة فخمة lnb من النوع اللي فيه tx/rx يبقي مافيش مشكلة
خد بالك كمان ان كارت الدش علشان يشتغل كويس لازم يكون عندك باور قوي واوريجينال علشان مايحصلش مشاكل...
================================================== ==========================
بدات فكره الانترنت الفضائى من فكره ان الانترنت عباره عن معلومات مرسله ومستقبله عن طريق اسلاك التليفون والالياف الضوئيه كوسيط فلما لا نستبدلها بالقمر الصناعى والاشارات المرسله كوسيط لتكون اسرع وانقى بجوده عاليه

وبما انه يتكلم عن بيانات مرسله ومستقبله فيمكن ان نقسم الانترنت الفضائى الى قسمين

1-الانترنت الفضائى ثنائى الاتجاه
2-الانترنت الفضائى احادى الاتجاه

الانترنت الفضائى ثنائى الاتجاه
اتت التسميه من lnb المثبت على الدش وهو ما يسمى الابره او اللاقط وهو يقوم بعمليه استقبال وارسال فى نفس الوقت وهو لاقط مختلف عن لاقط مستقبل القنوات الفضائيه حيث يتم استقبال الانترنت دون الحاجطه الى خط هاتف او خط دى اس ال ويجدر الاشاره ان سرعات هذا لانواع من الانترنت عاليه جدا .

مبدء عمله باختصار شديد جدا
عند طلب اى موقع على الانترنت فان اللاقط يقوم بارسال الطلب الى القمر الصناعى الذى يقوم بدوره فى ارسال المعلومات الى محطه استقبال ارضيه تابعه الى الشركه المشترك فيها فتقوم بارسالها الى شبكه الانترنت لتنفذ الامر وبعد تنفيذ الامر يرسل بالاتجاه العكسى او الى المحطه الارضيه ومن ثم ارسالها الى القمر الصناعى الذى يرسلها الى اللاقط ومن ثم تظهر النتيجطه امامك بتنفيذ طلبك طبعا كل هذا يستغرق اقل من ثانيه واحده
==================
اهم معداته
بما انك المرسل والمستقبل فى نفس الوقت فهذا يلزم معدات خاصه توفرها الشركه نفسها ولكن ثمنها مرتفع نوعا ما ، وهى عباره عن لاقط lnb يوجد به خاصيه الارسال والاستقبال كما يلزم وجود مودم خاص مسؤول عن عمليه الارسال والاستقبال من اللاقط
ويجب التنبيه ا لى ان هذه العمليه لا يلزمها كارت ستلايت فقط كارت شبكه (لأنه هناك مودم يتم تذويدك به من مذود الخدمة يصل لكرت الشبكة عندك).


الانترنت الفضائى احادى الاتجاه

هذاالنوع منتشر جدا نظرا لتكلفته البسيطه وجودته العاليه ، ومن تسميته نستنتج انها عمليه واحده فقط هى المستخدمه ( الاستقبال فقط ) اما الارسال او الاستقبال ودون ادنى شك لذا فان العمليه هنا هى استقبال الاشارات المرسله من القمر الصناعى اى عمليه الدون لود اما عمليه الارسال فهنا يلزم وجود خط الهاتف او خط adsl

مبدء عمله
هنا عمليه مشاركه او تنسيق بين عمليه الارسال وعمليه الاستقبال وانشاء منظومه تفاهم لذلك هنا ياتى دور الشبكه الوهميه ( جسر اتصالات ) التى تقوم بربط خط الهاتف وكروت الستاليت الذى يقوم باستقبال المعلومات
فعند طلب صفحه معينه مثلا يتم ارسال الامر عبر خط الهاتف او ال دى اس ال الى الانترنت الذى يقوم
بدوره بنقله الى محطه الشركه فيتنفذ الامر وينتقل الى القمر الصناعى الذى يقوم بارسالها الى المستخدم عبر كروت الستالايت الموصل من اللاقط الموجهه الى القمر الصناعى
وهنا يجب ان نعلم ان سرعة عمليه الدون لود بسرعه شركه الانترنت الفضائى التى تشترك بها اما سرعه الرفع او الابلود فهى بسرعه خط الانترنت سواء كان هاتف او دى اس ال .
================================================== ==========================
ملحوظة : افضل الاقمار الصناعيه هى اليوتل سات حيث تستخدمه معظم شركات الانترنت الفضائى وهو يغطى الوطن العربى باكمله..
=========================
الانترنت الفضائى فى مصر

من اشهر الشركات فى مصر



تستخدم هذه الشركه القمر الصناعى بدر (عرب سات )



تغطيه القمر



شروط عند التقديم للاشتراك
1- يتم الاشتراك فى خلال اسبوعين
2- الدعم 24 ساعه -7 ايام
3- يتم الدفع مقدما
4- يتم دفع الاشتارك شهريا قبل 6 ايام من انتهاء المده منعا لقطع الخدمه
5- فى حاله وجود عطل فى الخدمه ولو ليوم يحتسب كعطل فى الشهر كاملا (رائع)
6- لا يوجد سياسه استخدام عادل
--------------------------
الادوات المطلوبه وتكلفتها
وتستلم عند الاشتراك
يسمى بنظام VSAT
ويشمل
1- iNFINITI 3000 Modem


========================================

2- 1.2M Antenna طبق


===================================
3- LNB العدسه
===================================
4- BUC



=============================
5- RG6 Cables السلك من نوع عالى الجوده
==============================
لما تجمع الاجهزة يكون الطبق فى الشكل ده
هذه الصورة تم تصغيرها . إضغط على هذا الشريط لرؤية الصورة بحجمها




سعر هذه الاجهزه 4500 $ دولار

------------------------------------
EgyptSat Telecom
w w w . e g y p t s a t . c o m
===================================
الاسعار نارررررررررررررررررررررررررررررررررررررررررر




ملحوظه الداونلود لا يؤثر على التصفح اطلاقا وبتكون السرعه مختلفه تماما
عن dsl
وايضا ميزه لا تقوم شركات الانترنت بتفعيلها
وهى فى سرعه التحميل
لو انا خطى 1 ميجا فى dsl وقمت بتحميل يتكون التحميل 117 كيلو فى الثانيه
طيب فى نفس الوقت لو حملت ملفين مع بعض كل ملف هتلافى بيحمل 60 كيلو فى الثانيه
وده تقسيم السرعه التحميل
اما فى الانترنت الفضائى لو حملت ملفين فى نفس الوقت هينزل ب 117 كيلو بايت

ملحوظه هامه
انا لا اقوم بلترويج عن الشركه ولكن اعطاء معلومات عن التكنولوجيا
لان الانترنت الفضائى شيى يعتبر مجهول الاستخدام بلنسبه لنا وسيظل
بسبب الاسعار الرهيبه المذكوره

الموضوع منقول بتصرف بسيط من الاخ العزيز mohamedtarik بمنتدي صديق

[اشرف فهمى]

يانهار ابيض ده النت الارضى نعمه بقى

[حمادة ونور]

بعد ما عرفت النت الفضائى للاسف هشتغل على فلاشة فودافون

[شوقى نجيب]

المشاركة الأصلية كتبت بواسطة حمادة ونور

بعد ما عرفت النت الفضائى للاسف هشتغل على فلاشة فودافون

للأسف ليه أخى لكريم
أنا شغال على فلاشة إتصالات و جايب معها روتر 3g
بستقبل الإشارة ويرلس للاب توب و دسك توب و 2 ريسيفر و موبايل
و الحمد لله شغالين تمام رغم إنى على باقة minimix و السرعة بتنزل
لتكون 64 كيلو بعد إنتهاء الباقة اللى هى 1 جيجا و الأجهزة كلها شغالة
معظم الشهر بالسرعة العادية 64 كيلو و مفيش مشاكل وممكن أرجع
السرعة القصوى ب 30 جنيه حتى استهلاك 1 جيجا أخرى
لكن فى أغلب الأحيان شغال على السرعة العادية

[حمادة ونور]

المشاركة الأصلية كتبت بواسطة شوقى نجيب

للأسف ليه أخى لكريم
أنا شغال على فلاشة إتصالات و جايب معها روتر 3g
بستقبل الإشارة ويرلس للاب توب و دسك توب و 2 ريسيفر و موبايل
و الحمد لله شغالين تمام رغم إنى على باقة minimix و السرعة بتنزل
لتكون 64 كيلو بعد إنتهاء الباقة اللى هى 1 جيجا و الأجهزة كلها شغالة
معظم الشهر بالسرعة العادية 64 كيلو و مفيش مشاكل وممكن أرجع
السرعة القصوى ب 30 جنيه حتى استهلاك 1 جيجا أخرى
لكن فى أغلب الأحيان شغال على السرعة العادية

يا غالى الفلاشة اللى عندى نوعها بورتابل وليست سوفت وير يعنى مش هينفع اشغلها على رسيفر

وثانيا : انا بقول للاسف لان الفلاشة مش بتاعت تحميل ولا مشاهدة فيديوهات

[احمد محمد ا]

لو الااسعار تنزل ويه يكون روووووووووووعه و افضل من السرعات الضعيفه اللى فى النت العادى

[معاذ صلاح]

كل شخص ليه وجهه نظرو