[solom]

السلام عليكم ورحمة الله وبركاته
مواقع التواصل الاجتماعى والمنتديات الفضائية نشرت كثير من المواضيع اللى بتؤكد اننا حنقدر نشاهد كاس العالم من خلال قنوات المانية واوروبية كثيرة
للأسف دى معلومة خاطئة
كل القنوات الاوروبية حتذيع ماتشات كاس العالم كلها - ال60 ماتش - دة صحيح - لكن بث ارضى فقط - مش فضائى - يعنى لازم تكون فى المانيا عشان تشوف كاس العالم على قناتى ZDF و ARD - ولازم تكون فى انجلترا عشان تشوفه على قناتى ITV و BBC - وهكذا لجميع دول العالم
السبب ان كل دولة اشترت من الفيفا حق بث المباريات ارضى محلى فقط - وليس دولى زى ما الجزيرة عملت
معظم دول العالم اشترت حقوق البث لمواطنيها - ماعدا مصر - بس احنا نلاقى ناكل الاول وكدة
الغريب ان حتى دول فقيرة آخر حاجة زى بوركينافاسو - بنين - بوتسوانا - انجولا - وبوروندى اللى نص الشعب فيها دبح النص التانى - كلهم اشتروا حق البث لمواطنيهم - بس سيبك انت - مصر ام الدنيا - وحتبقى اد الدنيا

لو عايزين تتأكدوا اقرأوا بنفسكوا الوثيقة الرسمية التالية الصادرة من الفيفا بخصوص توزيع حقوق بث كاس العالم 2014 من البرازيل:
http://www.fifa.com/mm/document/affe...14_neutral.pdf

وكمان من ويكيبيديا هنا:
http://en.wikipedia.org/wiki/2014_FI...casting_rights

ودة بيشمل حقوق البث من خلال الراديو او التليفزيون او الموبايل او الانترنت (ناقص حق بث الماء من الحنفية)

لذلك لازم كلنا نعرف ان بدون اشتراك فى الجزيرة - او اعدادت خاصة - لن نتمكن من رؤية كاس العالم

اشتراك الجزيرة اصبح لوحده غير كافى - لازم كمان تشترى ريسيفر خاص معين عشان تحط فيه كارت الاشتراك مش اى ريسيفر - بعد ما غيروا نظام تشفيرهم زى ابوظبى - الغريب ان الريسيفرات دى غير مسموح بدخولها مصر عشان الجمارك بترفض اى ريسيفر به فتحة نت DSL !!! - دة غير ان الريسفر بالاشتراك ثمنه 2200 جنيه - يعنى محتاج تبيع واحد من عيالك عشان تشتريه (باهزر طبعا - اوعوا تعملوا كدة!)

الاعدادت الخاصة اقصد بها إما الاشتراك فى ***** مدفوع للمشاهدة على التليفزيون - واعتقد دة ارخص حل - بس مشكلته ان اغلب ********* بتقع وتقطع لما تكون نسبة المشاهدة عالية - وطبعا كاس العالم حيكون المشاهدة من نار - يبقى لازم اللى يشترك يختار ***** مجربه وعارف انه قادر على خدمة الاف المشتركين فى نفس الوقت بدون تقطيع - (ياترى حد يعرف ***** بالمواصفات دى؟)

اما لو عايزين نتفرج على الماتشات من على النت يبقى نستخدم موقع مثل:
http://sports.gawaher.com/
دة موقع انشأته حديثاً لكم ولعشاق كرة القدم لمشاهدة جميع قنوات beIN لكن بعض الأعضاء اشتكوا من عدم جودة الصورة واحيانا التقطيع - غالبا بسبب بطء النت فى اشتراكهم - بالرغم من اننى باستعين باحدث تكنولوجيا P2PTV

لذلك الحل الافضل لمشاهدة جودة عالية على النت يتطلب عمل اشتراك مدفوع فى ***** يديلك IP address اجنبى من اختيارك - المانى او انجليزى او سويسرى الخ - وبالطريقة دى ممكن تتفرج على الماتشات اون لاين من مواقع القنوات الناقلة لكأس العالم - وأفضل خدمة فى المجال دة ممكن تشترك فيها هى PureVPN
http://www.purevpn.com/vpn-service/i...de-special.php
السعر 8 دولار لكن من خلال الرابط دة بيعملوا لك تخفيض 40% - يعنى تدفع 4.16 دولار - اى حوالى 30 جنيه لاشتراك مدة شهر
وبيعطوك ip address يظهرك وكانك ساكن فى انجلترا - او المانيا او سويسرا الخ - حسب ما تختار

ارجو انى اكون لخصت لكم الاختيارات المتاحة لمشاهدة كاس العالم
(كاس العالم حيكون بمشيئة الله فى الفترة من 12-6-2014 الى 13-7-2014)
مع تمنياتى بمشاهدة ممتعة باذن الله

[فطوطة]

هنشوف كاس العالم غصب عن البين سبورت لان هناك قنوات كثيرة تنقل العرس الكروى على اقمار مختلفة وابقى سلملى على البين سبورت
مواطن مصرى غلبان

[solom]

المشاركة الأصلية كتبت بواسطة فطوطة

هنشوف كاس العالم غصب عن البين سبورت لان هناك قنوات كثيرة تنقل العرس الكروى على اقمار مختلفة وابقى سلملى على البين سبورت
مواطن مصرى غلبان

كلامك صحيح - بس لازم تسافر للدولة الاجنبية صاحبة القناة عشان تشوف البث اللى حيكون ارضى - يعنى محلى - يعنى داخل حدود الدولة الاجنبية فقط
وانت عارف صعوبة الحصول على تاشيرة تلك الدول! - دة غير سعر تذاكر الطيران شوف غليت اد ايه
(بس لو عندك طائرة خاصة ممكن توفر سعر تذاكر الطيران طبعاً)

[كاره السياسة]

موقعك ممتاز والقنوات شغالة حلاوة

[محمدنصراللة]

dياسيدى الفاضل يبدو انك من مناضلى الجزيرة وعشان كدة احنا هنشوف كاس العالم على القمر الاذرى وغلى تلستار وعلى w3 وسلملى على تميم

[hossam58992001]

حنشوف كاس العالم يعنى حنشوف كاس العالم احنا ما بنغلابش وتوظ فى اللى يذل المصرى والمصريين

[mahgad]

ياجماعة trt 1 التركية ذاعت كاس العالم للقارات كله وهى قناة غير مشفرة على اليوتيل سات w3a 7e
ومنها بث عادى وبث hd

[اليوفنتوس الكبير]

كاس العالم حيذاع عبر القنوات الاروبية والقنوات الاجنبية فضائيا واتحد اى ان لو كاس العالم لم يذاع مش مهم حيذاع على اى قناة بس المهم حيذاع فضائيا فضائيا وتحدى وسذكر مع ضربة بداية كاس العالم بكمية القنوات الى حتذيع بينما لو انت بتقلص على ان مصر لاتاخذ الحقوق ودول زى بوركينا وبنين ونامبيا حصلت على الحقوق احب اوضح لك شى ان الدول دية لاسف الاتحاد الافريقيى والدولى بيتعملو بمعيار مختلفة حيث بتنمح هذا الدول كاس العالم برخص التراب وعندما تاتى عى شمال افريقا بتيبع لى الجزيرة الرياضية سابقا او bein sport وتقول لنا اتصرفوا معها فتاتى الجزيرة وترفع سعر الحقوق على كاس العالم

[محمد كلومبو]

ياجدعان هى skysport الايطلية مش هتزيع هى c+sport البولندية n sport البولندية على القمر الاوروبى طبعا هتزيع ! ؟

[اشرف فهمى]

مش ممكن نلم من بعض ونجيب ايريال ونركبه فى انجلترا ونوصل السلك عندنا كل واحد فى بيته ونتفرج اهو ارخص من الاشتراك

[السيد فتحى]

سلملى على البين سبورت

[مســــتر_ســــالــم]

المشاركة الأصلية كتبت بواسطة اشرف فهمى

مش ممكن نلم من بعض ونجيب ايريال ونركبه فى انجلترا ونوصل السلك عندنا كل واحد فى بيته ونتفرج اهو ارخص من الاشتراك

معاك فى هذا الرئ

[حورس العاطفى]

zdf و ard -

مضمونه على استرا ياباشا

itv و bbc

مضونه على استرا2

التضييق فقط على الاوربى

والجزيره مش هتمشى العالم بمزاجها

[دكتور منعم]

المشاركة الأصلية كتبت بواسطة مســــتر_ســــالــم

معاك فى هذا الرئ

هههههههههههههههههه وانا معاكم ونعم الرأى

[محمد احمد7]

المشاركة الأصلية كتبت بواسطة اشرف فهمى

مش ممكن نلم من بعض ونجيب ايريال ونركبه فى انجلترا ونوصل السلك عندنا كل واحد فى بيته ونتفرج اهو ارخص من الاشتراك