[رجل الاحلام]

في ريسيفر 150 بلص ... بس لاحظت في الفتره الاخيره ان اللمبتين الحمره والخضرا باهتين بالذات الخضراء اصبحت باهته اكتر من الاول رغم ان الرسفير لسه شغال عادي جدا والقنوات شغاله عادي.. ما هو تفسير ذالك للاخوه الافاضل الي هنا

[م/سامح الجبالى]

هتلاقى المكثف اللى على ال 3 فولت منفخ غيره

[رجل الاحلام]

الف شكر ليك م/ سامح .. بس يعني انا كلامي ده منطقي عادي يعني ممكن يكون المكثف ده منفوخ وخربان ولسه الريسيفر شغال عادي ؟؟ طب تاثيره اييه في المستقبل على الجهاز ؟

طب ممكن صوره لمكان المكثف ده داخل الجهاز الله يخليك

[م/سامح الجبالى]

مدى تأثيره فيما بعد الجهاز مش هيشتغل
اتفضل الصوره والصوره شرحه نفسهااااااااااا

[رجل الاحلام]

اخي حضرتك بتقول غير ال ثلاثه فولت .. ومفيش ولا واحد مكتوب عليه 3 فولت في الصوره .. اصدك ال 35 فولت ؟؟؟ برجاء توضحلي اكثر اي واحد بالظبط حتى لا اقوم بازاله المكثف الخطا.. انا اسف اذا كنت في نظرك معرفش حاجه

[م/سامح الجبالى]

ياكبير ولا يهمك اتفضل

[رجل الاحلام]

جزاك الله الف خير اخي سامي وزاد الله في علمك ومنفعتك للناس في الخير
.. بس اخر حاجه يا ريت تكتبلي احداثياته . يعني رقمه بالظبط بحيث الي هشتريه منه ميحترش فيه لاني هشتريه قبل ما ازيل القديم من البورده.... ويا ريت تقولي بيتباع عند مين .. موجود عند بتوع صيانه التلفاز ؟؟ ولا فين ؟ ولا بتوع الدش بس ولا فين ؟

[م/سامح الجبالى]

عند بتوع قطع الغيار
هتجيب مكثف 1000على 16

[SALAH SALEM]

بعد اذن استاذ سامح
المكثفات رقمها 220/35فولت
470/10
1000/10
وهتجدهم عند بتوع قطع غيار التلفزيون

[رجل الاحلام]

اخواني الافاضل لقد قمت بفتح الجهاز وقد وجدت المكثفات المذكوره اعلاه سليمه وغير منفوخه على الاطلاق ولا يوجد سائل خارج منها ولا شئ.
ولكن ما وجدته هم مكثف مكتوب عليه 20uH شكله غريب ومبعج من الاعلى والاسفل ومسطح من احد جوانبه ومسفر شويه من الاعلى غير المثفات الاخرى .. لااعرف هل هذا طبيعي ولا عيب فيه ؟
ايضا المكثف الكبير جدا (( اكبر مكثف في نفس البورده الموجود في يمين الصوره )) يوجد بجانه سائل متجمد اسود يشبه الشئ المتعفن ولكن المكثف نفسه غير منفوخ وشكله عادي لا اعرف هل هذا السائل نازل منه ؟ ام هي ماده لاصقه من المصنع !؟

برجاء التوضيح يا ريت تفصلم وانا ان شاء الله معاكم

[SALAH SALEM]

غير برده اخي الحبيب هذه المكثفات الموضح مكانها بالصورة وان شاء الله كله هيبقى تمام
وان كنت غير متمرس بعمليه الصيانة عليك بالتوجه لاقرب مركز صيانة لانه هناك اتجاه للمكثفات

[رجل الاحلام]

اصل الي يغيظ هنا ان الريسيفر شغال... يعني هودي الريسفر لفني وهو سليم وشغال ادامه مينفش.. لان الفينين الي حوليا مجرد هواه يعني يدوب يظبط طبق ينزل سوفتات بس .يعني مش محترفي صيانه يعني ممكن يشوفه يلاقيه شغال وميعملش فيه حاجه. ولو حاول يعرف حاجه بيخش منتديات ويسال زي بالظبط الان ! يعني مش هيعمل اكتر مني.

انا عايز اسال بالنسبه لل مكثف 20uH ده وظيفته اييه وهو ممكن يكون سبب لمشكلتي ؟

طيب ممكن تكون الاتربه سبب ايضا ؟

[zohny]

بص ياغالى
عشان نشرح كل مكسف وظيفته ايه واللى فى دمغك
يبقى هنقعد نشرح 3 ايام ومش هيكفى
وعلى فكرة ممكن يوكان عيب خارج عن دئرة البور
لكن احنا بنجتهد عشان الجهاز مش تحت ادينا
لكى نحدد لك العيب 100%
وانصحك حتا لا تتلف الجهاز عشان انت من كلامك كدة مستخدم
يعنى معندكش حتى فكرة بسيطه يعنى انت ممكن تللف جهازك
انصحك بذهاب الى اى مركز صيانه كويس
حتى لا تكون الخساة فادحه بنسبه لك

[رجل الاحلام]

والله يمكن انا بتهايالي ان اللمبه بهتى يمكن هي كده اصلا .. يعني البهوتيه دي اي فيها درجات عيب تكون ازاي ؟ المهم انا كنت بسال هنا فطاحله الصيانه عشان اكيد بيكون فات عليهم عشرات الاجهزه بنفس العيوب... وبيكونوا عارفين العيوب كويس.. المهم اقرب الاسباب اييه......انا ممكن اغير كذا وكذا بس المهم اكون متاكد ان العيب منه فعلا.
على العموم انا اسف اني تعبتكم معايا

[رجل الاحلام]

اخواني الفواضل .. قبل كل شئ .. هل يوجد سوفتات تحل متل تلك المشاكل ؟ يعني سوفت المصنع القديم ؟؟ ممكن يحل ؟ اي سوفت ؟ مثل البوت ؟