[merdish2000]

معلش يا جماعه ده رأى الشخصى قد لا يعجبكم هذا وكانه الحقيقة .
من الاخر انا تعبت علشان اسمع مباراة يطلع عينى وبرضوا مش عارف اسمعها من التقطيع جربت كل البرامج برضوا مافيش فايده مع العلم انى كنت مشترك فى البين اسبورت واشتراكى خلص من 31/5 وكنت ناوى اشترك بس اجلته لبعد كاس العالم علشان حرام اتدفع 700 فى شهر بس بعد كاس العلم هتشرك ان شاء الله ده الحل . ولو حضرتكم حسبتوا الاشتراك 90 جنيه فى الشهر مش كتير على اللى غاوى حاجه يعنى اى بيشرب سجاير بيصرف ضعف ده فى الشهر زمان art كانت اشتراكه 270 كل 3 شهور يعنى شوف كام السنه الكلام ده من 2002 شوف دلوقتى الجزيرة كام واللى هيقولى قناة حقيرة هقوله بالعكس هى لو بدور على فلوس كانت ضاعفت المنتج علشان تكسب هى عايزه تكسب العالم كله مش بتدور على الفلوس

[ahmedramadan123]

علفكرة من رأي القناة محترمة في اسعارها . بتديك كل بطولات العالم . و صورة hd و أفضل معلقين و محللين . و اشتراكها بدون كاس العالم الف وشوية . مع ان قناة ابوظبي كانت بتديك الدوري الإنجليزي فقط بضعف التمن ده . تبقي تستحق الإشتراك ولا لا . و بعدين الإشتراكات هاترخص بعد كاس العالم . ايه يعني لما توفر في الشهر 90 جنيه و في آخر السنة تروح تدفعهم .

[بيزوووووو]

اشترك يا غالى مدام عايز

كل واحد حر فى رائية اكيد

وانا زيك كنت مشترك طوال سنة فاتت

وبصراحة اضحك عليا منهم واكيد طبعا عارف لية

كفاية انى معرفتش اتفرج ع الدورى الانجليزى

وبعض ماتشات الاسبانى والايطالى واوربا ليج

بسبب البث الامن اللى فجاة طلعوا فية

ومن وقتها حلفت ما هادفعلهم مليم تانى

زمان art كانت اشتراكه 270 كل 3 شهور

معلش بقى حضرتك غلطان فى النقطة دى

انا مشترك فى الباقة دى من 2004

وطول عمر الباقة الاساسية ب 90 جنية تلات شهور

وعارف الباقة الاساسية طبعا كانت زمان اية

افلام 1

افلام 2

حكايات 1

حكايات 2

ستار موفى

ستار ورلد

ناشيونال جرافيك

بيبى

ناشيونال جرافيك 2

وكانت قناة سينما ب 10 جنية فى الشهر

ولما ضافوا قنوات الرياضة

كنت بتاخد عليها قناة الجزيرة هدية

وكان الاشتراك فى الباقة دى ودى

180 جنية فقط 3 شهور

بالاضافة لقنوات الجزيرة 3 شهور مجانا

ولما اشتركوا كاس العالم 2006

نزلوا اشتراكات لمدة سنة وسنتين وتلاتة

ويومها انا خدت سنتين كانت 1650 فقط لاغير

مفتوحة كل القنوات بالاضافة هدية الجزيرة 6 شهور

وفى الاخر انا مقاطع القنوات طوال حياتى ^^

[كيمو 1980]

ممكن اعرف اشتراك art بكام دلوقتى وايه القنوات اللى فى الباقه
منتظر ردكم لو تكرمتم

[بيزوووووو]

المشاركة الأصلية كتبت بواسطة كيمو 1980

ممكن اعرف اشتراك art بكام دلوقتى وايه القنوات اللى فى الباقه
منتظر ردكم لو تكرمتم

ال 6 شهور يا كيمو ب 90 جنية

الباقة الاساسية

وتشمل

افلام 1

افلام 2

حكايات 1

حكايات 2

سينما

[كيمو 1980]

يعنى مفيش اى قنوات تانيه غيرهم
افلام اجنبى وحاجات كده

[elkomy2012]

تابع هنا يا غالي ولا تقطيع ولا غيروا عن تجربة بجد واي سرعة http://www.masrawysat.com/vb/showthread.php?t=1392382

[بيزوووووو]

المشاركة الأصلية كتبت بواسطة كيمو 1980

يعنى مفيش اى قنوات تانيه غيرهم
افلام اجنبى وحاجات كده

ما اكانت معاهم الباقة التانية اللى كانت فيها الافلام الاجنبى

اللى هما ستار موفى وستار ورلد

بس مش جددوا الاشتراك معاهم وتقريبا خدتها الاوربت

او البهلا الهندية او الشوتايم معرفش بالظبط

[وافى2008]

ياجماعة محدش يشترك احنا خلاص عرفنا اللعبة وهما عمالين يدللو بس بعد ايه فى اكتر من عشرين قناة هتذيع زلا الحوجة ليهم بكرة يذيعو ببلاش

[spider201065]

مبارك عليكم الجزيره لكل محبيهاااااااااااااااااااااااااااااا
امااا انا مع الشعب الغلبان الى بيحاول يقضيها وبكره تنكسر الجزيره
وكفايه انناا هنشووووف كاس العالم وببلااش ومش فارق معانا التعليق
اكنى قاعد فى الاستاد والمدرجات هتسمع تعليق ...... وباى بين سبورت

[وافى2008]

المشاركة الأصلية كتبت بواسطة وافى2008

ياجماعة محدش يشترك احنا خلاص عرفنا اللعبة وهما عمالين يدللو بس بعد ايه فى اكتر من عشرين قناة هتذيع زلا الحوجة ليهم بكرة يذيعو ببلاش

لاثنين، 9 يونيو، 2014 "بي ان سبورت" تدرس إذاعة بعض مباريات المونديال مجاناً أكد أحد العاملين بقناة "بي ان سبورت" القطرية أن مسيري القناة يدرسون حالياً إمكانية إذاعة بعض من مباريات كأس العالم، الذي سينطلق بعد أيام في البرازيل، على القناة المفتوحة. وأوضح المصدر الذي رفض ذكر اسمه، نظراً لحساسية موقفه، أن المسؤولين لم يستقروا بعد على المباريات التي ستتم إذاعتها، لكنه رجح أن يكون من بينها مباريات المنتخب الجزائري، الممثل الوحيد للعرب في المونديال. وتأتي تلك الخطوة المحتملة من القناة القطرية، رغبةً منها في تحسين وضعيتها بين الجماهير العربية، التي أصبحت تكاد تكره مجرد سماع اسمها، بسبب أنظمة التشفير المعقدة التي تتبعها مع البطولات العالمية الكبرى على قنواتها، والتي حولت كرة القدم من لعبة للفقراء إلى لعبة مقتصرة فقط على الأثرياء.

المصدر الأصلي: http://pcth4.blogspot.com/2014/06/blog-post_9568.html
streambut - http://pcth4.blogspot.com

[عاشق السهر2]

المشاركة الأصلية كتبت بواسطة spider201065

مبارك عليكم الجزيره لكل محبيهاااااااااااااااااااااااااااااا
امااا انا مع الشعب الغلبان الى بيحاول يقضيها وبكره تنكسر الجزيره
وكفايه انناا هنشووووف كاس العالم وببلااش ومش فارق معانا التعليق
اكنى قاعد فى الاستاد والمدرجات هتسمع تعليق ...... وباى بين سبورت

تسلم اخى رأى تمااااام

[hany mohmed]

على فكرة هما عاملين كدا مخصوص عالشان مصر لان اغلب الدول الاشتراكات فيها مش غالى اوى كدا وبعدين في دول بتشتري البطولة وتذيع ارضى وهما مش فارق معاهم الفلوس هما عارفين ان الشعب المصري بيحب الكورة فابيحاواو يخنقونا وخلاص

[محمد فتحى الطباخ]

كل واحد حر في رايه

[هاني عامر2]

الله يفتح عليك نفس تفكيري هشترك بعد كاس العالم كل بطولات العالم ب90 جنية مش كتير 3 جنية في اليوم تمن قاعدة على قهوة او نص علبة سجاير
ال art الله لا يرجعها كانو نصبين باقة اساسية وقنوات الابطال وكلام فارغ وبعدين متنسوش ان الجنية كان جنية
والي بيشتم في الجزيرة بقلة فين تلفزيون بلدك الارضي من الموضوع
جزر الواك واك اشترت ارضي لشعبها وحكومتك مش فلحة غير في النهب وخلاص