[karimbo]

السلام عليكم ورمضان كريم عليكم وكل سنة وانتم طيبين

دلوقت معلش هطول عليكم شوية بس ياريت حد يساعدني في اسرع وقت

امبارح جبت فني يركبلي طبق متر في البلكونة عندي والحمد لله مفيش قدامي حاجة والشارع واسع جدا ما شاء الله ولله الحمد ومع ذلك عشان ربنا كتب عليا ان مفيش فني حوليا بيفهم اللهم الا فني واحد بقالي شهر بدور عليه مش لاقيه فالاخ اللي جبته الله يسامحه قعد يحاول وفي الاخر يقولي الاوروبي مش جايب اشارة

قولتله ازاي يا باشا وانا اساسا كنت مركب نايل سات مع اوروبي على طبق 85 في نفس المكان بس للاسف عشان الطبق تقريبا في حاجة فكان في ترددات واقعة من الاوروبي واهم قنوات النايل سات بتقطع تقوم تقولي ان الاوروبي مش جايب اشارة؟!

المهم قررنا نطلعه فوق السطح وبعد معاناه لأن السطح بسلم خشب وهم وغم وبعد ما ركب وكل حاجة ونزل اشغل الريسيفر لقيت في ترددات برضه مش تمام ولا كأننا عملنا حاجة وللاسف عشان هو جالي قبل الفطار فرحمة مني به قولتله خلاص كفاية وعدي عليا بالليل او بكره

المهم دلوقت عشان كمان مرة زي ما قولتلكم ربنا كتب عليا حرقة الدم وكأني بستقبل اقمار من جنوب افريقيا ولا البرازيل وان مفيش فني عدل حوليا وبما ان الاخ ده هيجيلي تاني النهارده فقولتله خلاص يا سيدي هنركب الاوروبي بس على الطبق المتر اللي فوق عشان اضمن انه يبقى كويس وعلى الطبق اللي عندي تحت ال 85 هنركب النايل سات عشان ده بالذات مش ناقص فتي فيه

فدلوقت يا جماعة ارجوكم عشان انا قرفت من التلفزيون وقرفت من الدش وكل حاجة ياريت حد يقولي بالظبط كده كام تردد لو اتظبطوا تمام على الطبق المتر يبقى الاوروبي 100/100

اما فيما يخص النايل سات بقى فهو هيكون عندي في البلكونة بس برضه مفيش مانع تقولولي كام تردد برضه اقوله يأكد عليهم في النايل سات عشان اضمن ان النايل سات يبقى 1000000/100

والله العظيم نفسي مصراوي سات يعمل زي محلات ومجموعة عمل لناس محترفة تركيب بجد بدل الهم اللي احنا فيه ده وربنا يتوب علينا
ارجو كمان مرة المساعدة في اسرع وقت

[karimbo]

متتأخروش عليا في الردود ارجوكم

[ibrahim144]

اقوى تردد للنايل سات

11747
عمودى
27500

اضعف تردد للنايل سات

10758
عمودى
27500

اقوى تردد للقمر الاوربى

11747
افقى
27500

اضعف تردد للقمر الاوربى

11054
افقى
27500

[غبور 7]

اوربى ايه ونايل ايه هو احنا لسه هنرجع لورى ودا يعتبر أ-ب تركيبات
احنا دلوقتى بنتكلم على استرا - nss12 -اكسبريس -الازربيجانى-هيلاسات-ترك سات 42
وهو ده الكلام مش اوربى ونايل -تقبلوا تحياتى

[karimbo]

المشاركة الأصلية كتبت بواسطة غبور 7

اوربى ايه ونايل ايه هو احنا لسه هنرجع لورى ودا يعتبر أ-ب تركيبات
احنا دلوقتى بنتكلم على استرا - nss12 -اكسبريس -الازربيجانى-هيلاسات-ترك سات 42
وهو ده الكلام مش اوربى ونايل -تقبلوا تحياتى

مع اني مش فاهم رد حضرتك بس تحياتي ليك

[karimbo]

يا جماعة ياريت اكتر من تردد ضعيف عشان اضمن مية في المية ان الاوروبي شغال كويس عشان الفني ده انا حاسس انه هيطلع عيني