[mohamed haggag2012]

السلام عليكم

العاب بنات

انا عملت زى كل الشروحات ما بتقول ولكن مفيش فايد ومفيش اشارة نهائي ,, عايز اعرف اتجاه الطبق للتركي كده صح ولا اعمل ايه ؟؟ والعدسه تمام ولا لا ؟

[بلبل سكران]

ده اتجاه القمر التركى

[احمـــد اليكس]

ياغالي تاكد من اتجاه سيلك الي خارج من العدسه
يكون لاسفل
انظر الي الصوره جيدا

[mohamed haggag2012]

تمام ده بالنسبه لاتجاه الطبق لاعلى ,, بالنسبه لاتجاهه من اتجاه النايل سات ازاى عشان حاولت ومعرفتش ؟

[mohamed haggag2012]

تمام يابوب هجرب واقولك :)

[احمـــد اليكس]

المشاركة الأصلية كتبت بواسطة mohamed haggag2012

تمام يابوب هجرب واقولك :)

بالتوفيق ياغالي ومتابع
معاك

[mohamed haggag2012]

قبل ما اتعب نفسي تاني,, الطبق عندي 60 سم هينفع يشتغل عليه التركي ؟

[محمد القن]

بسم الله الرحمن الرحيم

انا بفضل الله تعالي ثم بمساعده المنتدي قدرت اركب قمر ترك سات 42 شرق علي طبق 70 باراكليبس في كفرالشيخ
وحصلت علي جميع القنوات المهمه والغير مهمه بإشاره كويسه جدا
عدا قنوات trt ‎‏ شغاله في الليل كويسه واشارتها بتروح
____________________________
طريقه التركيب
القمر بيجي بسهوله جداجداجدا
وجه الطبق ناحيه القبله مباشره وارفع لفوق حاجه بسيطه
دي صوره الطبق

ودي صوره العدسه
عكس ميل النيل سات بإنحدار بسيط للأسفل يمين

ودا اقوي تردد له
12447
H
2400
ونصيحه :
ظبط القمر في الليل لإن الإشاره بتكون افضل من النهار
____________________________
ودي جميع القنوات المهمه الناقله لجميع الدوريات العالميه
NTV / NTVSPOR / STARTV
12015H 27500

TV8
12346H 9600

TRTHD
11054V 30000

TRT
11958V 27500

RAH-E-FARDA
12446H 2400

TVEM
12345V 3000

مع تحيات اخوكم محمدالقن

[mohamed haggag2012]

شكرا ليك يابوب العرب ,, هجرب وارد عليك ان شاء الله :)

بس الطبق ارفعه لفوق ع الاخر ولا ايه ؟ وعندي اتجاه القبله زى الصوره اللي انا حاططها ف الموضوع ؟؟

[mohamed haggag2012]

عملت كل حاجه قلتوا عليه ,, لكن مشتغلش برده ولا جاب اشاره ولا عارف اساسا اتجاهه لاني حاولت اكتر من اربع ساعات ومفيش فايده :)

[الحاج شريف]

المشاركة الأصلية كتبت بواسطة mohamed haggag2012

عملت كل حاجه قلتوا عليه ,, لكن مشتغلش برده ولا جاب اشاره ولا عارف اساسا اتجاهه لاني حاولت اكتر من اربع ساعات ومفيش فايده :)

لا يأس مع الحياه يا أخى محمد حجاج ولكن بعض المواضيع التى أظنها مهمه تختفى فى الصفحات الداخليه
الصوره التاليه من برنامج كنت أروج له فى المنتدى وهى تعطيك كل مايلزمك من معلومات لإستقبال القمر 42 أو أى قمر آخر




ستجد فى الصوره ، لو أنت فى قلب صينيه ميدان التحرير إتجاه القمر مرسوم بالأخضر
زاويته من الشمال الجغرافى 159 درجه
زاويته من الشمال المغنطيسى " البوصله " 155 درجه
زاويه إرتفاعه وهذه زاويه ميل الطبق العادى المستدير وزاويه العصايه تقريبا للبيضاوى 53 درجه
زاويه ميل العدسه -18 درجه " ناقص يعنى عكس النايلسات مع العلم بأن زاويه النايلسات 47 درجه يعنى حتحرك العدسه للشمال 65 درجه

هذه يا أخى البيانات "العلميه " المطلوبه لإلتقاط القمر حتظبط إتجاه الطبق علي يمين القبله بحوالى 30 درجه وترفع العصايه لأعلي حوالى 50 درجه وتميل العدسه شمال النايلسات ب 65 درجه ومع تكرار المحاوله تحصل إن شاء الله علي إشاره جيده
هناك مشاكل ممكن تقابلك وهى إن الطبق محكوم لا يرتفع لأعلي بالزاويه المطلوبه ودى إن شاء الله لها حل لكن ع العموم زاويته لأعلى أقل من العربسات بحوالى درجه ونصف وزاويه العدسه بعد العربسات للشمال ب25 درجه لو ممكن تحصل علي إشاره العربسات يبقى ممكن تحصل علي إشاره التركسات 42
ولو عايز تتعرف علي برنامج توجيه الطبق وتفادى العوائق هذا رابط له ولشرحه فى هذا المنتدى
http://www.masrawysat.com/vb/showthread.php?t=1417154
كل سنه وانت طيب أستاذ محمد حجاج

[حماد]

يمكنك ايضا الدخول الى هنا.. وسوف تستفيد ان شاء الله..

اضغط هنـــــــــا

[mohamed haggag2012]

شكرا جزيلا لكم جميعا على اهتمامكم :) هجرب ان شاء الله ولما اوصل لحاجه هبلغكم , وشكرا مره تانيه

[mohamed haggag2012]

بالنسبه لقمر تلستار 15 غرب هل هو يمين النايل سات ام يساره ,, يعني من اتجاه الاموس كده ولا عكسه من الناحيه التانيه ,, وارتفاع الطبق يكون اعلى من النايل سات ولا نفس الارتفاع ,, وشكرا ليكم

[mohamed haggag2012]

شكرا جزيلا لكم ,, تم تركيب القمر ولكن عن طريق فني الدش لاني غلبت وف الاخر عمل اللي انا عملته بس ظبط الاشاره على رسيفر مش كارت ستالايت ,, السؤال هنا بقا ايه هيا القنوات اللي بتذيع الدوري الانجليزي والاسباني والايطالي ودوري ابطال اوروبا ؟؟