[Hossam Mokhtar]

السلام عليكم

الحقيقة الواحد من اول ما جاب القمر ده وفيه مشاكل كتيرة اوى ):

فى الاول ولا تردد رضى ييجى لما بحثت من الموقع الموثوق ده، وفضلت فى حيرة يومين، بعد كده بالصدفة جربت الاشارات من الموقع ده، لقيت تقريباً ⅓ القنوات جات. قلت يمكن بسبب ان الطبق صغير (85)، ومتركب فى البلكونة..(؟!) ما علينا.. اهو جاتلى معظم قنوات شبكة (Yes) اللى هى المفروض ان ليها شعبية وبتذيع الحاجات اللى ليها قيمة.
ناهيك عن ان قنوات الـ(HD) وقفت، من حظى!!

نيجى بقى للمشكلة الغريبة دى، واللى هى الهدف الرئيسى من فتح الموضوع ده اصلاً. الصوت متأخر عن الصورة بحوالى من نص ثانية لثانية فى جميع القنوات.. مش عارف حاجة غريبة جداً، اول مرة تقابلنى فى حياتى.. ايوة انا عارف ان الجهاز ممكن يكون مهنج مثلاً، بقفل وافتح وخلاص.. لكن هنا المشكلة واضح انها اعقد من كده. لما مشكلة زى دى بتحصل فى فيديو مثلاً ع الكمبيوتر بحلها بسهولة، لكن فى الريسيفر انا معنديش خيارات كتيرة ولا تحكم!!!

حد عنده اى فكرة ايه ممكن يكون السبب او الحل؟! ريسيفر (Dream 2100 HDMI)

[Hossam Mokhtar]

الصوت متأخر عن الصورة يا جماعة فى جميع القنوات (مع تحسن نسبى فى القنوات المفتوحة)، حد يعرف ايه اللى ممكن يكون مسبب المشكلة؟!!

انا شاكك فى السلك مثلاً.. لانى لقيت السلك قصير فإضطريت اعمله وصلة بسلك قديم.. ممكن يكون السلك القديم او الوصلة نفسها هى المشكلة؟

[حورس العاطفى]

بص انا احيانا بتحصل عندى وبحكم خبرتى مع المشكلة ديه باختصار الطبق صغير والقمر مش مظبوط او وبالتالى الجهاز بيعانى مع الاشارة حتى يستقبلها بمعنى ان الاستقبال غير مريح وغير مستقر وعليه يجب ظبط الطبق جيدا او على وجه الدقة ظبط القمر جيدا ولتتاكد من الكلام ده خد الجهاز وجرب عليه القمر عند حد تانى يكون مظبوط عنده

[Hossam Mokhtar]

مش عارف والله يا استاذ حورس، اولاً انا بشكرك على الاضافة وعلى اقتراحك ده. انا هحاول اغير السلك الاول (على اساس ان ده اسهل) لانى لقيت ان من خلال بحث على النت ان رداءة السلك ممكن فعلاً تأثر على الصوت (زى ما بتأثر على الصورة).

هخلى موضوع ظبط الطبق ده الخطوة التانية؛ لانى اصلاً كده كده بفكر انقل الطبق للسطح فدى هتبقى شغلانة تانية! وبصراحة معرفش حد مركب اموس عشان اجرب عنده /:

[حورس العاطفى]

المشاركة الأصلية كتبت بواسطة Hossam Mokhtar

مش عارف والله يا استاذ حورس، اولاً انا بشكرك على الاضافة وعلى اقتراحك ده. انا هحاول اغير السلك الاول (على اساس ان ده اسهل) لانى لقيت ان من خلال بحث على النت ان رداءة السلك ممكن فعلاً تأثر على الصوت (زى ما بتأثر على الصورة).

هخلى موضوع ظبط الطبق ده الخطوة التانية؛ لانى اصلاً كده كده بفكر انقل الطبق للسطح فدى هتبقى شغلانة تانية! وبصراحة معرفش حد مركب اموس عشان اجرب عنده /:

حاول باى طريقه تجرب الرسيفر عند حد تانى كخطوة اولى