[hysmrgb]

أخوانى انا دامج خطين تى داتا 2+2 بدخل عليهم من الوين بوكس من انتر فيس بلاقى دائما الخط الاول السحب فيه تمام والخط التانى السحب ضعيف يعن مثلا الخط الاول 117 كيلو بايت والخط التانى 33 كيلوبايت هل ده من الدمج ولا ايه علما بأنى غيرت سلوك الارضى وجبت كابل جديد بالخطين

[ahmed_saad716]

سارفق لك الشرح كاملا وبيك اب ولكن الدمج عن طريق روتر بورد ولا كيسة ونسخة الميكروتك

[hysmrgb]

سلمت يداك اخى الغالى للمتابعه الدمج عن طريق روتر بورد 450g ونسخه الميكروتيك 6/18

[hysmrgb]

ارجو الدخول استاذنا الغالى استاذ وائل

[جوهر255]

عن طريق روتر بورد 750

[وائل001122]

اخى ممكن ترفق لينا صورة من صفحة Status


فى الراوتر اللى بتستخدمة


علشان نشوف الراوترات السحب بتاعها تمام ولا لاء وبكدة نقدر نقيم جودة الخطوط عندك والسحب منها تمام ولا لاء


بس انتا تى داتا ولا لينك ولا اتصالات ولا فودافون ولا اية بالضبط


وهذة صورة للبيانات فى الراوتر الخاص بى حضرتك بترفقلنا صورة مثلها بالضبط اوك


ودى معلومات الخط بتاعى


الداونلود 8 ميجا والابلود 1 ميجا


والخط يقدر يشيل 19 ميجا داونلود و ميجا ونص ابلود


وجودة الخط جيدة جدا


هذة هى المعلومات المتعلقة بالخط فى انتظار ردك ياغالى

[hysmrgb]

تمام استاذ وائل بس الموضوع هيطول شويه لانى ناقل نت من مسافه 5 كيلو اقصد ان الروتر مش تحت ايدى فى الوقت الحالى علما بانى تى داتا استاذى الغالى بس حضرتك تابع معايا واسف ع التأخير لظروف شغلى

[وائل001122]

تمام اخى الغالى


انا متابع معاك ما تقلقش


انا تى داتا كمان وناقل نت من مسافة 10 كيلوا متر


الموضوع سهل جدا طول ما انتا متصل بالسيرفر تقدر تدخل على اى جهاز فى شبكتك وانتا مكانك بالبيت من غير ما تروح لمكان الشبكة اللى ناقل منة نت



تقدر تدخل على راوتراتك وانتا قاعد بالبيت كمان



فقط اكتب فى المتصفح ايبى الراوتر واضغط انتر ثم اكتب اسم المستخدم والباسورد



والديفولت ( الافتراضى )

admin

admin



الموضوع سهل جدا مش محتاج انك تذهب الى اى مكان وانتا قاعد فى البيت تدخل وتبرمج اى جهاز فى شبكتك عن طريق الايبى الخاص بكل جهاز




فى انتظار ردك ياغالى

[hysmrgb]

تسلم استاذنا الغالى بس حضرتك انا بدخل عندى فى المتصفح وبدخل ايبهات الروتر بيدينى مشكله فى التصفح مبيفتحش معايا غير لما اكون موجود فى مصدر الشبكه فقط ولو افتردنا انه دخل على الروتر ازى اعرف ان ده الروتر المطلوب انا عندى 2 روتر تى داتا كل روتر 2 ميجا عليه والايبهات واحده فى الروترين ممكن التوضيح

[وائل001122]

ياغالى


ازاى انتا دامج وعامل الراوترات بنفس الايبيهات


لازم كل راوتر يكون الايبى بتاعة مختلف عن الاخر


مثلا الراوتر الاول الايبى بتاعة بيكون

192.168.1.1


والراوتر الثانى

192.168.2.1


والراوتر الثالث

192.168.3.1


والراوتر الرابع

192.168.4.1



وهكذا


ولازم تغير ايبيهات الراوترات وتغيرهم كمان فى ***** الدمج بتاعك

علشان الدمج يكون صح ويسحبلك من جميع الخطوط عندك



لكن اخى انا بدخل عادى بأيبى الراوتر بكتبة فى المتصفح وبدخل علية عادى جدا


بالرغم من ان كارت اللان عندى فى الكمبيوتر ساحب ايبيهات ******* التوزيع عندى


وبدخل على جميع اجهزة شبكتى من خلال الايبى الخاص بكل جهاز فيهم واللى انا مغيرة بالترتيب فى كل جهاز



ياغالى نظم شغلك علشان ماتتعبش



جرب ياغالى ونحن معك




وبالتوفيق انشاء الله

[hysmrgb]

تسلم استاذى بس انا معرفش اغير ايبى الروتر وعلى فكره انا بدخل ع النانو واللوكوهات من مكانى ما عدا الروترات بس فهمنى ازاى اسحب صوره من الاعدادات بتاع الروتر اللى حضرتك رفعها

[وائل001122]

ياغالى


اذهب الى مكان الراوترات


وادخل عليها من جهازك الكمبيوتر


وخذ صورة من البيانات كما وضحت من قبل بأى برنامج من برامج محررات الصور


الموضوع سهل جدا ياغالى



اما موضوع انك ما تعرفش تغير ايبى الراوتر

لانة ضرورى جدا تغيير ايبى الراوترات بالترتيب كما وضحت مسبقاً علشان الدمج يخرج معاك من جميع الخطوط كدة الدمج عندك خارج من خط واحد فقط



حضرتك ممكن تقولنا نوع راوترك اية واحنا انشاء الله هانساعدك فى كدة

[hysmrgb]

صباح الورد استاذنا الغالى **نوع الروترات تى داتا وانا هروح دلوقت اخذ صوره من الاعدادات اللى حضرتك قولت عليها وهرفهعا ان شاء الله

[وائل001122]

صباح الخير ياغالى


بالتوفيق لك انشاء الله

ونحن فى انتظار رددك بالنتائج بس الرجاء تجريب كل خط لوحدة بمعنى شغل اول خط ثم افصلة ثم شغل الثانى


وخذ صورة من كل خط اوك



ونحن فى انتظار ردك

[hysmrgb]

اتفضل استاذ وائل واسف ع التأخير مرفق صوره من كل خط فى الروترات الصوره رقم 1 السحب عليها ضعيف وهوه الخط المطلوب اصلاحه **علما بأن اعدادات الرواتر بريج وده اللى مخلينى معرفش ادخل عليه من مكانى وشألت واحد قالى ده طبيعى ان الخط الاول ده اللى بيكون عليه سحب ولما بيحصل ان عدد مشتركين فاتحين بيسحب الخط التانى والله واعلم