[amralwakiel]

السلام عليكم ورحمه الله وبركاته


انا خلصت دبلوم صنايع نظام 3 سنوات

عاوز اعرف اعمل ايه ف الخدمه العسكريه انا مواليد 96 اجرى من دلوقت واعمل الفيش ولا استنا شويه

[ماجد الديرى]

لسة بدرى
مراحل وأوراق واجراءات التجنيد
الاوراق المطلوبه كالتالي

1 شهاده ميلاد كمبيوتر

2 بطاقه 6 جند

3 فيش جنائي عشان الجيش ( لازم يكون عشان الجيش مش لأي سبب تاني )

4 قيد عائلي ( وده لاااااااااااازم لكل اللي حيقدموا للجيش او ممكن استخدام الوصل مختوم لو ملحقش يطلع خللي بالكم عشان الموضوع ده عشان قبل كده كان الناس اللي بتحتاج تعمل القيد العائلي هما الناس اللي كانوا عندهم اعفاء سواء مثلا اذا كان وحيد او ابوه متوفي وهو العائل الوحيد للاسره او ايا كان السبب لكن دلوقتي بقى كل الناس سواء اللي ليها جيش او اللي ملهاش لازم يعملوا قيد عائلي ارجو تكون الفكرة وضحت )

5 عدد 4 صور شخصيه على الاقللللللل ويا ريت يكون عندكم اكتر احتياطي

6 نموذج 40 اللي بتجيبوه من البوسطه ( ويا ريت تحاولوا تجيبوه من بدري عشان للاسف النموذج ده بيخلص بسرعه في معظم البوسطه وساعتها حتضطر تلف الدنيا عشان تلاقيه ) والنموذج ده هو اللي بتملاه عشان تعرف تعمل القيد العائلي
7 طبعا البطاقه الشخصيه ودي مفيهاش كلام

8 لو كان عندك اخ اصغر ومعنهوش بطاقه شخصيه يبقى لازم تعمله شهاده ميلاد كمبيوتر عشان حتحتاج الرقم القومي بتاعه عشان القيد العائلي

9 صور بطايق العائله كلهاااا الاب والام والاخوات والاخوه

10صورة من عقد زواج الوالد والوالده عشان القيد العائلي ( وغالبا حتحتاج الاصل عشان توريه بس للموظف)

11 تحليل فصيله دم من مستشفى حكومي او خاص او حتى معمل تحاليل بس المهم يكون عليه ختم المكان اللي عملت فيه التحليل )

[amralwakiel]

متشكر لحضرتك جدا يا استاذ ماجد

واسف لو شغلتك