[cap.wagih]

من فضلكم هل ستاند اى عمود الطبق بارتفاع متر يصلح لطبق 180 سم ام لابد من ارتفاع 120 سم مثلا وللعلم لايوجدغيرة فى السوق وفى التوكيل رجاء الافادة قبل التركيب مع خالص الشكر والتقدير

[فني تركيبات]

المشاركة الأصلية كتبت بواسطة cap.wagih

من فضلكم هل ستاند اى عمود الطبق بارتفاع متر يصلح لطبق 180 سم ام لابد من ارتفاع 120 سم مثلا وللعلم لايوجدغيرة فى السوق وفى التوكيل رجاء الافادة قبل التركيب مع خالص الشكر والتقدير

الافضل 150 سم
ولو الموجود فى السوق 120 يبقى تروح للحداد ويزودلك 30 سم باللحام

[حماد]

يا غالى الاستاند ممكن تجيبه من عند اى واحد حداد...




بالتوفيق ان شاء الله

[محمد سيد محمود]

حمد الله على سلامة حضرتك اخى الكريم حماد منور المنتدى والله اخى الكريم تقبل تحياتى اخى الكريم حماد

[عادل عامر]

ذى مقال الاستاذ\ ابو افنان
ركب وصلة باللحام تحت وصب عليها خرصانة

[حماد]

المشاركة الأصلية كتبت بواسطة محمد سيد محمود

حمد الله على سلامة حضرتك اخى الكريم حماد منور المنتدى والله اخى الكريم تقبل تحياتى اخى الكريم حماد

الله يكرمك.. المنتدى منور بأهله.... وبالاعضاء الكرام....

[cap.wagih]

شكرا لردودكم العزيزة احبائى مبدعى التركيبات واسف للتاخير فى الرد لكن احب اوضح ان التوكيل فى الاسكندرية محلات المهدىالمنتجة لطبق اى سى سى هى من باعت لى العمود واكد صاحب المحل وورانى بعينى ان انتاج الشركة كلة للاطباق 180 و 240 هو هذا الارتفاع متر فقط وجادلتة كثيرا ولكن اقنعنى بان المصنع ليس غبيا ان ينتج شىء يضر بتركيب الطبق واكد لى بعض الفنيين فى محلات اخرى بعد الشراء ان هذا الارتفاع المتر هو للاطباق 180 فسؤالى ماهو الضررفى تركيب الاستاندالمترلان عملية التوصيل عند حدادقد يكون غير دقيق وندخل فى مشاكل اثناء التركيب ام هى افضلية فقط وهل الطبق سيلمس الارض اقصى الغرب عند الهسباسات اوعند الاكسبريس مثلا فى اقصى الشرق فان لم يكن كذلك فلاضرر اذن فماذا ترون اخوانى الكرام بعد هذة الاطالة واسف على ذلك ولكم منى كل التحية والتقدير

[scary man]

كابتن وجيه

احسب معايه كده اصل انا المتعلم الوحيد اللي في عيلتنا

طول الاستاند 100سم
ارتفاع البولار علي الطبق من 15 الي 20 سم

يبقي ارتفاع الطبق وهو راكب بالاستاند عند قمر منتصف المدار كام
100+15/20=115/120سم

طب لو انت قسمت قطر الطبق نصفين
ولفيت الطبق علي الهسباسات غرب او الايراني وما بعده شرق
هتلاقي نصف الطبق يساوي90سم ده حتي لو قطره كامل بالحواف

اذن ايهما اكبر في الارتفاع

الاستاند والبولار حامل الطبق؟115/120سم؟
ولا
ارتفاع نصف الطبق علي مداريه؟ 90سم؟


وصلتلك المعلومة يا كابتن وجيه

هتقولي طيب وزاوية دوران دراع الماتور مش هيخبط في الارض

اقولك لالالالالالالالا

ركب يا كابتن وجيه علي الاستاند المتر بدون ما تعدل فيه بتطويل ارتفاعه

و زود الخلطة شوية٠٠٠٠٠ علشان هواء اسكندرية

و انا المسئول لو حدث ما تخشي وقوعه

بالتوفيق يا غالي

[cap.wagih]

رد رائع ومنطقى اخى الحبيب وهذا ماقصدة صاحب التوكيل ليقنعنى بصلاحية العمود للتركيب واكيد مبدعينا الكبار استاذ ابراهيم واستاذ عادل يقصدون الافضلية خشية حدوث اع عائق فى طريق الطبق اثناء التحرك من والى اليمين واليسار والا ماكان خرج من المصنع بهذا الطول المتر فشكرا جزيلا لك اخى الحبيب ولو اساتذتنا الكبار لهم اى ملحوظة على هذا الكلام رجاء التوضيح لتعم الفائدة للجميع وجزاهم الله كل خير

[hassan_zein]

مش هتفرق الاثنين صح يا اخي وحسب المتاح عندك
لي استفسار لو سمحت
انت بتقول ان التوكيل وراك انتاج 180 و240 هو التوكيل عنده اطباق 240 وسعره كام لوتعرف حضرتك

[ayaayatalaa]

هو الافضليه طبعا زى ما قالو الاساتذه الكبار 150 سم لكن ارتفاع متر يمشى على 180 لكن 240 لالالالالالالالالالالالالالا