[المعلم هشام]

الطبق 180 ecc مفهوش خرم من النص زى ده



اعرف ازاى منتصف الطبق

تانى شىء لفيت شكرتون على الليزر علشان اظبط بيه الدرعات حطيت الليزر فى قلب العدسه من جوه
بس الليزر يميل شويه كده وشويه كده معرفتش اظبط اللليزر بردوه علشان اظبط الدرعات
افيدونى افادكم الله

[علاءدش101]

اتا نفس المشكلة

[scary man]

هات ماسورة ستارة الرفيعة مثل القلم الرصاص بطول المسافة من العدسة لبؤرة الطبق و ظبط ميل عدستك علي البؤرة

وتحدد البؤرة والطبق راكب علي الاستاند بالطريقة دي
شغل رياضيات يسمي
نقطة تقاطع ارتفاعات المثلث
وهي كالتالي
------------------
ارسم بقلم رصاص 3 خطوط طولية تتصل كمثلث بين الثلاث ذراعات الحاملة للفلانشة والعدسة

ثم نصف كل خط طولي بين كل زراعين لتحصل علي 3 انصاف اضلاع للمثلث

ثم صل كل نقطة منتصف بزاوية او مسمار الزراع المقابل لها والمربوط بالطبق

ستجد ان المنتصفات وخطوطها الواصلة للاذرع تتقاطع في نقطة داخل مثلث الدراعات
هذه هي اقرب بؤرة للطبق

وهناك حلول افضل لدي الاخوة الاحباب بالمنتدي
بالتوفيق لك وللجميع

[hassan_zein]

المشاركة الأصلية كتبت بواسطة scary man

هات ماسورة ستارة الرفيعة مثل القلم الرصاص بطول المسافة من العدسة لبؤرة الطبق و ظبط ميل عدستك علي البؤرة

وتحدد البؤرة والطبق راكب علي الاستاند بالطريقة دي
شغل رياضيات يسمي
نقطة تقاطع ارتفاعات المثلث
وهي كالتالي
------------------
ارسم بقلم رصاص 3 خطوط طولية تتصل كمثلث بين الثلاث ذراعات الحاملة للفلانشة والعدسة

ثم نصف كل خط طولي بين كل زراعين لتحصل علي 3 انصاف اضلاع للمثلث

ثم صل كل نقطة منتصف بزاوية او مسمار الزراع المقابل لها والمربوط بالطبق

ستجد ان المنتصفات وخطوطها الواصلة للاذرع تتقاطع في نقطة داخل مثلث الدراعات
هذه هي اقرب بؤرة للطبق

وهناك حلول افضل لدي الاخوة الاحباب بالمنتدي
بالتوفيق لك وللجميع

والله شغل عالي
ودي تبقي نقطة تقاطع ( الارتفاعات - المتوسطات - منصفات الزوايا ) للمثلث
تقبل تحياتي

[المعلم هشام]

scary man

------------------

تسلم يا كبيربصراحه شرح روعه وطريقه سهله

[الحاج شريف]

المشاركة الأصلية كتبت بواسطة scary man

هات ماسورة ستارة الرفيعة مثل القلم الرصاص بطول المسافة من العدسة لبؤرة الطبق و ظبط ميل عدستك علي البؤرة

أهلا بيك أخى
من فتره ماالتقيناش فى مداخله
حاولت أقنع ناس كتير هنا فى المنتدى بطريقه الماسوره لكن لقيت دماغهم مربوطه عند قلم الليزر لسبب ما أقدرتش أفهمه
مع إن طريقه قلم الليزر تفترض أن القلم متسنتر جوه العدسه او الفلانشه وده اللى صعب ضبطه
أخيرا لقيت واحد معايا فى طريقه الماسوره فأهلا بيك يا أخى
لكن لو الأخ ربط ماسوره بدل من القطعه أو حوالين زور القطعه فممكن يحدد منتصف الطبق بأطول طول للماسوره
يعنى منتصف الطبق هى أعمق نقطه فيه
لكن طريقه متوسطات المثلث لا أذكر أنها منتصف المثلث حسب معلومات إعدادى
لكنها النقطه التى تقسم كل متوسط بنسبه 2:1
لكن منتصف المثلث هو النقطه التى لو رسمت منها دائره تمس اضلاع المثلث الثلاثه أو تمر برءوسه الثلاثه
ولكن حتى لايتوه منا المعلم هشام
ممكن رسم متوسط واحد وتنصيفه حتكون أقرب لمنتصف المثلث
وحشتنا مداخلاتك القيمه أخى scaryman
تحياتى لك وللأخ المعلم هشام

[scary man]

اخي في الله / asharif
بعد التحية
الحمد لله اننا اتفقنا في رأي
وانا معك في جزئية انها نقطة تقسم المتوسط بنسبة 2:1 من جهة القاعدة
وتقسمه بنسبة 1:2 من جهة الرأس وهي مسمار ربط الدراع مع الطبق
اذن ابعاد الثلاثة ذراعات هتتلاقي بين شاطئين ومية
اقصد بين الثلاث دراعات واللي هي علي ابعاد متساوية
يعني الثلاث دراعات هتكون مثلث متساوي الاضلاع
اذن نقطة تقسيم المتوسطات هتكون هي نقطة منتصف الطبق وهي البؤرة
وللتاكد
لو ركزنا في تلك النقطة ورسمنا منها دائرة هتلاقيها بتمر بمسامير ربط الدراعات بالطبق
رسم دائرة من نقطة تقاطع متوسطات المثلث تمر برؤس هذا المثلث

والله زمان يا رياضيات

لو طبقت رأيي علي مثلثك المرفق بشرحك و في حالة تساوي اضلاعه هتتاكد من كلامي
وده طبعا بينطبق علي اطباقنا الطائشة
هههههههههههه

هذا رأيي ومنتظر ردك الكريم
وادعي ربنا ان الموضوع لا يغلق كسابقيه
ربنا يستر
وتشرفت بصداقتك ومعرفتك في الله
اخوك/ ابو علي

[الحاج شريف]

المشاركة الأصلية كتبت بواسطة scary man

اخي في الله / asharif

لو ركزنا في تلك النقطة ورسمنا منها دائرة هتلاقيها بتمر بمسامير ربط الدراعات بالطبق
رسم دائرة من نقطة تقاطع متوسطات المثلث تمر برؤس هذا المثلث

والله زمان يا رياضيات

لو طبقت رأيي علي مثلثك المرفق بشرحك و في حالة تساوي اضلاعه هتتاكد من كلامي
وده طبعا بينطبق علي اطباقنا الطائشة
هههههههههههه

هذا رأيي ومنتظر ردك الكريم
وادعي ربنا ان الموضوع لا يغلق كسابقيه
ربنا يستر
وتشرفت بصداقتك ومعرفتك في الله
اخوك/ ابو علي

أهلا ابو على مرحبا بك
إن شاء الله مش حيغلق
أنا عارف المواضيع السابقه اغلقت ليه
كلامك صحيح فى حاله تساوى أضلاع المثلث تماما
وهذا غير مضمون فى "أطباقنا الطائشه "
لأنك لو جربت تلف الدراعات خاصه الماونت حتلاقيها لا تنطبق إلا فى وضع واحد
وبعدين احنا متفقين فى معظم المواضيع ليه بتقول إننا إتفقنا فى رأى واحد
أنا مختلف معاك فى موضوع واحد وهو الموضوع اللى بيتقفل علشانه المشاركات فمش عايز ارجع له
تحياتى لشخصك الكريم ابو علي والشرف لى بمعرفتك
واحيى أيضا عقليتك الرياضيه وإجتهادك فى إرشاد صاحب الموضوع إلى حلول علميه
وأنا قصدت بمداخلتى معك تثبيت المعلومه ودعوه المشاركين للتفكير

[gerrard888]

فعلا يابشمهندس اشرف انا حاولت اجرب طريقة الليزر لكن المحاولة مش عارف اظبطها فعلا
ياريت يابشمهندس اشرف وبشمهندس ابوعلى توضحلنا وتبسطلنا فكرة الماسورة

[الحاج شريف]

المشاركة الأصلية كتبت بواسطة gerrard888

فعلا يابشمهندس اشرف انا حاولت اجرب طريقة الليزر لكن المحاولة مش عارف اظبطها فعلا
ياريت يابشمهندس اشرف وبشمهندس ابوعلى توضحلنا وتبسطلنا فكرة الماسورة

الموضوع بسيط يا أخى
حتشيل القطعه وتثبت مطرحها ماسوره خفيفه زى اللى بتستخدم شماعه أو حتى يد مكنسه خشب أو بلاستيك
وتخليها تشاور علي منتصف الطبق زى الصوره
لو ما كانتش مضبوطه تضغط علي الأدرعه لغايه ما تضبط معاك
ولو كانت الماسوره تركب علي زور القطعه من الداخل أو الخارج ممكن تركبها بس فى الحاله دى حتقص الماسوره علي قد البعد البؤرى
لكن أنا أفضل تشيل القطعه علشان تربط الماسوره كويس وتاخد راحتك فى الضبط وما تأثرش علي القطعه
تحياتى أخ "اسلام" مضبوط والا انا غلطان فى الإسم

[فني تركيبات]

شكرا لك اخى اشرف على توضيحك لضبط بؤره الطبق بهذه المعادله البسيطه وانا شخصيا احييك عليها
وانا معك ان ضبط البؤره بالليزر متعبه ولكن مع الهاوى فقط ولكنها تأتى بنتائج
وبتكون سهله للهاوى لانه سوف يدخل قطعه فيل (اللى بيجى داخل كارتونه الثلاجه)
فى زور القطعه ثم ادخال قلم الليزر فى منتصف الفيل
يعنى لن يقوم بفك القطعه وخلافه خوفا منه الا يعرف يركب القطعه كما كانت
واخيرا احييك للمره الثانيه

[gerrard888]

المشاركة الأصلية كتبت بواسطة asharif

الموضوع بسيط يا أخى
حتشيل القطعه وتثبت مطرحها ماسوره خفيفه زى اللى بتستخدم شماعه أو حتى يد مكنسه خشب أو بلاستيك
وتخليها تشاور علي منتصف الطبق زى الصوره
لو ما كانتش مضبوطه تضغط علي الأدرعه لغايه ما تضبط معاك
ولو كانت الماسوره تركب علي زور القطعه من الداخل أو الخارج ممكن تركبها بس فى الحاله دى حتقص الماسوره علي قد البعد البؤرى
لكن أنا أفضل تشيل القطعه علشان تربط الماسوره كويس وتاخد راحتك فى الضبط وما تأثرش علي القطعه
تحياتى أخ "اسلام" مضبوط والا انا غلطان فى الإسم

مظبوط اخيك الصغير اسلام
اشكرك بجد على الشرح التوضيحى هذا وان شاء الله حنفذه اول ما الجو يتعدل شوية
ممكن استفسار اخر معلش انا مش قادر افهمه
موضوع البعد البؤرى ده انا مش فاهمه شوية دلوقتى انا الطبق اشتريته جديد يعنى اللى انا فهمته من الاعضاء ان طالما الطبق شاريه جديد يبقى لا داعى لحساب البعد البؤرى لانى بكون ضامن ان الاذرع بتاعة الطبق
طيب دلوقتى مش البعد البؤرى ده هو المسافة بين العدسة وبؤرة الطبق
طيب يبقى كده المفروض انى برضه احسب البعد اابؤرى علشان اعرف القطعه تتحط ازاى بمعنى هل تكون لتحت شوية او فوق شوية
وهناك اعضاء برضه بيفضلوا ان القطعه تلامس الفلانشة وللامانه بالفعل هذا الوضع فعلا علا معايا الاشارة طب ده حصل ازاى وانا محسبتش البعد البؤرى ولا هو ده كده اابعد البؤرة السليم اللى هو القطعه تلامس الفلانشة وطالما الاذرع بتاعة الطبق يبقة دى الوضعية الصحيحة للبعد البؤرى
معلش ياريت توضيح النقطه دى
وجزاك الله كل الخير استاذ الشريف

[الحاج شريف]

المشاركة الأصلية كتبت بواسطة gerrard888

مظبوط اخيك الصغير اسلام
اشكرك بجد على الشرح التوضيحى هذا وان شاء الله حنفذه اول ما الجو يتعدل شوية
ممكن استفسار اخر معلش انا مش قادر افهمه
موضوع البعد البؤرى ده انا مش فاهمه شوية دلوقتى انا الطبق اشتريته جديد يعنى اللى انا فهمته من الاعضاء ان طالما الطبق شاريه جديد يبقى لا داعى لحساب البعد البؤرى لانى بكون ضامن ان الاذرع بتاعة الطبق
طيب دلوقتى مش البعد البؤرى ده هو المسافة بين العدسة وبؤرة الطبق
طيب يبقى كده المفروض انى برضه احسب البعد اابؤرى علشان اعرف القطعه تتحط ازاى بمعنى هل تكون لتحت شوية او فوق شوية
وهناك اعضاء برضه بيفضلوا ان القطعه تلامس الفلانشة وللامانه بالفعل هذا الوضع فعلا علا معايا الاشارة طب ده حصل ازاى وانا محسبتش البعد البؤرى ولا هو ده كده اابعد البؤرة السليم اللى هو القطعه تلامس الفلانشة وطالما الاذرع بتاعة الطبق يبقة دى الوضعية الصحيحة للبعد البؤرى
معلش ياريت توضيح النقطه دى
وجزاك الله كل الخير استاذ الشريف

البعد البؤرى اخى اسلام هو البعد بين فوهه العدسه ومنتصف الطبق نفسه
وهو مكان تجمع الإشارات المنعكسه من علي الطبق إلى العدسه
والذى ينبنى عليه تصميم الطبق ولا يمكن تغييره
وتجد أن العدسات ذات الحلقات الدائريه تحتاج إلى رفع العدسه قليلا لأن فوهه العدسه فى مقدمتها
لكن فى العدسات الأوفست تحركها لأسفل أى بإتجاه الطبق لأن فوهه العدسه غاطسه بعد البوق
ولا مانع يا أخى من حساب البعد البؤرى ثم قياسه علي الطبق ولو لمجرد الإطمئنان حتى لايظل عندك هاجس إسمه البعد البؤرى مش مضبوط
وحسابه بسيط
تقيس قطر الطبق الفعال من حوافه الداخليه ، وعمق الطبق ثم تطبق المعادله البسيطه
البعدالبؤرى = قطر الطبق × نفسه ÷ "16 × عمق الطبق "
تحياتى أخى إسلام

[الحاج شريف]

المشاركة الأصلية كتبت بواسطة ابراهيم مصراوى

شكرا لك اخى اشرف على توضيحك لضبط بؤره الطبق بهذه المعادله البسيطه وانا شخصيا احييك عليها
وانا معك ان ضبط البؤره بالليزر متعبه ولكن مع الهاوى فقط ولكنها تأتى بنتائج
وبتكون سهله للهاوى لانه سوف يدخل قطعه فيل (اللى بيجى داخل كارتونه الثلاجه)
فى زور القطعه ثم ادخال قلم الليزر فى منتصف الفيل
يعنى لن يقوم بفك القطعه وخلافه خوفا منه الا يعرف يركب القطعه كما كانت
واخيرا احييك للمره الثانيه

حياك الله أخى إبراهيم
مشكلتى مع الليزر مش الطريقه
لكن كيف يمكن تثبيت الليزر بطريقه صحيحه فى فوهه العدسه
أى كيف يمكن أن تضع قلم الليزر بحيث يكون موازيا تماما لزور العدسه
ممكن زى مابتقول حضرتك تثبيته بقطعه فوم
لكن من يضمن ألا يكون مائلا فى فوهه العدسه ولو بدرجه أو بدرجتين
وبالتالى ترحل البؤره عن مكانها بمقدار الخطأ في تثبيت الليزر
ثم تبنى على ذلك كل مراحل الضبط
لكن لا إعتراض لى علي الطريقه لمن يجيدها
تحياتى أستاذ ابراهيم وشكرا علي كلماتك الطيبه

[gerrard888]

المشاركة الأصلية كتبت بواسطة asharif

البعد البؤرى اخى اسلام هو البعد بين فوهه العدسه ومنتصف الطبق نفسه
وهو مكان تجمع الإشارات المنعكسه من علي الطبق إلى العدسه
والذى ينبنى عليه تصميم الطبق ولا يمكن تغييره
وتجد أن العدسات ذات الحلقات الدائريه تحتاج إلى رفع العدسه قليلا لأن فوهه العدسه فى مقدمتها
لكن فى العدسات الأوفست تحركها لأسفل أى بإتجاه الطبق لأن فوهه العدسه غاطسه بعد البوق
ولا مانع يا أخى من حساب البعد البؤرى ثم قياسه علي الطبق ولو لمجرد الإطمئنان حتى لايظل عندك هاجس إسمه البعد البؤرى مش مضبوط
وحسابه بسيط
تقيس قطر الطبق الفعال من حوافه الداخليه ، وعمق الطبق ثم تطبق المعادله البسيطه
البعدالبؤرى = قطر الطبق × نفسه ÷ "16 × عمق الطبق "
تحياتى أخى إسلام

ياسلام بجد الله يباركلك
شرح بسيط ومفهوم ومش معقد
طيب انا طماع بقى ههههه
عندى مشكلة فى المسمار اللى ماسك ذراع الماتور بالطبق
لو تفتكر قبل كده كنت عامل موضوع ان مفيش اشارة عندى وحضرتك كان اول رد قلتهولى اتاكد ان المسمار مش فالت
طيب دلوقتى المشكلة دى اتكررت معايا ٣ مرات بعد ربطه
اول مرة جبت فنى المفروض يعنى انه فنى بس فلت برضه
والمرتين التانيين انا اللى حاولت اربطه بس برضه بيفلت
طيب انا مش عارف اربطه ازاى
بمعنى خايف اربطه جامد الماتور يقفش ولا حاجة وكنت فاكر بعض الاعضاء على ما اتذكر كانو كاتبين انه اسيبه مهوى شوية هل الكلام ده سليم
وعلى فكرة هو مسمار تقريبا ١٩ ومن تحت صاموله
هل اريط الاتنين كويس ولا ايه بالضبط
معلش بتقل عليك بس نفسى استفيد بجد من راجل فاهم ودارس وبيوصل المعلومة بمنتهى السلاسة والوضوح