[Leon]

بسم الله الرحمن الرحيم
حبيت اقدم لكم هذا الموضوع ليستفيد منه جميع الاعضاء للمنتدى الغالى مصراى سات
رسيفر هيروشيما فرجن 1 الاحمر اللى بيتحول لدنجل وايضا الكيوماكس فرجن 1.2
الرسيفر جالى المحل وهو عامل بوت بلودر الجى اكس شحنت له فلاشة بعد شحن الفلاشة الرسيفر كاتب اتصال LNB قصير اعادة الاتصال للتصحيح سواء سلك الطبق كان راكب او مش راكب هى هى برضو نفس الرسالة

الحل بعد تعب اكثر من 10 ساعات بعد ما عملت كل ما يخطر على بالكم وقلت اخيرا اغير الكرستالة وانا بفتح علبة التيونر لقيت حتة سلك من سلك الطبق مكسورة جوا التيونر تم ازالتها واشتغل تمام افقى وعمودى
وكل ده بعد ماعملت الحاجات دى
اولا غيرت الرجيليتور
ثانيا غيرت مكثف الباور 470/47
ثالثا غيرت الدايودات الحمر ورا علبة التيونر
رابعا غيرت دايرة الباور
خامسا غيرت اى سى الاشارة 317
سادسا غيرت اى سى الاشارة 772 والديود اللى جنبه
سابعا التسخين على الرامة والبروسيسور
ولكن اخيرا الحل كان سهل جدا جدا وهو حتة سلك مكسورة وواقعة جوا التيونر
ارجو ان يستفيد الكل من هذه التجربة

[ايمن مغازى]

جزاك الله خيرا
أى نوع رسيفر لو أعطاك نفس الكلام
لو خارجى تأكد من الكابل الواصل من الطبق
ممكن يكون به أقطاع ويكون السلك الموجب والسالب ملمس
ببعضة أو من الداخل كما ذكرت

[م/محمد العنانى]

بارك الله فيك يا غالى
على حرصك على مساعدة جميع الاعضاء
والف مبروك عودة الجهاز يا غالى

[WALID85AYA]

جزاكم الله خيرا ...ولكن اخي الكريم انت تعلمت هذا مؤخرا ولكن المهم في النهاية انك وصلت للحل وعرفته ،،، المهم اخي الفاضل اي شورت في مربع الاشارة يعني وجود اتصال بين الارضي وخط 22 فولت ...وكذلك وجود شورت في كافة اجزاء الجهاز ، هذا يعني وجود اتصال بين الارضي وخط 3.3 فولت ...علي سبيل المثال وجود مثل هذا الشورت لديك في اجهزة الترومان الحديثة ستجد الجهاز بيرستر يعني يكتب on ولا يكمل يطفي ويكتب On مرة تانية وهكذا ...عايز اوصلك نقطة في النهاية هي ::: يجب عند اجراء اي صيانة في اي ريسفر ...اول خطوة تعملها التأكد من عدم وجود اي شورت من اي نوع داخل الجهاز لأن وجود اي شورت بين الارضي واي جهد في الدائرة ستؤدي حتما إلي فشل المنظومة كاملة بأي شكل من الاشكال بقي ... عندك وجود شورت بين الارضي وجهد 5 فولت في الاسترونج الكوري 4620 وأشباهه يؤدي إلي عدم اضاءة الجهاز بالمرة وكانك الجهاز غير متصل بالكهرباء ...وهكذا كل تلك الملحوظات يجب الا يتناساها اي فني في مجال الصيانة ...ومبرووووك في النهاية اخي عودة الجهاز للعمل بعد ساعات عمل طويلة وشاقة منك وإصرارك للوصول للحل ...تحيــــــــــــاتي ....

[احمد سمير]

بارك الله فيك يا غالى

[محمد على قمرة]

تسلم ايدك يغالى

[الساوى]

جزاك الله خيرا

[سعيدنجيب عوض]

المشاركة الأصلية كتبت بواسطة الساوى

جزاك الله خيرا

الرجاء عدم الردعلى مواضيع قديمه

[م / مـحـمـد عـادل]

المشاركة الأصلية كتبت بواسطة الساوى

جزاك الله خيرا

المشاركة الأصلية كتبت بواسطة سعيدنجيب عوض

الرجاء عدم الردعلى مواضيع قديمه

موضوع قديم من 2014
لا داعى للرد حفاظا" على التنسيق العام للقسم

[f1_only]

جزاكم الله خير

[م / مـحـمـد عـادل]

مــــــــــــــــــغلق لقدمــــــــــــة