[mustafa44]

يا مشرفين بعد ما عملت الدنجل ريسيفر ورجعته تاني دنجل ووقف تاااااني مراتي وجعالي دماغي متابعة مسلسل علي قناه الحكايات وبعد ما سمعت انه رجع ريسيفر تاني حلفت عليها بالطلاق ما هرجعة ريسيفر تاني ... وبعد شوية قريت ان نغير مكان السلك من 6 الي 3 يا ريت بقي الرد من المشرفين فقط؟؟!! كما عودونا علي مجهودهم الرائع والمميز .. عشان انا لسة متجوز وكدة بجد هطلق الولية .. يرضيكوا يعني

[mahmood_ahmed30]

اخى الكريم اولا لا تزعل نفسك انت عارف ان الدنجل فعلا قصه فاشله جدا والله انا نفس المشكله عندى ولكن اعمل ايه اشتغل ماشى وقف عادىوكد كد هو بعد شهر لايعمل او يكون فى جديد فارجوك لا تغض خلاص وان شاء الله يكون فى جديد

[mustafa44]

انشاء الله اخي ... بس برضو يا ريت الرد من المشرفين يا اما هروح علي التحرير

[mahmoud3622]

تمام احنا نعمل مظاهرة

[khaledspider]

اوك بس يارب سرعه الرد علشان الراجل ما يطلق المدام ده لسه متجوز

[wasel80]

يا اخى اتقى الله فى نفسك وفى زوجتك وبلاش هبل ملعون ابو الدونجل على ابو اللى اخترعه

[محمد فؤاد شعيب]

احنا نعمل مظاهرة مليونية فى ميدان التحرير لعودة الدونجل وهو دة الحل بمشيئة اللة

[سوفا]

استغل الفرصه وطلقها...
يا بختك..

[ahmeddija]

في راجل عاقل في الدنيا يقول كدا .. دونجل ايه دا اللي تطلق مراتك علشانه ؟؟
حتي لو هزار دي كلمه تتقال
لا حول ولا قوه الا بالله

[حسام الشناوى]

الدنجل دة فاشل هدفة الربح واستغلال الناس

[كمبيو نت]

الشعب يريد تشغيل الدونجل

[sat3536]

وهى يعنى قناه الحكايات مش بتجيب اللى بتجيبو القنوات المجانيه مبقاش فى فرق تقريبا غير بس المظهره اهو بدل ما تقول انا بتفرج على بانورما دراما تقول بتفرج على الايه ار تى هههههههههه وعجبى

[البغدادى 5]

الى الاخ مصطفى حرام عليك تدخلك فى حدود الله ولا تجعل الامر هين لانة شرع الله وحدوده ماعلاقة الدونجل وما حللة الله لك

[زير2002]

بين القيل والقال اطرح سوال على الاخ السائل ما هو نوعه ؟؟؟ وان شاء اجد لك الحل السريع

[smartdrv2007]

ياجماعه الراجل بيهزر بالراحه شويه