طلب نصيحة في طبق 130 سم

karimbo · #1 2015/04/25, 05:45 PM

السلام عليكم ورحمة الله وبركاته
بإذن الله هشتري طبق 130 سم المتحرك وهركبه ثابت لحد ما في الفترة الجاية مستقبلا اشتري موتور ولوازم تركيبه كمتحرك

هل سهل تركيب الطبق مؤقتا كثابت لحين شراء متحرك؟؟
ايه هي افضل ماركة متاحة للأطباق المتحركة بالمقاس ده؟؟
والسعر كام تقريبا في باب اللوق؟؟
خامة الطبق بتكون الومنيوم ولا صاج ولا الاتنين موجودين؟؟ ولو الاتنين موجودين انهو افضل؟؟
بالنسبة لمشتملات الطبق .. ايه محتاج اشتريه تاني مع الطبق عشان اركبه ثابت؟؟ لو مثلا هركب عليه اربع اقمار كمثال .. ايه هي الحاجات اللي محتاجها غير الحاجات اللي هتيجي اصلا مع الطبق؟؟ وما اسعار تلك القطع اللي هتقولوهالي بإذن الله اللي هحتاجها عشان تركيب الطبق كثابت؟؟

hero story · #2 2015/04/25, 07:21 PM

اخى الكريم اولا لو عايز تمتلك طبق متحرك محترم حاول تشترى طبق 180على الاقل لان 130 مش هتستفيد منة فالاقمار الى تغطيتها ضعيفة فمصر زى الاسترا ولا هينفعك فالفيدات الافريقية الى بتكون على يوتلسات 7 و 10 شرق
ثانيا بدل متجيب طبق وتخلية ثابت وتكلف نفسك تمن اربع عدسات كل عدسة ب 20 او 25 جنية ومساطر الاحسن انك تكمل مبلغ عليهم واشترى ماتور ووحدة تحريك وخلية متحرك احسن وهتستقبل علية كل الاقمار بعدسة واحدة وبدون مساطر
ثالثا بالنسبة لانواع الاطباق طبعا افضل نوع طبق هوا البريفكس وافضل خامة اطباق هي الاطباق الالومنيوم لكن للاسف مش موجودة فالسوق دلوقتى الى فالسوق كلو صاج فلو تعرف حد عندو طبق كبير من زمان ومش بيستخدمو دلوقتى يبقى احسن ليك من الجديد الى فالسوق دلوقتى
ولو مفيش حاجة مستعملة قدامك كويسة يبقى تشترى جديد وامرك لله

بالتوفيق

الهوارى200 · #3 2015/04/25, 08:07 PM

كلامك 100%100 اخي الكريم

محمد ناصرر · #4 2015/04/25, 08:08 PM

180 افضل

hero story · #5 2015/04/25, 09:43 PM

اقتباس:

المشاركة الأصلية كتبت بواسطة الهوارى200

كلامك 100%100 اخي الكريم

تحـــياتى

karimbo · #6 2015/04/25, 09:52 PM

يا جماعة انا القصة عندي مش قصة مقاس .. انا مش شايف اني محتاج ال180 في حاجة .. القصة عندي مش قصة اقمار على اد ما انا بالنسبالي اللي يهمني بعض الاقمار مستقبلا لما اركبه متحرك بإذن الله هكون حابب استقبلها ومش هتفرق معايا اوي بعض الاقمار الصعبة لأن انا الهدف عندي الرياضة 100% واعتقد الاقمار الصعبة مش هتفرق اوي مدام ليها بدايل والفيدات الافريقية مش هتفرق معايا لأن كده كده هما كام ماتش للأهلي في السنة ساعتها هروح اتفرج عند والدي عنده bein :)

ثانيا والله انا فاهم وجهة النظر الخاصة بسعر العدسات بس معلش خلينا نتكلم بالعقل كده .. الموضوع عندي في المتحرك مشكلته بالنسبالي الجيران فوق السطح وفرق تكلفة الفني اللي هيجي يركب مع سعر الموتور ووحدة التحريك اللي مجموعهم اكيد مش هيقل عن 350 زيادة عن سعر الاربع عدسات
فانا حاليا بفكر بصوت عالي معاكم في البدايل

استشارى نافع · #7 2015/04/26, 01:38 AM

حل اخر يمكن يعجبك
http://www.masrawysat.com/vb/showthread.php?t=1383902

http://www.masrawysat.com/vb/showthread.php?t=1635387

karimbo · #8 2015/04/26, 04:20 PM

طب دلوقت لو بإذن الله هركب الطبق 130 سم كمتحرك

ياريت من اخوانا الخبراء يوضحولي الطبق بيجي معاه ايه كل حاجته اللي هحتاجها والقاعدة وكده؟؟

والسعر كام تقريبا في باب اللوق؟؟

وهشتري طبعا وحدة تحريك وموتور .. الموتور اشتريه كام بوصة؟؟

وهل صوت الموتور هيكون مزعج جدا في السطح - بصراحة متخوف من الازعاج؟؟؟

واكيد طبعا برضه هشتري عدسة - ترشحولي عدسة ايه بالظبط اسمها ايه والموديل وسعرها كام؟؟؟؟

وعرفت ان اكيد طبعا هحتاج سلك دش وسلك نت عشان وحدة التحريك .. لو قولنا ان شقتي في الدور السادس والسطح في العاشر هحتاج كام متر من كل سلك تقريبا؟؟

وحسب ما قولتلكم الطبق هيكون بإذن الله في الدور العاشر اعلى عمارة في المنطقة وفي سور في السطح حوالي متر .. فسؤال برضه عشان اكون مجهز نفسي .. السطح طبعا على الخرسانة الارض الاسمنت
وفي رمل وطوب احمر مرمي فوق السطح
هحتاج ايه تاني لتثبيت الطبق؟؟ وياريت بالظبط كميات اد ايه وبالمعقوووووول يعني مش حاجة مبالغ فيها وفي نفس الوقت حاجة اضمنلها تثبت؟؟؟

karimbo · #9 2015/04/27, 12:04 AM

اقتباس:

المشاركة الأصلية كتبت بواسطة karimbo

طب دلوقت لو بإذن الله هركب الطبق 130 سم كمتحرك

ياريت من اخوانا الخبراء يوضحولي الطبق بيجي معاه ايه كل حاجته اللي هحتاجها والقاعدة وكده؟؟

والسعر كام تقريبا في باب اللوق؟؟

وهشتري طبعا وحدة تحريك وموتور .. الموتور اشتريه كام بوصة؟؟

وهل صوت الموتور هيكون مزعج جدا في السطح - بصراحة متخوف من الازعاج؟؟؟

واكيد طبعا برضه هشتري عدسة - ترشحولي عدسة ايه بالظبط اسمها ايه والموديل وسعرها كام؟؟؟؟

وعرفت ان اكيد طبعا هحتاج سلك دش وسلك نت عشان وحدة التحريك .. لو قولنا ان شقتي في الدور السادس والسطح في العاشر هحتاج كام متر من كل سلك تقريبا؟؟

وحسب ما قولتلكم الطبق هيكون بإذن الله في الدور العاشر اعلى عمارة في المنطقة وفي سور في السطح حوالي متر .. فسؤال برضه عشان اكون مجهز نفسي .. السطح طبعا على الخرسانة الارض الاسمنت
وفي رمل وطوب احمر مرمي فوق السطح
هحتاج ايه تاني لتثبيت الطبق؟؟ وياريت بالظبط كميات اد ايه وبالمعقوووووول يعني مش حاجة مبالغ فيها وفي نفس الوقت حاجة اضمنلها تثبت؟؟؟

منتظر ردود الخبراء

استشارى نافع · #10 2015/04/27, 12:40 AM

1-مكونات الطبق المتحرك القاعدة +الحلة +البولار+الدرعات الحاملة للعدسة+العدسة+الماتور+سلك الدش
2-السعر الله اعلم ..لانه بيختلف من مكان لاخر
3-وحدة تحريك سوبر جاك+ماتور 12او 18 بوصة حسب امكانياتك
4-طبعا هيكون فى صوت للماتور..بس املى ماسورة القاعدة بالرمل دى هيخفض شوية الصوت
5-العدسة برده حسب امكانياتك...ممكن انفرتو...او عدسة عادية
6- السلك محتاج من 15-18 متر سلك نت وايضا سلك دش
7- التثبيت اهم شىء اخرم للقاعدة بالشنيور هيلتي وركب فيشر وبعدين اوزن على ميزان مياه وبعدين 25-30كليو اسمنت اسود+ زيهم رمله+لوعندك سن زود بيه الخلطه
بالتوفيق

NOOR SAT · #11 2015/04/27, 04:45 AM

نصيحة .. اقتنى 180 سم

لان الـ 130 مش فارق كتير عن الـ 100 سم

لو مصمم على الـ 130 نصيحة هات متر احسن

وشايف انك هتفدع فلوس بدون اى استفادة ..

انما 180 سم ممتاز ويستحق انك تشترى طبق متحرك ..

الترددات كل مدى بيتفننوا فى اضعافها .. خاصة الفيدات والرياضة

karimbo · #12 2015/04/27, 05:08 PM

اقتباس:

المشاركة الأصلية كتبت بواسطة NOOR SAT

نصيحة .. اقتنى 180 سم

لان الـ 130 مش فارق كتير عن الـ 100 سم

لو مصمم على الـ 130 نصيحة هات متر احسن

وشايف انك هتفدع فلوس بدون اى استفادة ..

انما 180 سم ممتاز ويستحق انك تشترى طبق متحرك ..

الترددات كل مدى بيتفننوا فى اضعافها .. خاصة الفيدات والرياضة

هو في متر متحرك؟؟

عادل حسان · #13 2015/04/27, 05:12 PM

انالسه شاري طبق130برفكش ب200ج وكان عندي متور وبزشنر شريهوم مستعملين ب120ج لفيت علي محلات الدش لحد مالقيتهوم وجايب 24قمر من هسبسات اليNSS 57

karimbo · #14 2015/04/27, 05:15 PM

اقتباس:

المشاركة الأصلية كتبت بواسطة استشارى نافع

1-مكونات الطبق المتحرك القاعدة +الحلة +البولار+الدرعات الحاملة للعدسة+العدسة+الماتور+سلك الدش
2-السعر الله اعلم ..لانه بيختلف من مكان لاخر
3-وحدة تحريك سوبر جاك+ماتور 12او 18 بوصة حسب امكانياتك
4-طبعا هيكون فى صوت للماتور..بس املى ماسورة القاعدة بالرمل دى هيخفض شوية الصوت
5-العدسة برده حسب امكانياتك...ممكن انفرتو...او عدسة عادية
6- السلك محتاج من 15-18 متر سلك نت وايضا سلك دش
7- التثبيت اهم شىء اخرم للقاعدة بالشنيور هيلتي وركب فيشر وبعدين اوزن على ميزان مياه وبعدين 25-30كليو اسمنت اسود+ زيهم رمله+لوعندك سن زود بيه الخلطه
بالتوفيق

طب بالنسبة لو هشتري الطبق جديد .. ايه من المكونات دي بيجي اصلا مع الطبق وايه محتاج اشتريه؟؟
بالنسبة للموتور .. ال 12 بوصة يجيب اقمار من ايه لايه وكذلك ال 18 او الاعلى؟؟
بالنسبة للعدسة ايه العدسة انفرتو وهل هي افضل عدسة؟؟ وما هو سعرها؟؟
بالنسبة للخلطة هنقول مثلا 30 كيلو اسمنت اسود والرمل اعتقد موجود كفاية هل الخلطة هتنفع رمل واسمنت بس؟؟ ولا ضروري حاجة تانية؟؟

karimbo · #15 2015/04/27, 05:17 PM

اقتباس:

المشاركة الأصلية كتبت بواسطة عادل حسان

انالسه شاري طبق130برفكش ب200ج وكان عندي متور وبزشنر شريهوم مستعملين ب120ج لفيت علي محلات الدش لحد مالقيتهوم وجايب 24قمر من هسبسات اليNSS 57

الموتور كام بوصة يا غالي؟؟
والطبق شغال معاك تمام في الاقمار المتاحة ولا لأ؟؟
وايه اللي بيجي مع الطبق بالظبط وايه هحتاج اشتريه معاه عشان انا في المتحرك معرفش حاجة خالص فياريت تقولي واحدة واحدة كده ايه بالظبط محتاج اشتريه؟؟
وبالنسبة لتثبيت القاعدة في السطح ايه بالظبط هحتاجه في التثبيت حسب ما قولت في الموضوع عشان مش عاوز تفتح معايا في الخلطة وكده عشان صاحب البيت ميعمليش حوار ويقولي انت هتحمل ع السقف والكلام الفكسان بتاعه ده .. عاوز حاجة تبقى ثابتة كويس وفي نفس الوقت في المعقول يعني متفتحش مني

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نصيحة طبق 240	leader6	ساليك HD ( H1, H2, H3 , H7 )	18	2018/07/01 04:48 PM
نصيحة	mokasat	كيوماكس 999 جولد	3	2015/10/07 03:42 PM
#$@نصيحة#$@	مؤمن ابوحنين	المايكـــروتيـــك	3	2015/05/13 06:14 PM
نصيحة	شنو14	منتدى الريسيفرات العام	2	2013/01/24 03:21 PM
نصيحة	midors84	منتدى الريسيفرات العام	3	2012/12/12 10:28 AM