[ahmadalsattar]

عندى طبق 160 بريفكس و قطعه بوجى قديم و حيركبو على السطح و طول السلك من 25 الى 30 مت.ر لفيت على السلك لقيت الانواع الصيني السودا و نوع تانى ابيض اسمه tevecs على ما اذكر ببقولوا عليه اسبانى صيني. اشتريته فهل سيؤثر هذا على جودة الاشاره علما باننى استقبل نايل سات و عربسات و هوت بيرد و لا استقبل الاقمار ضعيفة الترددات.... ولا هل احاول الاقي نوعية سلك اخرى. على الرغم ان هذا هو المتاح عندى

[hero story]

الاسبانى يعتبر جيد يا غالى بس طبعا افضل سلك فمصر هوا السويدى طبعا بس غالى

[richard2006]

بص يا غالي بالنسبه لطول السلك 30 متر زي ما حضرتك بتقول ف مش هيكون في أي تأثير وخليك في النوع التلفاز اللي أنت جبته. وبيقولوا عليه أسباني ولكنه صيني لأني جبت لفة 30 متر ب 25 جنيه ولكنه (محمل) شوية عن الصيني الاسود. وعموما التجربه بالنسبالك خير دليل وبالتوفيق يا غالي

[ahmadalsattar]

المشاركة الأصلية كتبت بواسطة richard2006

بص يا غالي بالنسبه لطول السلك 30 متر زي ما حضرتك بتقول ف مش هيكون في أي تأثير وخليك في النوع التلفاز اللي أنت جبته. وبيقولوا عليه أسباني ولكنه صيني لأني جبت لفة 30 متر ب 25 جنيه ولكنه (محمل) شوية عن الصيني الاسود. وعموما التجربه بالنسبالك خير دليل وبالتوفيق يا غالي

انا جبت لفه 50 متر ب 45 جنيه بس اسال على كلمة محمل دى ؟ هل تعنى افضل من الصيني كما فهمت ؟؟؟؟؟

[hamoudy14]

30 متر مش مسافة كبيرة
مش هتأثر على الاشارة

[richard2006]

المشاركة الأصلية كتبت بواسطة ahmadalsattar

انا جبت لفه 50 متر ب 45 جنيه بس اسال على كلمة محمل دى ؟ هل تعنى افضل من الصيني كما فهمت ؟؟؟؟؟

تمام يا غالي ومبروك عليك وبالنسبه (لمحمل) أنا أقصد أنك هتلاقي السلك الابيض التلفاز أتقل ك خامه وجوده أكتر شوية من السلك الاسود الصيني العادي ودا تمام وفي حدود المتاح. لكن طبعا في السويدي الاصلي والاسباني الاصلي وتصل اللفه لأكتر من 300 جنيه

[هانى خليل]

السلك اللى معك يا غالى ممتاز جدا