[اهلى يا دولة]

السلام عليكم ورحمه الله وبركاتة
عندي طبق متر بريفكس عايز اركب عليه نايل سات واوربي وقمر Eutelsat 3.1°E الخاص بفيدات بين سبورت .
وهركب طبق عشان استقبل عليه دهوك هل ينفع اركب معاه اقمار اخري تنقل مباريات وتكون مفيده ؟؟
اخيرا عندي طبق بريفكس 180 من 2005 يعني تقريبا الومنيوم وموتور لو حبيت ابيعهم يجيبو كام ؟

[اهلى يا دولة]

بانتظار المساعدة من الأخوة الكرام

[™Mr.Mahmoud™]

المشاركة الأصلية كتبت بواسطة اهلى يا دولة

السلام عليكم ورحمه الله وبركاتة

وعليكم السلام ورحمة الله وبركاته

عندي طبق متر بريفكس عايز اركب عليه نايل سات واوربي وقمر Eutelsat 3.1°E الخاص بفيدات بين سبورت .

ينفع تركب التلات اقمار علي طبق متر لكن لن تستقبل فيدات بين سبورت لانها محتاجه اطباق كبيره

وهركب طبق عشان استقبل عليه دهوك هل ينفع اركب معاه اقمار اخري تنقل مباريات وتكون مفيده ؟؟

ممكن تركب الازربيجاني 46 واكسبريس 53 و NSS والايراني 62
اخيرا عندي طبق بريفكس 180 من 2005 يعني تقريبا الومنيوم وموتور لو حبيت ابيعهم يجيبو كام ؟

طبق بالموتور فقط من غير وحدة حركه في حدود 200 جنيه

ارجو اكون افدتك

[richard2006]

أهو سبقني أستاذ حوده في الرد وأجابك يا غالي بأغلب اللي كنت هقوله بس هوا أختصرلك الموضوع شوية بأحترافيه منه. وكنت هسيب نقطه الطبق الكبير لأصحاب الخبره مثل أستاذ hoda يردوا عليك

[اهلى يا دولة]

شكرا جدا لحضراتكم علي الرد الواضح
طيب لو حبيت اجيب تردادت فيد البين سبورت يبقي طبق كام ؟؟
وممكن طريقة التركيب
بخصوص الطبق ال 180 تقصد حضرتة بوحدة الحركة الجهاز اللي بحول بيه الطبق من تحت ؟؟ ولو هو يبقي كله يتباع بكام
واسف علي كثرة الاسئلة

[™Mr.Mahmoud™]

المشاركة الأصلية كتبت بواسطة richard2006

أهو سبقني أستاذ حوده في الرد وأجابك يا غالي بأغلب اللي كنت هقوله بس هوا أختصرلك الموضوع شوية بأحترافيه منه. وكنت هسيب نقطه الطبق الكبير لأصحاب الخبره مثل أستاذ hoda يردوا عليك

حبيبي الخلوق
richard2006
شكراً علي كلامك الطيب
دا كرم منك ان انا صاحب خبره ، بس انا شحص عادي جداً
ومن حبي ومتابعتي الدائمه للمنتدي استفدت كتير من الاعضاء وبستفيد منك شخصياً
تحياتي لك ياغالي

[™Mr.Mahmoud™]

المشاركة الأصلية كتبت بواسطة اهلى يا دولة

شكرا جدا لحضراتكم علي الرد الواضح
طيب لو حبيت اجيب تردادت فيد البين سبورت يبقي طبق كام ؟؟
وممكن طريقة التركيب
بخصوص الطبق ال 180 تقصد حضرتة بوحدة الحركة الجهاز اللي بحول بيه الطبق من تحت ؟؟ ولو هو يبقي كله يتباع بكام
واسف علي كثرة الاسئلة

ايوه ياغالي وحدة الحركه اللي بتحرك الطبق من تحت
هتقدر تستقبل فيدات بين سبورت علي الطبق 180
وسعر الطبق 180 بالموتور ووحدة الحركه لو حالته كويسه هيكون من 200 الي 250 جنيه

[richard2006]

المشاركة الأصلية كتبت بواسطة hoda1000

حبيبي الخلوق
richard2006
شكراً علي كلامك الطيب
دا كرم منك ان انا صاحب خبره ، بس انا شحص عادي جداً
ومن حبي ومتابعتي الدائمه للمنتدي استفدت كتير من الاعضاء وبستفيد منك شخصياً
تحياتي لك ياغالي

يارب يخليك يا غالي وكلامك ده من تواضع أخلاقك وأنت تستاهل كل خير على كل ما تقدمه من دعم وأفاده لكل الأعضاء وكل التحيه والتقدير ليك حبيبي الغالي

[اهلى يا دولة]

المشاركة الأصلية كتبت بواسطة hoda1000

ايوه ياغالي وحدة الحركه اللي بتحرك الطبق من تحت
هتقدر تستقبل فيدات بين سبورت علي الطبق 180
وسعر الطبق 180 بالموتور ووحدة الحركه لو حالته كويسه هيكون من 200 الي 250 جنيه

طيب بخبرة حضرتك لو بيعت الطبق كامل ب 250 افضل ولا اخليه واستقبل علي فيدات البين سبورت لانه مش مستفيد من الطبق بشئ انا كل اللي يهمني المباريات فقط وتكون بالتعليق العربي ولو امكن ممكن التكرم بطريقة التركيب لو هركب علي الطبق 180 وهل فعلا هذا القمر يستقبل فيدات بين سبورت دائما ولا فترة مؤقتة فقط
ولك جزيل الشكر علي تعبك

[اهلى يا دولة]

المشاركة الأصلية كتبت بواسطة richard2006

أهو سبقني أستاذ حوده في الرد وأجابك يا غالي بأغلب اللي كنت هقوله بس هوا أختصرلك الموضوع شوية بأحترافيه منه. وكنت هسيب نقطه الطبق الكبير لأصحاب الخبره مثل أستاذ hoda يردوا عليك

شكرا جدا لحضرتك

[richard2006]

الشكر لله يا حبيبي وبالنسبه لفيدات البين سبورت اللي أعرفه أنها بتحتاج أطباق فوق 180

[™Mr.Mahmoud™]

المشاركة الأصلية كتبت بواسطة اهلى يا دولة

طيب بخبرة حضرتك لو بيعت الطبق كامل ب 250 افضل ولا اخليه واستقبل علي فيدات البين سبورت لانه مش مستفيد من الطبق بشئ انا كل اللي يهمني المباريات فقط وتكون بالتعليق العربي ولو امكن ممكن التكرم بطريقة التركيب لو هركب علي الطبق 180 وهل فعلا هذا القمر يستقبل فيدات بين سبورت دائما ولا فترة مؤقتة فقط
ولك جزيل الشكر علي تعبك

بدون تفكير تخلي الطبق
محدش لاقي الاحجام دي دلوقتي خالص
وان شاء الله تستطيع التقاط الفيدات
اما بخصوص التركيب اي احد من الاخوه ممكن يفيدك ان شاء الله
او اعمل موضوع منفصل عن تركيب طبق متحرك

[اهلى يا دولة]

شكرا لحضرتك بس انا كده مش هخليه متحرك هخليه ثابت واركب عليه كده اربع اقمار نايل وعرب واوربي وقمر فيدات بين سبورت علما ان عدسة الطبق فوجي القديمة

[richard2006]

بص يا غالي لو أنت عايز تعمل تركيبه رياضيه كويسه فأنت ممكن تجيب طبق متر بريفكس مثلا وتركب عليه القمر الاذري سنتر علشان قنوات إيدمان وتركب معاه الهولندي علشان قناة دهوك وبتذيع بالتعليق العربي من البين سبورت بس بتحتاج رسيفر HD طبعا وممكن تركب كمان اليوناني علشان قناة نوفا سبورت وقناة ديما ودول بيذيعوا الدوري الانجليزي وبعض البطولات مثل تصفيات الامم الاوربيه وكده. ولازم تكون عارف الرسيفر عندك لدعمه أنظمة التشفير المختلفه

[اهلى يا دولة]

المشاركة الأصلية كتبت بواسطة richard2006

بص يا غالي لو أنت عايز تعمل تركيبه رياضيه كويسه فأنت ممكن تجيب طبق متر بريفكس مثلا وتركب عليه القمر الاذري سنتر علشان قنوات إيدمان وتركب معاه الهولندي علشان قناة دهوك وبتذيع بالتعليق العربي من البين سبورت بس بتحتاج رسيفر HD طبعا وممكن تركب كمان اليوناني علشان قناة نوفا سبورت وقناة ديما ودول بيذيعوا الدوري الانجليزي وبعض البطولات مثل تصفيات الامم الاوربيه وكده. ولازم تكون عارف الرسيفر عندك لدعمه أنظمة التشفير المختلفه

عندي كيوماكس اتش دي فيرجن 2 القديم لكن معنديش شيرنج