[محمد محمود هيكل]

السلام عليكم
رسيفر يروشيما فرجن 1 داخل مربع البرتقالى
قوة الاشارة 0 والجودة 97% وشغال كويس إلا بعد فترة مثلا نصف ساعة لو قلبت القناة يرستر ويفصل اشارة خالص والجودة تصبح 0% مثل قوة الاشارة على الرغم ان الطبق والسلك كويسين وشغال عليهم اى رسيفر تانى كويس بدون مشاكل
والبروسيسور و LM317 بيسخنوا بعد فترة

نظفت الجهاز بالتنر كويس
غيرت مكثفين 1000/16 ومكثف 450/16
الريجليتور متركب مكانه دايودين الخرج عليه حوالى 1.5
القياس على الـ Lm317 سليمة حتى بعد الريستارد وفصل الاشارة نهائى نفس القياس ما تغيرش سليمة

وغيرت المكثف الكبير 47/400
وغيرت ترانزيستور TL431 اللى بجوار الفوتوكابلر

واخيرا غيرت كارتة الباور لرسيفر شغال نفس المشكلة
الاشارة 0 وقوة الجودة 97 % شغال فترة ولما تقلب بالريموت على اى قناة بعد كدة يرستر ويفصل اشارة خالص وما يشتغلش الا لو فصلت الكهرباء عن الرسيفر وشغلته كذا مرة والبروسيسور بيسخن

معلش انا طولت عليكوا ارجو مساعدتى فى هذا العطل الغريب
على فكرة انا مجربتش انزل سوفت رايكوا ايه اغير المكثفات تانى ولا انزل سوفت ولا اغير LM317 ولا اسخن على المعالجات ولا .....ايه ؟؟

[عبدالفتاح جابر]

غير سيلكونات الريجوليتر

[محمد محمود هيكل]

غيرتها لسة دلوقتى وادت 1.7

وسبته يشتغل شوية وجت اقلب فصل اشارة خالص
هل قوة الاشارة 0 صفر % والنوعية 97 % والجهاز يشتغل راسى وافقى كل القنوات كويس فترة حوالى مثلا ربع ساعة على لغاية لما اقلب اى قناة تانية يفصل اشارة خالص هل دا طبيعى ؟؟!!
الجهاز ما بيفصلش اشارة من نفسه طالما ما غيرتش القناة انما لما اغير القناة بعد فترة يفصل والبرسيسور مولع نار وما يشتغلش الا لما درجة حرارة البروسيسر تهدى

[م / محمود عبدالعال]

متابعه طيبه استاذ عبدالفتاح

اخي صاحب الموضوع افصل الجهاز من الكهرباء
وخليه يبرد وانزع سوكت البور اللي راكب في البورده الام
وعلى وضع الصفارة في الافو قيس الخط 30 فولط
اذا اعطى صفارة يبقى للاسف معالج تالف
اي البرسوسور بايظ لو لم يعطي صفارة
ستجد امام ايسي الاشارة ترنزوستور رقمه 772
اقفل عليه بقصدير او غيره مع التسخين على المقومات كلها امام ايسي الاشارة ووفني

[محمد محمود هيكل]

الف شكر لحضرتك على عرض المساعدة
قست خط 30 فولت زى ما حضرتك قولت والحمد لله ما فيش صفارة خالص ولا اى قراءة على الافو
اما خط 3.3 فولت عند القياس تكة بسيطة جدا ممكن تقول نصف تكة وتروح لحالها فى ساعتها
بالنسبة للترانزيستور 772 حضرتك بتقول اقفل عليه بالقصدير يعنى ايه ؟؟ الحم رجوله الثلاثة ببعض بالقصدير ولا اعمل ايه؟

[م / محمود عبدالعال]

المشاركة الأصلية كتبت بواسطة محمد محمود هيكل

ا
بالنسبة للترانزيستور 772 حضرتك بتقول اقفل عليه بالقصدير يعنى ايه ؟؟ الحم رجوله الثلاثة ببعض بالقصدير ولا اعمل ايه؟

نعم اخي الحبيب اقفل عليه ببعض القصدير مع اني افضل تغييره عموما
لازم ال 3 ارجل يتقفله ووفني

[محمد محمود هيكل]

اسف على التاخير
وشكرا م/ محمود على المتابعة
لكن نفس المشكلة حتى بعد قفل 3 رجول لترانزيستور772
ارجو المتابعة لحل هذه المشكلة ان الجهاز بعد فترة يرستر لوحده ويفصل اشارة وما لا يشتغل الا بعد فترة والبروسيسور بيسخن

وجزاكم الله كل خير

[عبدالفتاح جابر]

اعد لحام الرامه او استبدلها
وان ظل كما هو
كده للاسف المعالج هو المشكله

[ابوبطه123]

الله ينور عليك يا هندسه

[م / مـحـمـد عـادل]

مغلق لقدمة