[khaled Conrad]

لا اصدق انى فى مصراوى سات فهل من المعقول ان اسال سؤال من حوالى 10 ايام و لا اجد رد قاطع من الاخوه المشرفيين فسؤالى كان حول السوفتات الاخيره لآجهزة ألكترونك هاوس بتاريخ 2/4/2011 فكان السؤال بسيط جدا هل تدعم باقة البوليسات على القمر هيلاسات ام لا تدعم فالاخ ويسلى قام بالرد و قال فى خلال يومين ساقوم بالرد و لم يقم اى احد بالرد لا هو و لا اى مشرف فبرجاء افادتى كما تعودت من هذا الصرح العظيم و من مشرفيه الافاضل
فهل تدعم تلك الباقه ام لا

[م/احمد عطية]

يغالى الجهاز مع حضرتك حمل اخر اصدار لجهازك وحمل ملف **** حديث يوجد بة ******* الخاصة بالباقة

اشتغلت يبقة تمام

ان لم تعمل اصبر حتى ينزل سوفت يدعم الباقات

[khaled Conrad]

يا استاذ احمد من المفروض ان دور المشرفيين مساعدة الاعضاء و تلبية مطالبهم و عموما القمر مش عندى و انا بسال علشان لو بيفتح الباقه و يدعمها اركبه و ده اللى احنا اتعودنا عليه فى مصراوى ان كل سؤال ليه جواب و لا انا بتكلم غلط يا استاذ احمد فيا ريت رد واضح على سؤالى

[م / سمير محمد]

ياغالى احنا بنجيب السوفت من الموقع الرسمى ولو الموقع حدد الجديد فى السوفت احنا هنكتبه علشان نحدد الجديد فيه وده دورنا هنا فلو حضرتك عندك القمر ممكن انت تفيدنا فى هذا اما لو مش موجود ممكن تشوف حد عنده موتور وتجرب

[khaled Conrad]

لا يا استاذ سمير اولا دورك كمشرف انك تتعب و تجرب و تحاول و الا يبقى كلنا اعضاء و لكن دور المشرف و ده اللى انا اتعودته من هذا المنتدى ان يكون المشرف جاهز لاى رد لان اى حد مننا يقدر انه ينقل اى حاجه من المواقع و يرفعها على روابط المنتدى لكن المشرف هو اللى يساعد و يحل و يكون على درايه و معرفه مش كلامى برده صح يا استاذ سمير و لا انا غلطان

[AGSAO]

ممنوع التحدث بهذه الطريقة لو مش عاجبك المنتدى اتركه

[khaled Conrad]

المشاركة الأصلية كتبت بواسطة agsao

ممنوع التحدث بهذه الطريقة لو مش عاجبك المنتدى اتركه

اولا يا استاذى انت لسه عضو جديد و بعدين انا اتكلمت و طلبت بكل ادب و احترام و بعدين انا فى الاخر عايز المنتدى ده زى ما تعودناه و على ما اظن انك لسه عضو جديد و مكنتش على خلفيه بما كان يحدث من قبل و للعلم هذا ليس نمن شانه التقليل من حضرتك لانى انسان محترم فى منتدى كله محترمين و شكرا و ما زالت فى انتظار الاجابه

[م / سمير محمد]

ياغالى والله لو الجهاز تحت ايدى كنت افدتك بس للاسف مفيش اى جهاز حديث عندى اجرب عليه لذلك انا رديت عليك بانك تجرب واسف لعدم تمكنى من مساعدتك فى الوقت الحالى وان تيسر لى ذلك هعرفك وانت عارف يعنى ايه مصراوى سات يعنى المصداقيه وممكن اقول انه بيشغل القمر وانت تتعب نفسك وفى الاخر مش هيشتغل وبكده هنفقد مصداقيتنا

[AGSAO]

الرسالة اللي مكتوبة ديه مش أنا اللي كاتبها و إنما الرد بتاعي تم حذفه و تم تغييره بتوجيه رسالة لي بترك المنتدى و ليست لك أنت
و على العموم أنا متأسف ليك و لكل أفراد المنتدى
فأنا مؤيد لطلبك أن يكون التعاون في المنتدى أفضل من الصورة الحالية
و شكراً

[م/احمد عطية]

المشاركة الأصلية كتبت بواسطة khaled conrad

لا يا استاذ سمير اولا دورك كمشرف انك تتعب و تجرب و تحاول و الا يبقى كلنا اعضاء و لكن دور المشرف و ده اللى انا اتعودته من هذا المنتدى ان يكون المشرف جاهز لاى رد لان اى حد مننا يقدر انه ينقل اى حاجه من المواقع و يرفعها على روابط المنتدى لكن المشرف هو اللى يساعد و يحل و يكون على درايه و معرفه مش كلامى برده صح يا استاذ سمير و لا انا غلطان

فعلا دور المشرف انة يتعب ويدور

ولكن الان المعلومة الموجودة على النت

ليس صحيحة بنسبة

100/100

حتى استطيع افادة حضرتك لازم يكون اتعملت مع جهاز حضرتك اى كان

حتى تصل لحضرتك الاجابة صحيحة

يبقة لازم يكون عندى 80 مليون جهاز عشان اقدر اجاوب على جميع الاجهزة

منتدى مصراوى سات له مصداقية

ومينفعش المشرف يرد غلط على العضو

يبقة نعمل اية

المشرف يعطيك الخبرة لكى تسطيع التجربة

يبقة فية تعاون مش شغل من طرف واحد فقط
المنتدى انشاء لتبادل الخبرات

[alialaa55]

السلام عليكم ورحمة الله وبركاتة
بعد اذن السادة المشرفين الكرام اسمحولى اشارك فى الموضوع برد بسيط
بص يا استازى الفاضل الباقة شغالة عندي
بس ****** شبهة يوميه لانى بحطها يدوى اوكى
وادى احدث شفرةبتاريخ المشاركة
214 080 158 181 044 002 223 242 237 255 253 221 001 214 080 046

[khaled Conrad]

المشاركة الأصلية كتبت بواسطة alialaa55

السلام عليكم ورحمة الله وبركاتة
بعد اذن السادة المشرفين الكرام اسمحولى اشارك فى الموضوع برد بسيط
بص يا استازى الفاضل الباقة شغالة عندي
بس ****** شبهة يوميه لانى بحطها يدوى اوكى
وادى احدث شفرةبتاريخ المشاركة
214 080 158 181 044 002 223 242 237 255 253 221 001 214 080 046

نوع جهازك ايه و ايه موديله اللى شغاله عليها الباقه

[khaled Conrad]

المشاركة الأصلية كتبت بواسطة م/احمد عطية

فعلا دور المشرف انة يتعب ويدور

ولكن الان المعلومة الموجودة على النت

ليس صحيحة بنسبة


100/100

حتى استطيع افادة حضرتك لازم يكون اتعملت مع جهاز حضرتك اى كان

حتى تصل لحضرتك الاجابة صحيحة

يبقة لازم يكون عندى 80 مليون جهاز عشان اقدر اجاوب على جميع الاجهزة

منتدى مصراوى سات له مصداقية

ومينفعش المشرف يرد غلط على العضو

يبقة نعمل اية

المشرف يعطيك الخبرة لكى تسطيع التجربة

يبقة فية تعاون مش شغل من طرف واحد فقط
المنتدى انشاء لتبادل الخبرات

يا استاذ احمد 80 مليون جهاز ليه هو برده مش فيه كذا مشرف لكل قسم و بعدين هو فيه كام جهاز استرا بيتحدث دا ما فيش تحديث من قرن فات يا استاذ احمد المنتدى مكنش كدا فى الاول و خاصة قسم الاسترا كان المشرفيين مع احترامى للموجودين كانت الاجابه حاضرة و جاهزة فى اى وقت و انا فى النهاية اتمنى ان يكون هذا المنتدى دائما فى المقدمة كما كنا من قبل و تقبل تحياتى و ارجو فى النهاية ان كلامى لا يفهم بقصد الخطا او تجريح فى احد