[batista_cena]

السلام عليكم ورحمه الله وبركاتة


لقيت طبق دش 245 سم وعايز اعرفه بكام ضرورى عشان هشترية ان شاء الله بكره الصبح، انا قسته من الحواف بتوعه وهو الومنيوم عشان لما جبت مغناطيس ممسكش في الطبق ومن القديم ، وانا ارفقت بعض الصور ليه بس يارب تكون ظاهرة ليكم .. وايه رأيكم فى الطبق ضرورى

[elbaz_msh]

توكل على الله السعر انت وشطارتك ومفيش مقارنه بالجديد بس تخلى بالك فى النقل

[جمال عبدالناصر]

لو نوعة دالى200جنية لو برفيكس 500جنية

[26 abu yassin]

300 الى 400 اقصى حاجه

[nady ali]

لو الطبق كويس ومافهش لحامات ولا خبطات ولا برومه فى البولر ضحى شويه و ماتسيبهوش وطبعا السعر انت ما وضحتش هل هو كامل بكل اجزاؤه يعنى معاه الموتور والاسلاك والبوزيشنر والفلانشه والعدسه نرجو التوضيح ؟؟؟

[حماد]

حبيبى ... الغالى ... الطبق لو حالته كويسة كما هو ظاهر الى حد ما .. توكل على الله

ولو وصل الى 500ج شيل .....سواء برفيكس نوكيا بنجامين اىسىاس...

توكل على الله فرصة فى هذه الايام تلكم الاطباق.....

[هانى عنانى]

هنيالك يا عم دا انا دايخ على واحد زى دا مش لاقى

[المهندس/احمد جمال]

اشترى يغالى شكله من صور كويسِ

[scary man]

بص يا غالي

قبل ما تشتري و تفك الطبق

شوف العدسة اللي متركبه عليه
وشوف اشارة وقوة الترددات كذا قمر -- كذا قمر واخد بالك-- علي ريسيفر الرجل
وشوف ترددات السوبر عنده

واحكم انت بقي علي جودة خامة الطبق

هتقولي ليه كل ده

لان انا كنت هينضحك عليه في طبق زي ده بريفيكس
الطبق حالف ما يجيب غير اقمار الطرفين والدبليو7 شرق بس
مهما نحاول والطبق حكم رأيه

لو لاقيت الموضوع تمام ولاقط كل الاقمار وترددات سوبر كمان
هنا بقي نقول سعر كل حاجة لوحدها علشان تبقي عارف ظروفك

الطبق وسلكه والعدسة سعرهم 350/300 جنية
الموتور بسلكه 50جنية
وحدة التحريك 50جنية
يعني من 450/400 جنية
ولو وصل زيادة 50جنية توكل علي الله واوعي تسيبه

و بالتوفيق يا غالي

[المهندس كرم ستالايت]

الطبق شكلة فى حالة ممتازة توكل على الله

[عادل عامر]

اشترية باى سعر
الطبق شكلة ممتاز

[الصعيد الجوانى]

طيب ماركته ايه يا عصام
بريفكس ولا بنجامين ولا جما ولا ايه بالظبط

[romany merzik]

توكل علي الله .. الطبق 10/10

[ainhours]

اخى الفاضل الطبق دا باراكليبس امريكى وهتلاقى على الحله من ورا مكان السريال نمبر بتاع الطبق لو موجوده انا عندى اخوه ولسه ما جربتهوش بس كفايه انى اقولك ان الطبق دا 240 من غير لحام يعنى احسن من اى طبق مصرى هاتو باى سعر حتى لو وصل ل1000 وانت الكسبان خامه ونوع وكل حاجه وكمان زراع البولار مهيأ انك تنزل الطبق لغايه 90 شرق والماتور يرجع تانى عاااااادى توكل على الله

[ahmed hassn2012]

الطبق شكله كويس جدا والملاحظ انه مش نصف لحام والبولار شكله كويس والدرعات
شغاله وشكله كدة ECC هو بس عايز شويه نظافة فقط واعتقد انه 240 مش 245
السعر انت وشطارتك بس الافضل انك ما تسيبه