[bahy_2009]

سؤال لاهل الخبرة قريت انه ممكن تطويل سلك الدش عن طريق الديزك بدون ضعف الاشارة هل الكلام ده مظبوط ام لا: ارجو توضيح النقاط الاتيه:

1- كيفية التوصيل مثلا اضع طرف على LNB 1 مثلا والاخرى فى الخرج

2- هل فعلا الاشارة لن تضعف حتى لو طولت مسافة السلك

3- كم يكون طول المسافة تقريبا وذلك للناس التى جربت 60 متر مثلا

4- هل ذلك يعتمد على الديزك فى تقوية الاشارة ام مجرد اعتباره توصيلة وبس

5- السؤال الاهم هل لو انا اصلا موصل الكابل على ديزك من على السطح ونازل تحت واخدت من تحت السلك المراد اطالته ووصلته فى ديزك تانى للتطويل هل هذا خطا ام لا على الديزك وهل سيؤدى غرض التطويل ام لا

ارجو الرد فى كل نقطة على حده

وشكراااااااااااااااااااا

[mido ma]

منتظرين رأى الساده أهل الخبره فى الموضوع لنفس الغرض وشكرا

[bahy_2009]

اين الردود يا جماعة

[bahy_2009]

هو الموضوع صعب قوى كده عشان الناس مش عارفة ترد ارجوا التوضيح ومن المشرفين خاصة ولكم جزيل الشكر

[amr shawkey]

والله ياباشا علي قد خبرتي لو هتوصل علي دايزك الاشارة هتقل 5% بس ان شاء الله بس السلك يكون نوع كويس وبخصوص تطويل السلك علي 2 دايزك فحاول انك متتزقنش ليها لانها ممكن تأثر علي الاشارة بس معرفش بكام فأنت لو قدامك تجيب سلك طويل يكفي هيبقي احسن لو مش هتسمح العملية معاك جرب الوصلة العادية الصغيرة وممكن العملية كلها تبقي من 5% - 10% ان شاء الله

[الحاج شريف]

المشاركة الأصلية كتبت بواسطة bahy_2009

سؤال لاهل الخبرة قريت انه ممكن تطويل سلك الدش عن طريق الديزك بدون ضعف الاشارة هل الكلام ده مظبوط ام لا: ارجو توضيح النقاط الاتيه:

1- كيفية التوصيل مثلا اضع طرف على LNB 1 مثلا والاخرى فى الخرج

علي فرض صحه المقوله يكون التوصيل الدش من ناحيه lnb1 والريسيفر مكانه الطبيعى علي الدايزك

2- هل فعلا الاشارة لن تضعف حتى لو طولت مسافة السلك

غير صحيح الإشاره تفقد نصف قيمتها عند دخول أى مكون في دائره الاستقبال وهو ما يعرف ب Insertion Loss

3- كم يكون طول المسافة تقريبا وذلك للناس التى جربت 60 متر مثلا

المسافه سوف تعتمد علي جودة السلك ممكن 60 متر أو أكثر

4- هل ذلك يعتمد على الديزك فى تقوية الاشارة ام مجرد اعتباره توصيلة وبس

الدايزك كما ذكرت مجرد توصيله وفى هذه الحاله ليست له ميزه بل قد يكون ضارا ، لأنه يخفض من قيمه الإشاره وقد يؤثر علي بعض الترددات دون أخرى

5- السؤال الاهم هل لو انا اصلا موصل الكابل على ديزك من على السطح ونازل تحت واخدت من تحت السلك المراد اطالته ووصلته فى ديزك تانى للتطويل هل هذا خطا ام لا على الديزك وهل سيؤدى غرض التطويل ام لا

هذا بالطبع خطأ ولا يجوز توصيل دايزيكين علي التوالى وإلا لن تحصل منهما إلا علي قمر واحد فقط

ارجو الرد فى كل نقطة على حده

وشكراااااااااااااااااااا

أرجو أن أكون قد أوضحت والله أعلم