[medo20]

بسم الله الرحمن الرحيم
ممكن اعرف افضل طريقة لى قياس التيونر وهل كل التيونتر طريقة القياس واحد ام فى اختلاف وهل الخروج واحد ام فى اختلاف

[medo20]

ممكن رد

[medo20]

ممكن رد

[م/السيد منطاوى]

قياس خرج التيونر على الافقى مره يعطى 18 فولت وعلى الراسى مره يعطى 13 فولت هكذا قياس مخرج التيونر سليم

[medo20]

اول الف الف شكر على الرد طيب ازى انا مشعارف هل كبل الاشارة يكون ركب ولا مفصول : وعلى وضع اية ممكن التوضح اكثر ولو امكن صورة
ولسيادتكم جزيل الشكر

[احمد سمير]

يا إبني
موضوعك يحتاج لدوره تدريبيه أو إنك تتابع
مع فنى صيانه كويس لأن أعطال الإشاره
لها مئات الأسباب وممكن مع كل سبب تشك في التيونر
فالتيونر علشان تحدد عطله
صعب جدا لناس أما للناس أصحاب الخبرات
في المجال
ممكن من غير مايفتح الجهاز
يقولك التيونر بايظ
؟؟؟؟؟؟
لكن طبعا وعلشان أرد عليك بالفرق بين الرجل الفنى اللى خبرته
فى المجال تتعدى ال 15 عام على الأقل وبين
المحترف أو الهاوي
-----
هترك هذا التقييم لك أنت أو لأحد الإخوه المتابعين

[medo20]

ياباشا انا عوز اعرف حاجة واحد فقط وهى على وضع اية فى الافومتر يقاس علية التيونر
ثانية مصراوى سات اكبر معلم لنا واحسن فنى لنا ومفش حد بينزل من بطنة ام متعلم وانا اسف على السول
ولكن احنا مش متعودن على هذه الاجاب من منتدى مصروى سات وخلاص بقاء اسيب المنتدى وارحو ادور على فنتى صيانة علشان يعلمن

ولسيادتكم جزيل الشكر والاحترم

[medo20]

بجد بجد انا زعلن على هذا الرد وانا دائما بساعد المنتدى على ادا مااقدر بس مفش انسان عند العلم كلة وشكر وانا الحمد لله بكتهد وبمساعدة المنتدى اصبح عندى الخبر ولكن فى حاجة لازم نتلعلم من المنتدى وان كان هيبقى الرد بهذا الاسلوب انا هبطل استفيد او افيد ولسيادتكم ولى المنتدى الشكر وعدم تقدير الاعضاء شكر

[medo20]

شكر لى المنتدى على الرد والسخرى من الاعضاء
بس انا لى سول واحد فقط لا كل ماحد يقول نفس اتعلم تقولها خليك معنا وانت هتعلم صح ولا لا

[احمد سمير]

المشاركة الأصلية كتبت بواسطة medo20

ياباشا انا عوز اعرف حاجة واحد فقط وهى على وضع اية فى الافومتر يقاس علية التيونر
ثانية مصراوى سات اكبر معلم لنا واحسن فنى لنا ومفش حد بينزل من بطنة ام متعلم وانا اسف على السول
ولكن احنا مش متعودن على هذه الاجاب من منتدى مصروى سات وخلاص بقاء اسيب المنتدى وارحو ادور على فنتى صيانة علشان يعلمن

ولسيادتكم جزيل الشكر والاحترم

يا أخى
ممكن تكون كل الفولتيات على التيونر
تكون مظبوطه وفى نفس الوقت يكون التيونر تالف
وممكن يكون عطل إشاره من البروسوسر
وممكن من البور وممكن تكون الترنزستورات الفلات وممكن الريجيليتور
أنا قولتلك ألف سبب ممكن يقطع إشاره
والواحد يشك في التيونر
فالتيونر ليست له درجة قياس معينه
--------
هذا كل ما أقصده
واللى خلانى بقولك بتتعرف بالخبره
وليس تقليل من شأنك ماقولته أنا ياأخى

[م/دسوقى ابوكنزى ويوسف]

ياغالى
رد المهندس احمد سمير
مش غلط وهوماغلطش فيك
لان بامانه عيوب الاشاره كتير جدا واسبابها كتير جدا
ومفهوم كلام المهندس سمير
ان حضرتك هتعرض علينا جهازك
وهنقولك على خطواط هتنفزها واحده واحده لحد الجهاز ما يشتغل معاك
والمهندس سمير مابيقولكش روح اتعلم من فنى صيانه
هو يقصد ان لما حضرتك ترفع الموضوع وفنى من اداره قسم صيانه الريسيفر
هيساعدك والخطواط اللى هتنفذها اتعلمها وانت تبقى فنى متمكن
وبالنسبه لطريقه القياس
هتظبط الافوميتر على50 فولت dc
وهتقيس مره على الافقى هيدى معاك 18 فولت
ومره على الراسى هيدى معاك 13
واى سوال احنا هنا فى خدمتك ياغالى

[medo20]

حضرتك سخرات منى وقولت بالفرق بين الرجل الفنى اللى خبرته
فى المجال تتعدى ال 15 عام على الأقل وبين
المحترف أو الهاوي واحنا طول مافى مصراوى سننكون اكبرناس خبر فى هذا المجال

[medo20]

حضرتك اقراء الكلام ال قول لى المهندس سمر بظ قال أو إنك تتابع
مع فنى صيانه كويس أما للناس أصحاب الخبرات
في المجال
ممكن من غير مايفتح الجهاز
يقولك التيونر بايظ

[م/دسوقى ابوكنزى ويوسف]

المشاركة الأصلية كتبت بواسطة medo20

حضرتك اقراء الكلام ال قول لى المهندس سمر بظ قال أو إنك تتابع
مع فنى صيانه كويس أما للناس أصحاب الخبرات
في المجال
ممكن من غير مايفتح الجهاز
يقولك التيونر بايظ

ياغالى انا اسفلك
واى سؤال احنا تحت امرك
والله العظيم انت ما تعرفش المهندس سمير
محترم جدا وبيحب الناس كلها
والموضوع كله ان مافيش سبب معين يبينلك ان التيونر بايظ
لازم تعمل موضوع وتقول كل الخطوات اللى حضرتك عملتها
واحنا نكملك
والمقصود بالخبرات 15 سنه لنه هيفيدك مش زى اى هاوى هيقول كلام وخلاص
وفى النهايه انا اسفلك كمان مره
واحنا عايزين نساعدوك ونوجهوك للصح فقط
ومش عايزينك تجرى تشترى تيونر وتطلع المشكله مش منه

[medo20]

انا اسف لى الاستاذ الكبير المهندس الاستاذ سمير وانا تلميذ من تلميذ الاستاذ سمير واحنا بنتعمل من سيادتكم وكل الشكر والاحترم لى المنتدى الغالى وانا اسف لو صادر منى اى كلمة تز عل الاستاذ سمر او تزعل المنتدى