[Adam Fathii]

بسم اللة الرحمن الرحيم
ارجو المساعدة من عمالقة التركيبات فى حل مشكلتى وانا كلى ثقة باذن اللة فى حلها .
انا عندى طبق 100 سم ومركب علية الأوروبى سنتر والنايل سات وعاموس على المسطرة وكنت عايز اركب قمر Eutelsat 16 فعرفت من مواضيع ومشاركات الاعضاء انة على يمين الاوروبى وانت خلف الطبق .
المهم طلعت اركب القمر ولصقت القطعة على يمين قطعة الاوروبى وانا خلف الطبق راح جايبلى قمر استر 19
قمت شايل الكفر البلاستيك للقطعة وركبتها تانى جاب بردة قمر استرا 19 فانا دلوقتى مش عارف حل للمشكلة دى
واللة انا قعدت اكتر من 6 ساعات باحاول ونفس النتيجة مش راضية تتغير

[mohamedgazar]

نصيحه انك تجيب طبق تانى تركب عليه 16شرق لان اشارته ضعيفه على مسطره
والاوربى سنتر يعنى هات طبق تانى متر او 85 سم وركب عليه 16 شرق

[rwhe1000000]

قمر استرا مش بيكون متلاصق بقطعة الاوروبى فا علشان حضرتك تلقط القمر المطلوب وهو يوتلسات 16 يجب ان تكون القطعة متلاصقة بقطعة الهوت بيرد وكنت اتمنى ان يكون لدى كاميرا لكى اصور لك الطريقة .
الموضوع سهل يا غالى ا

[rwhe1000000]

اضبط يا غالى على هذا التردد وهو تردد عادى وليس اتش دى وخاص بقناة Favorit TV
التردد
11045
H
10555

[tarekelsaka78]

المشاركة الأصلية كتبت بواسطة keek

بسم اللة الرحمن الرحيم
ارجو المساعدة من عمالقة التركيبات فى حل مشكلتى وانا كلى ثقة باذن اللة فى حلها .
انا عندى طبق 100 سم ومركب علية الأوروبى سنتر والنايل سات وعاموس على المسطرة وكنت عايز اركب قمر Eutelsat 16 فعرفت من مواضيع ومشاركات الاعضاء انة على يمين الاوروبى وانت خلف الطبق .
المهم طلعت اركب القمر ولصقت القطعة على يمين قطعة الاوروبى وانا خلف الطبق راح جايبلى قمر استر 19
قمت شايل الكفر البلاستيك للقطعة وركبتها تانى جاب بردة قمر استرا 19 فانا دلوقتى مش عارف حل للمشكلة دى
واللة انا قعدت اكتر من 6 ساعات باحاول ونفس النتيجة مش راضية تتغير

تفضل هناااااااااا
مثبت : اقدم لكم اليوم هذه التركيبه الرياضيه لمشاهده جميع دوريات العالم على طبق متر بريفكس اهداء من طارق السقا لمصراوى سات
بالتوفيق لكـ

[Adam Fathii]

الف شكر لكل انسان محترم رد عليا وحاول يساعدنى

[Adam Fathii]

بس والنبى خلو بالكم طويل معايا شوية هو انا كدة الطبق بتاعى مش مظبوط ولا اية ولو مش مظبوط اعمل اية عشان اظبطة كويس يعنى مثلا احركة شوية ناحية الشمال وانا خلف الطبق ولو مثلا حركتة هل التحريك دة هياثر على باقية الاقمار وهحتاج اظطهم تانى من اول وجديد

[Adam Fathii]

والنبى يا جماعة حد يرد عليا

[satytree]

[halim6]

انا عايز اعمل نفس التركيبة عندى
نفس الاربع اقمار
النايل سات والهوتبيرد واموس ويوتيل سات 16
انا من المنوفية ينفع اركبهم على طبق متر
ولا اشترى طبق جديد 180
ولاقى الطبق فين

[satytree]

ينفع طبق متر مكتوب أمامك أستاد حليم halim6 الطبق 100 سم وعليه التركيبة ويوجد رابط أستاد طارق السقا للتركيبة وتجربة أقوى الترددات
http://www.masrawysat.com/vb/showthread.php?t=1565350

[Adam Fathii]

يا استاذ satytree انت مش فاهمنى واللة انا عملت التركيبة دى واللة العظيم من نفس الموضوع اللى حضرتك رفعتة من شوية بس الفرق بقة انى لصقت القطعة بتاعة يوتل سات 16 مغ قطعة الاوروبى بشيكرتون بس معملتش الفرق دة بين القطعتين جعلتهم متوازيتين مع بعض بس كان المفروض مجبش اشارة خالص المشكلة انة جاب استر 19 مش عارف ازاى ودة اللى هيجننى والنبى ساعدنى وفهمنى بالراحة بس اعمل اية طب اخلى اليوتل سات 16 سنتر واعمل اية لو خليتة سنتر معلش انا عارف انى زهقتك

[sadbirdalon]

واضح يا باشا انك السنتر عندك مش مظبوط قوي علي الاوروبي اتاكد من
الترددات ده علي الاوروبي اولا
11681 h
12673v
جايبين اشارة ولا لا

[Adam Fathii]

واللة يا استاذ sadbirdalon انا عندى التردد 11681 جايب اشارة دلوقتى 55%
والتردد الثانى 12673 جايب اشارة 90% بس فية ترددات تانية فاصلة نهائيا وهى تقريبا معظم قنوات SKY HD وتردد12692 h بتاع باقة BIS وطبعا تردد 11411
بجد انا مش عارف اعمل اية انا من الساعة 8 صباحا وانا فاتح على المنتدى ومفيش حد عارف يفهم مشكلتى وانا مفضليش غير 3 ايام اجازة ومش هفضى تانى انا نفسى اخلص من موال القمر دة زهقت كل لما اجى اجيبة يطلعلى استر 19 شرق يا ريت لو تشرحلى اعمل اية واحدة واحدة بس

[Adam Fathii]

انا بس لو عندى فنى كويس فى بلدنا كنت جبتة واشتريت نفسى بس يا خسارة اللى عندنا نايل واوروبى وكمان الاوروبى بيجبوة زفت واللة انا كان عندى التررد الاول اللى حضرتك بتقول علية 11681 فاصل نهائيا طلعت احاول انا بنفسى يمين فى شمال لحد ما جاب 55% والتردد الثانى نفس الحال وظبطة بردة