[os82002]

بسم الله الرحمن الرحيم

انا كنت بسمع عن قنوات البث الديجتال للقنوات الارضيه وكنت امتلك تلفزيونان واحد بناسونيك الوان 21 نظام موديل 2004 ورمضان اللى فات اشتريت تلفزيون الوان ata سوبر فلات موديل 2015 وللاسف متمكنتش من استقبل القنوات دى عن طريق التلفزيونين دول والحمد لله تم شراء شاشه lg smart 42 بوصه الحمد لله الصوره تحفه وتم واستقبل القنوات الارضى الديجتال والصوره روعه احسن من صوره الريسيفر hd بصراحه صوره روعه السوال هنا انا كنت فاكر انا مش بستقبل القنوات دى لانها مش بتتبث عندنا لانى سمعت ان النظام لسه تجريبى ومتعممش على مصر كلها دلوقت الشاشات بتستقبل النظام الجديد تمام التمام بالنسبه للناس الغلابه اللى معندهومش امكانيت يشترو الشاشات دى يتفرجو على القنوات دى ازى هيبقا فى جهاز كده زى البوستر بتاع زمان ويركب على التلفزيونات ولا هيبقا فى تعديل على التلفزيونات نفسها وممكن تستقبل القنوات دى ملحوظه التلفزيونات موديل 2015 مش بتستقبل القنوات دى رجاء التفاعل من الاعضاء تفاعل ايجابى من كل انسان عنده خبره فى المجال ده

[فارس وصال]

انا عندى شاشه سامسونج 40 بوصه سمارت ازاااااى استقبل القنوات الارضى ممكن تشرح الطريقه

[os82002]

لازم يكون فيها مدخل اريل ارضى مدخل ار اف وتركب فيها اى اريل موجود عندك وتعمل عمليت بحث

[ibrahimgamal]

شغاله عندي من سنتين علي تليفزيون سوني برافيا cx 52 ومستقبل كل القنوات الارضيه HD
بيفيدني اوي في ماتشات افرقيا اللي علي ارضنا

[hazzuma]

المشاركة الأصلية كتبت بواسطة os82002

وتركب فيها اى اريل موجود عندك وتعمل عمليت بحث

أى اريال،ولا لازم ايريال سليم،لأن اللى عندى مربط وبعافية شوية،نتيجة تعرضه لمحاولة إتلاف أو سرقة،رغم إنه باناسونيك يابانى وعندنا من عشرين سنة وكان بتسعين دولار، من السوق الحرة،تخيلوا،،،تحياتى

[reda0083]

شغال عندي علي تلفزيون تورنادو 43 بوصة وحاجة جامدة الصراحة صورة افضل من hd وقائمة قنوات كانه رسيفر وصورة ولا اروع من كدة تستحق التجربة

[hisham fathy]

للاسف مش موجود عندى شاشة
TCL
32 بوصه و مشتريها من سنه
المفروض انها شاشة حديثة led مش عارف ايه السبب

[يوسف ابراهيم راضي]

يا اخوانا اللى مستقبل القنوات دى لازم يكون من محافظات القاهزه الكبرى

[العو]

انا والدى يعيش بمحافظة الشرقية ولدية شاشة ال جى سمارت 42 بوصة جايبها هذة السنة ولكنة لا يستطيع استقبال القنوات الارضية ديجيتال بالرغم من وجود خاصية البث الرقمى بالشاشة
هل هذا البث متوافر بالقاهرة فقط؟ ومتى سيتم بباقى المحافظات؟

[نبيل لطيف]

يعنى الواحد يوصل جاك بسلك بس فى الشاشة ولا يكون موصل اريال ويعمل بحث بعد كده

[os82002]

المشاركة الأصلية كتبت بواسطة hazzuma

أى اريال،ولا لازم ايريال سليم،لأن اللى عندى مربط وبعافية شوية،نتيجة تعرضه لمحاولة إتلاف أو سرقة،رغم إنه باناسونيك يابانى وعندنا من عشرين سنة وكان بتسعين دولار، من السوق الحرة،تخيلوا،،،تحياتى

هينفع انشاء الله ياغالى ركب وجرب وانشاء الله كله تمام

بالنسبه للاخ اللى بيقول البث فى البقاهره فقط لا ياغالى وفى محفظات اخرى انا مثلا من المنصوره محافظه الدقهليه مركز اجا ومستقبل القنوات دى تمام التمام

[os82002]

المشاركة الأصلية كتبت بواسطة العو

انا والدى يعيش بمحافظة الشرقية ولدية شاشة ال جى سمارت 42 بوصة جايبها هذة السنة ولكنة لا يستطيع استقبال القنوات الارضية ديجيتال بالرغم من وجود خاصية البث الرقمى بالشاشة
هل هذا البث متوافر بالقاهرة فقط؟ ومتى سيتم بباقى المحافظات؟

ياغالى خليه يدور على اريل محترم وانشاء الله يستقبلها انا عندى مستقبلها عن طريق اريل متهالك لقيته على السطح وركبت فيه سلك وشغل فله وتقريبا الشرقيه اقرب من المنصوره بالنسبه للقاهره

[العو]

المشاركة الأصلية كتبت بواسطة os82002

ياغالى خليه يدور على اريل محترم وانشاء الله يستقبلها انا عندى مستقبلها عن طريق اريل متهالك لقيته على السطح وركبت فيه سلك وشغل فله وتقريبا الشرقيه اقرب من المنصوره بالنسبه للقاهره

مشكور اخى الغالى على الرد

[محمودبيبو]

ياباشا انا من الاسماعيلية وعندى شاشة ال اى دى سمارت وعندى اريال محترم ومش عندى القنوات دى رغم ان من فترة يعنى من شهر 6 كدة تم استقبال القنوات دى وبعد كدة لم تعد مرة اخرى فلذلك نرجو التوضيح هتكون فى كل المحافظات امتا

[كلابشسو]

وانا من الاسماعيلية وعندى شاشة تورنادوى led وعن طريق الصدفة كنت بتفرج على ماتش للاهلى فى بطولة افريقيا على الارضى وبعمل بحث جابلى حوالى 12 قناة منهم 6 قنوات للبين سبورت قنوات صورتها hd وبعدها اختفت ومرجعتش تانى