[فايز كاشف]

عندى وحدة حركة نوعها star sat اللمتيت مقفول كلما ضغط على سهم الاتجاه تكتب على الشاشة L كما بالصورة المرفقة ممكن افتح الاتجاه ازاى واشيل الكلمة دى خالص وهل ممكن اعمل للوحدة ضبط مصنع
فى انتظار مساعدتكم

[م/محمدزيان]

بص ياغالى فى سببين
الاول هو ان احد الاطراف الاربعة مفصول اما من الوحدة نفسها او من الماتور فوق
او ان السلم مقطوع من احد اطرافة فى اى مكان من عوامل الجو او من الفئران مثلا
وغالبا بتحصل المشكلة دى معايا كل كام شهر كدا
اما السبب التانى وربنا يسترها هى ان السنسور يكون باظ
هوة اساسا مش غالى ولا حاجة هو تقريبا عامل فى حدود 5 جنية او اقل
بس انا دخت عليه وكل الناس قالولى مش موجود لان مفيش حد بيركب منظومة متحركة اليومين دول بس ربنا كرمنى ولاقيتة عند فنى بالصدفة
وعلى فكرة ياغالى المشكلة مش صعبة ولا حاجة هى حاجة بسيطة جدا ومتقلقش
وانا ارجح السبب الاول وهو السلك وممكن يكون مقطوع من احد الاطراف وانت متشفهوش لانة ممكن يكون من السلك ال نازلك فتمم علية وان شاء الله تلاقى السبب
ولو عايز طريقة جميلة للسلك وتكون قوية وتعيش معاك لفترة طويلة
دور على سلك نت من عند حد من اصحاب الشبكات يكون مستعمل علشان يكون رخيص ومن القديم المتين
واعمل تست عليه عندة علشان تضمن ان السلك اطرافة ال 8 سليم ووصل كل طرفين مع بعض من الناحية الواحدة وزيهم من الناحية التانية وبعدين لف شيكرتون على السلك كلة علشان عوامل الجو متأثرش فية وكمان الفئران وان شاء الله السلك يعيش معاك العمر كلة
وتقبل تحياتى لك اخى فايز

[فايز كاشف]

شكراً لمرورك اخى محمد ولكن العيب فى وحدة الحركة نفسها لانى جربت وحدة حركة تانية واشتغلت تمام يعنى السلك والسنسور والماتور كلة شغال تمام