[محمد شعيكه]

***** الباور فيو لا تعمل عندى على رسيفر strong 4920a
الرسيفر واخد احدث سوفت 187 والشفره موجوده وسليمه ومع ذالك لا تعمل قنوات على قمر 9شرق
ياريت حد يقولى السبب

[محمد سيد محمود]

اخى الكريم معنديش هذا القمر ولا عندى رسيفر حاليا يدعم البور فيو
ممكن حضرتك تجرب هذه ****** كده يمكن تعمل معك إن شاء الله

AFN
Eutelsat 9.0°E 11766-V-27500 & 11804-V-27500
PowerVU
ECMKEY0: 6DADC79AAD00CF00
ECM KEY1=475BE91195C2FD00

E! HD
#Eutelsat 9.0°E 12092-H-27500
ECMKEY0=704FEECEA3B8EC00
ECMKEY1=6D5226CF5862C300

هذه ******* جايبها من موقع نجم سات2017 اخى الكريم من خلال هذا الرابط

http://najmsat2017.com/powervu-keys/#

[محمد سيد محمود]

ولدى استفسار من حضرتك اخى الكريم هل رسيفر strong 4920a
موجود او متوفر فى المحل او المكان اللى حضرتك اشتريت منه الجهاز
ولا حضرتك اشتريته من فترة كبيرة عشان سألت عليه وغير متوفر بالقاهرة
فى إنتظار رد حضرتك إن شاء الله وجزاك الله كل خير

[محمد شعيكه]

بالنسبه للشفره فانا اشكرك اخى عليها ولكنها هى موجوده بالفعل فى السوفت كما نقلتها انت اما عن الجهاز فالجهاز مش موجود فعلا بالاسواق ولا فى باب اللوق فى هناك محل بيبع سترونج 4950 فقد وبسعر مبالغ فيه اما عن 4920 فا كان موجود رسيفر عند واحد لو اتمشيت من باب اللوق وروحت العتبه من اول شارع عبد العزيز وسالت على يمنك وانت جى من باب اللوق اسال محل محل وزاويه زاويه من اللى بيبعو الرسيفرات هتلاقى ان شاء الله عند واحد انا كبعا ماينفعش افسر اكتر من كده

[محمد سيد محمود]

جزاك الله كل خير اخى الكريم وبالفعل ما فيش غير 4950فى احد المحلات بباب اللوق
وهل الرسيفر 4920 اللى موجود فى احد المحلات
جديد ام مستعمل وهل حضرتك روحت هذا المكان من مدة قريبة
وجزاك الله كل خير اخى الكريم وفى إنتظار رد حضرتك

[محمد شعيكه]

من مده قريبه وهو مش محل هى زى تربيزه على ناصيه ممر لو هتروح من العتبه يبقى على شمالك وانت داخل عبد العزيز لو هتروح من باب اللوق يبقى على يمينك وان شاء الله هتلاقيه موجود لانه مش عرضه انت هتساله هيقولك موجود عشر دقائق هيجيبه بس يكون اتفق معاك على السعر

[محمد سيد محمود]

المشاركة الأصلية كتبت بواسطة محمد شعيكه

من مده قريبه وهو مش محل هى زى تربيزه على ناصيه ممر لو هتروح من العتبه يبقى على شمالك وانت داخل عبد العزيز لو هتروح من باب اللوق يبقى على يمينك وان شاء الله هتلاقيه موجود لانه مش عرضه انت هتساله هيقولك موجود عشر دقائق هيجيبه بس يكون اتفق معاك على السعر

الله يكرمك ويباركلك اخى الكريم استاذ محمد شعيكة وبعد إذن حضرتك
هل الجهاز جديد بالكرتونة ولا مستعمل وآسف على تعب حضرتك معايا
ربنا يكرمك اخى الكريم وجزاك الله كل خير

[احمد محمود عبد العاطي]

بيكون موجود الساعه كام يا اخي محمد
وهل ممكن الاقي عنده
رسيرفر التايجر T800 FULL HD
لاني من اسكندريه و ع اسافر
وهل يوم الجمعه بيكونوا بتوع الدش
فاتحين ولا بياخدوا اجازةوشكرا مقدما

[محمد شعيكه]

اكيد جديد وهو تعبنى شويه فى السعر لكن فى اتفقنا ويارب يكون لسه موجود ومن نصيبك اخى محمد المهم اسال عند كل اصحاب الاركان او التربيزات اللى بيبعو رسيفرات خاصه فى نص الشارع هتلاقى الاخ المذكور ان شاء الله

[محمد شعيكه]

المشاركة الأصلية كتبت بواسطة احمد محمود عبد العاطي

بيكون موجود الساعه كام يا اخي محمد
وهل ممكن الاقي عنده
رسيرفر التايجر T800 FULL HD
لاني من اسكندريه و ع اسافر
وهل يوم الجمعه بيكونوا بتوع الدش
فاتحين ولا بياخدوا اجازةوشكرا مقدما

يوم الجمعه العتبه وباب اللوق من بعد صلاه العصر كله فاتح وشغال اما عن التايجر فانا مسالتش عنه والله اعلم بيه ان كان موجود او لا

[محمد سيد محمود]

المشاركة الأصلية كتبت بواسطة محمد شعيكه

اكيد جديد وهو تعبنى شويه فى السعر لكن فى اتفقنا ويارب يكون لسه موجود ومن نصيبك اخى محمد المهم اسال عند كل اصحاب الاركان او التربيزات اللى بيبعو رسيفرات خاصه فى نص الشارع هتلاقى الاخ المذكور ان شاء الله

جزاك الله كل خير اخى الكريم استاذ محمد شعيكه وإن شاء الله
هنزل اليوم الخميس وهسأل ويارب يكون الجهاز موجود إن شاء الله
واعتقد فتحين الخميس عادى صح اخى الكريم استاذ محمد شعيكه
وجزاك الله كل خير

[احمد محمود عبد العاطي]

المشاركة الأصلية كتبت بواسطة محمد شعيكه

يوم الجمعه العتبه وباب اللوق من بعد صلاه العصر كله فاتح وشغال اما عن التايجر فانا مسالتش عنه والله اعلم بيه ان كان موجود او لا

اولا بارك الله فيك ثانيا فكرك يكون بكام التايجر T800 HD وحضرتك اشتريت منه الاسترونج 4920A بكام وثالثا انا عمري ما رحت العتبه ولا باب اللوق هما الاتنين قربين من بعض معلش اعذرني بسؤالي ده وهما الاتنين بمحافظة القاهرة معلش اسئلتي مش في محلها وشكرا لك

[محمد شعيكه]

يعنى انا زمالكاووووووووووى حتى النخاع واخواتى السائلين اهلاويه ايه العمل معكم بقى
هههههههههههههههههههههههههه

[محمد شعيكه]

يوم الخميس طبعا فاتحين اما عن السعر فهو حسب شطرتك معه وان كان هو طبعا فاهم بيبع ايه وعارف انه مش موجود فابيتكلم وهو على ارض صلبه عموما ممكن تخلصه منه ب450 او اقل قليلا
اما عن العتبه وباب اللوق ايوا هما الاتنين بالقاهره وجنب بعض عشر دقائق مشى وهى فرجه على البضائع ههههههههههههه مهو كله بيتفرج بس دلوقتى محدش بيشترى

[محمد سيد محمود]

المشاركة الأصلية كتبت بواسطة محمد شعيكه

يعنى انا زمالكاووووووووووى حتى النخاع واخواتى السائلين اهلاويه ايه العمل معكم بقى
هههههههههههههههههههههههههه

هههههه ياغالى اهلى وزمالك كلنا واحد وخلى فى علمك انا بحب
الاهلى والزمالك ومش متعصب اهم حاجة
اللعب الحلو والاحترام المتبادل بين الجميع