[شريف وهبة]

تم بفضل الله تركيب جهاز كيومكس H1 اندرويد مع شاشة على عدد 2 بطارية 12فولت
والصور خير دليل
المتطلبات
عدد 2 بطارية 12 فولت
ترنس 12 فولت 1 امبير وسبب 1 امبير انه يشحن البطارية على فترة طويلة اثناء الليل مثلا فى 6 او 7 ساعات
وريسيفر من الريسيفرت الجديده HD عبد العال والسبب لا تحتاج فولتات غير 12 فولت
وشاشة صفيرة 7 بوصة وإن وجد اقل ماشى
وسبب 2 بطارية حتى تستمر اطول فترة ممكنه
=======
ناس حتقوللى طيب ليه لم تشترى الجهاز الجاهز
اقوله اين قطع غيارة
واين مراكز الصيانه
اما هذه الفكرة مجمعة اى شيء يتلف فيها حنعرف نستعوضة
طريقة التوصيل للريسيفر
طرفين ارضى وطرفين 12 فولت{من البطارية}
وترنس 12 فولت يتم توحيد التيار اولا بواسطة 4 دايوت 1 امبير و مكثف
يتم توصيل البطاريتين السالب مع السالب والموجب مع الموجب
يستخدم مفتاح الباور الخلفى لتشغيل الجهاز من البطارية تيت توصيل كابل الـشاشة من الداخل وخروجة من جانب الريسيفرلتشغيل الاثنين سويا





تحياتى

[mazen_coco]

تسلم ايد حضرتك باش مهندس شريف

[الاستاذباشا]

هو مينفعش نوصل البطارية على دائرة البور ما بين الباور والبورده

[شريف وهبة]

بص امبير 12 فولت الخاص بدائرة الباور ضعيف جدا
لذلك تم تركيب ترنس {مع توحيد تيار}لتحويل DC

[م / وليد هانى]

اولا بجد مجهود رائع واحيك عليه
ثانياً انا عامل الفكرة دى من حوالى سنة تقريباً
بس مجمعها فى صندوق صغير ومستخدم بطارية واحدة 12
ومشغل عليها الاتى :-
1- شاشة 7 بوصة سيتى ساوند
2- ريسيفر سكاى لين المينى ( 12DC )
3- شاحن موبايل + مروحة عربية ( طرد ) عشان تبرد كل شئ بالداخل
4- وكنت مركب ليد نور عشان تنور لى فوق الاسطح ههههه
وجايب ترانس 12فولت 5 امبير + قنطرة توحيد عشان اشحنها بيها
ومركب فيوز من خرج البطارية لحماية جميع الاجهزة اللى بالداخل
وده ملخص فكرتى + تنفيذها
ثالثاً فى معلومة اثارت اهتمامى فى موضوعك الشيق والمميز اخى الكريم وهى
حضرتك بتقول انك وصلت قنطرة توحيد عشان تخرج 12DC تمام
طب السؤال هى البطارية بتخرج AC ولا DC ؟
عشان انا اعرف انها بتخرج DC على عكس الترنس AC

[م/السيد منطاوى]

سيتم التثبيت لمجهودك فى الموضوع ولكن لى تعليق بسيط هناك شاشه نستخدمهامن فتره فى تركيب الكاميرات بها مخرج 12فولت لتغذيه الكاميرات تسطيع تغذيه الرسيفر منها وشحنها يدوم يومان شكرا لطرحك

[مهندس محمودعبدالحميد]

المشاركة الأصلية كتبت بواسطة م / وليد تيتو

ثالثاً فى معلومة اثارت اهتمامى فى موضوعك الشيق والمميز اخى الكريم وهى
حضرتك بتقول انك وصلت قنطرة توحيد عشان تخرج 12DC تمام
طب السؤال هى البطارية بتخرج AC ولا DC ؟
عشان انا اعرف انها بتخرج DC على عكس الترنس AC

الترانس يا غالى عشان يشحن به البطاريات بدون فك الرسيفر والا من غير الترنس فلابد من فك البطاريات وشحنها بالخارج

[م/احمد الســيد]

مجهود رائع
وياريت توضح للاعضاء طريقة توصيل الشاشة

[ABo 3AHD]

الموضوع ناقص كتير جدا

[شريف وهبة]

المشاركة الأصلية كتبت بواسطة م/احمد الســيد

مجهود رائع
وياريت توضح للاعضاء طريقة توصيل الشاشة

كلامك سليم
شوف
نفس الـــ 12 فولت اللى خارجين من البطارية إلى الريسيفر يتم توصيل كابل تغذية الشاشة منه
والصورة موضح فيها كلامى
بكل بساطة

[م / وليد هانى]

المشاركة الأصلية كتبت بواسطة مهندس محمودعبدالحميد

الترانس يا غالى عشان يشحن به البطاريات بدون فك الرسيفر والا من غير الترنس فلابد من فك البطاريات وشحنها بالخارج

حبيبى واحشنى والله
وبخصوص السؤال
انته مفهمتنيش انا اقصد ايه
انا بتكلم على البطارية مش الترنس
يعنى ان المفروض البطارية تخرج DC على طول
ومش محتاجة قنطرة توحيد
عكس الترنس محتاج قنطرة عشان الفولت الخارج منه بيكون AC
واخى صاحب الموضوع بيقول انه ركب قنطرة للبطارية
طب ازاى ؟ وليه ؟

[م.فؤادقمرة]

تسلم ايد حضرتك باش مهندس

[شريف وهبة]

المشاركة الأصلية كتبت بواسطة م / وليد تيتو

اولا بجد مجهود رائع واحيك عليه
ثانياً انا عامل الفكرة دى من حوالى سنة تقريباً
بس مجمعها فى صندوق صغير ومستخدم بطارية واحدة 12
ومشغل عليها الاتى :-
1- شاشة 7 بوصة سيتى ساوند
2- ريسيفر سكاى لين المينى ( 12DC )
3- شاحن موبايل + مروحة عربية ( طرد ) عشان تبرد كل شئ بالداخل
4- وكنت مركب ليد نور عشان تنور لى فوق الاسطح ههههه
وجايب ترانس 12فولت 5 امبير + قنطرة توحيد عشان اشحنها بيها
ومركب فيوز من خرج البطارية لحماية جميع الاجهزة اللى بالداخل
وده ملخص فكرتى + تنفيذها
ثالثاً فى معلومة اثارت اهتمامى فى موضوعك الشيق والمميز اخى الكريم وهى
حضرتك بتقول انك وصلت قنطرة توحيد عشان تخرج 12DC تمام
طب السؤال هى البطارية بتخرج AC ولا DC ؟
عشان انا اعرف انها بتخرج DC على عكس الترنس AC

انا موصلتش قنطرة
اللى عملته بديل القنطرة

دى طريقة مبسطة بديله للقنطرة
الغرض كله من الشغلة حاجة واحده
ريسفر+ شاشة وبس

[م / وليد هانى]

المشاركة الأصلية كتبت بواسطة شريف وهبة

انا موصلتش قنطرة
اللى عملته بديل القنطرة

دى طريقة مبسطة بديله للقنطرة
الغرض كله من الشغلة حاجة واحده
ريسفر+ شاشة وبس

اولا اوعى تفتكر انى بقلل من عملك
بالعكس انا وجدت امامى شخص مجتهد
وقلت يمكن انته عندك معلومة ليست عندى اخى الكريم

ثانياً بخصوص الصورة اللى فوق دى
طب مهو هى دى القنطرة يا غالى ( 4 سيلكون + مكثف 1000-25 )
بس انا اقصد
حضرتك قولت بالاعلى انك عامل قنطرة للبطارية نفسها
عشان تحول الفولت الخارج منها الى DC

طب مهى البطارية بتخرج DC بدون قنطرة
ولا حضرتك قصدك على الترنس وده خطأ كتابى

[شريف وهبة]

المشاركة الأصلية كتبت بواسطة م / وليد تيتو

حبيبى واحشنى والله
وبخصوص السؤال
انته مفهمتنيش انا اقصد ايه
انا بتكلم على البطارية مش الترنس
يعنى ان المفروض البطارية تخرج DC على طول
ومش محتاجة قنطرة توحيد
عكس الترنس محتاج قنطرة عشان الفولت الخارج منه بيكون AC
واخى صاحب الموضوع بيقول انه ركب قنطرة للبطارية
طب ازاى ؟ وليه ؟

اشحن البطارية بتيار DC كيف والترنس بيخرج AC
كان لابد من توحيد خروج الــ 12 فولت اولا ليكون DC لتغذية البطارية
تحياتى