[جوهركامل]

بسم ألله ألرحمن ألرحيم

قبل ماأبدأأى توضيح عن ألقطعه
عايزأقول أن أول من نوه عنها
أخوناgamal_317_ 20
ألقطعه هىQmax




كان أخوناجمال عامل بيهاموضوع قبل كده
وقال أنه قطع أول حلقه منها بعدماشال ألغطاءألبلاستيك
وشغلهاعلى طبق180سم
وكان فى موضوعه أخ لناقاله القطعه كويسه علشان موجهه للبؤره
وردعليه أخ لناآخركان معنى كلامه أن غيرمقتنع برده
ولاداعى من ذكرأسمائهم لأنهم غيرمتواجديين وأتمنى لهم كل ألتوفيق

ألمهم أخواتى وأحبائى
أناعايزأقول أن سرقوةهذه ألقطعه(لأن صناعتهاتايوانى)
وأسم على مسمى مش كتابه على ألقطعه وخلاص

ندخل فى ألموضوع
من فتره أصدقائى حصلت على طبق240
ولحددلوقتى لاأعرف ماركته ألأصليه
لكن ألبولاربيقول أنه من ألأطباق ألبنجامين أوألهيوماكس أومصانع
ألطبق أللى كنت شارح عليه موضوع ألطبق ألمفتول ده




ألطبق بالفعل فى مشكله
وألصح أنى كنت أعالجه قبل ماعلقه
لكن بصراحه هوطلع من ألعماره بسهوله للسطح
ولكن مستحيل يدخل من باب ألشقه علشان أظبطه على ألبلاط
وطبعامن حوالى شهريين أوأكترعلقته على عيبه وطبعاأشاراته لن ترضينى
وسبب ألتسرع عندى بصراحه
كأنى كنت فى صحراءومفيش اكل ولاشرب
ولاقيت أى حاجه قابله للشوى طبعاشويت
لكن علشان بأكلهاوأنامتضررماشبعتش


ألمهم ألقطعه ألكيوماكس بالصدفه كانت من ضمن مقتنياتى
وطبعاعندى حوالى أربع قطع فوجى أصلى قديم
جبت ألمنشاروألدمعه كانت هتفرمن عينى وأنابقطع رقبةألفوجى
طبعاهوضح لكم عملت أيه لاحقا

ألمهم أشتغلت على ألطبق أل240
مع ألقطعه الكيوماكس وظبط على ريسيفرأريون ألقديم
وكانت ألمفاجأه أن أول مره أعرف أن ألتاكيلاعلى استرا19شرق
أوألبى ان سبورت على ألتردد11097عاديه وليستHd
ألمهم ريسيفرألأريون ألقديم لقط أشاره30
وريسيفرألكيوماكسh6
كان أشارته 38
وكان فى أشارات تانيه بتطلعلى لسانها أمثال12402
ألمهم أصدقائى لمانزلت ولالقيت ألتاكيلاولالقيت ألتردد12402
لايوجدأشاره خالص
أناأقصدبكلمةألترددطلعلى لسانه(يعنى أشوف ألأشاره وتختفى)

طبعاألموضوع ككل لن يرضينى
فكيت ألطبق أل240لحدماأعالجه صح وربنايسهل أشوف طريقه
وعلقت ألطبق أل180بريفكس وألقطعه ألفوجى

ألمهم أليومين دول أخدنى ألفضول ورفعت ألقطعه ألفوجى
وركبت مكانها ألقطعه ألكيوماكس ألمعدله على ألطبق أل180
بدون تظبيط يذكركل مافى ألحكايه
فكيت ألموتور وركبت ألقطعه على فلانشه رديئه
وظبط ألقطعه على عرب سات2موقعه30.5شرق
على ألتردد10923أفقى17000قناةألسعوديه
تظبيط خفيف يعنى
ألمهم نزلت وأنابجرب أسترا19شرق
لاقيت تردد11097ألتاكيلاأشاره 52على ريسيفرh6
و12402لاقيته مطلعلى لسانه
ألكلام ده ألنهارده من ألساعه 6ألى 8مساء

ألأدوات ألمستخدمه











ألتعديل

هتفك ألغطاءألبلاستيك للقطعه ألكيوماكس
هتقطع أول حلقه للقطعه
هتنعم بمبرد حداد
هتقطع حلقه ألفوجى وتخليها2سم فقط
وطبعاهدخل أل2سم من فيدألفوجى داخل ألفيد للقطعه ألكيوماكس
وتلحم من على ألوش بلحام أمير(خلف حلقات ألفوجى على وش ألكيوماكس)
من ألأخرهتعدلهاعلى طولها
ويفضل تستخدم غطاءألفوجى بعدألتعديل
وأليكم صورألقطعه بعدألتعديل وأشارةألتردد11097













ملحوظه مهمه

ألغرض من ألموضوع هوأكتشاف قطعه قديمه مميزه
تضاف ألى ألبوم ألقطع ألمعدله
وليس ألغرض أنى ألتقطت ألتاكيلاأوترددسوبر
ومره آخرى أحيى زميلناgamal_317_ 20
لأنه هوأول من نوه عنهاوليس ألعبدلله
ولكنى قمت بتجربه أتمنى كمانجحت معى تفيدألأخريين
ألمكان ألقاهره
ألطبق180بريفكس
وان شاءألله وبعونه
لن تنتهى بينناألمواضيع
تحياتى أخوكم
مسعدجوهرأبوحازم

[ahmed hassn2012]

موضوع غاية فى الروعة اخى وحبيبى ابو حازم
ممكن ترفع صور القطعة على المرفقات لان الصور للاسف مش ظاهرة عندى

[جوهركامل]

ألصوربالمرفقات حبيبى أستاذأحمدحسن
تابع باقى ألصور

[جوهركامل]

باقى صورألموضوع
وطبعاكلهم مرقمين
علشان تسلسل ألموضوع
أنتهى كلهم13صوره

[ahmed hassn2012]

تسلم يا غالى على الشرح وعلى الصور
انا كان عندى واحدة وعدلتها بس كنت فاصل رأسها تماما وجربتها على الطبق البريفكس بس ما كنت مهتم بيها اوى مش عارف حلاقيها ولا لا لاننى حاسس ان الترومان اتحسدت هههههههههه

[جوهركامل]

المشاركة الأصلية كتبت بواسطة ahmed hassn2012

تسلم يا غالى على الشرح وعلى الصور
انا كان عندى واحدة وعدلتها بس كنت فاصل رأسها تماما وجربتها على الطبق البريفكس بس ما كنت مهتم بيها اوى مش عارف حلاقيها ولا لا لاننى حاسس ان الترومان اتحسدت هههههههههه

هقولك ملحوظه ومهمه كمان عن تجربه
حلقات ألفوجى لومن غيرفيد
مقطوعه لأخرها وتتلحم على ألعدسه وش(هتكون غيرأيجابيه)

لازم ألفوجى يكون لهافيدعلى ألأقل 2أو3سم
ويكون بداخل ألقطعه ألمعدله ومتساوى ويفضل بدون فراغات بينهم
ويفضل حين ألنظرللقطعه ألمعدله من ألداخل
لازم تشوف ألأبرتين ألمسئولين عن ألأفقى وألرأسى
ولايوجدبينهم شئ يحجب ألرؤيه

[gamal_317_ 20]

بارك الله فيك اخى جوهر ومجهود تشكر عليه

[جوهركامل]

المشاركة الأصلية كتبت بواسطة gamal_317_ 20

بارك الله فيك اخى جوهر ومجهود تشكر عليه

حبيبى أستاذجمال من حقك طبعا
لازم أذكرأسمك بأنك أول من نوه عن ألقطعه
وأشكرك جداجد لمشاركتك ومرورك
وكلامك ألطيب

[ابوبكر العربى]

بارك الله فيك اخى جوهر

[satytree]

[v i p]

موضوع ممتاز
معلش سؤال خارج الموضوع
بالنسبة للاسترونج البلاستيك هل عمل الفيدلها مفيد
هل حدجربها
معي قطعة بالكرتونة فوجي حديد من الخارج حابب اقطع فيدها واعمله علي الاسترونج

[ahmed hassn2012]

المشاركة الأصلية كتبت بواسطة v i p

موضوع ممتاز
معلش سؤال خارج الموضوع
بالنسبة للاسترونج البلاستيك هل عمل الفيدلها مفيد
هل حدجربها
معي قطعة بالكرتونة فوجي حديد من الخارج حابب اقطع فيدها واعمله علي الاسترونج

لالالالالالالالالالا الاسترونج البلاستيك مش قوية فى التعديل

[serag3]

موضوع ممتاز وشرح رائع تسلم يا ابو حازم

[kroma7]

[جوهركامل]

المشاركة الأصلية كتبت بواسطة ابوبكر العربى

بارك الله فيك اخى جوهر

وألله أحبك لله فى لله أخى أبوبكر
شخصيه محترمه لاغبارعليك

المشاركة الأصلية كتبت بواسطة serag3

موضوع ممتاز وشرح رائع تسلم يا ابو حازم

ربنايعزك أستاذserag3

المشاركة الأصلية كتبت بواسطة kroma7

أيه ألجمال ده ياأبومعاذ
أنامش أدألتكنولوجيا ألعاليه ده
حبيبى أبومعاذياعملاق مطروح