[Hero125]

السلام عليكم
محتاج رسيرفر يشتغل كويس علي شاشات الكبيرة 50 بوصه 4k
ايه افضل رسيرفر حاليا متوافق و يظهر كل خواص الشاشه و نفس الوقت شيرنج و اي بي تي في ثابت

[ledo2005]

لو ميزنيتك ضعيفة خليك فى الترومان اكس بوكس2 2تيونر حوالى 1900جنية
لو ميزانيتك عاليه خليك مع الفيو 4k بحوالى 7000 جنية

[Hero125]

المشاركة الأصلية كتبت بواسطة ledo2005

لو ميزنيتك ضعيفة خليك فى الترومان اكس بوكس2 2تيونر حوالى 1900جنية
لو ميزانيتك عاليه خليك مع الفيو 4k بحوالى 7000 جنية

هل حضرتك تقصد truman topbox 2 tuners ؟

[التركي]

بص حضرتك المختصر المفيد انا عندي تجربة مع الشاشة النضيفة والرسيفر المناسب .. الشاشة الفور كي اقصي استفادة منها بتكون مع شوية فيديوهات مصورة علي يوتيوب وبتحتاج نت بسرعه 16 جيجا علشان تقدر تتفرج علي جودة 4k .... دا اولا .. ثانيا الشاشات دي مميزاتها الاحلي الاسمارت الي فيها وتطبيق زي كودي ... الخ .. اما الرسيفر انصحك تجيب رسيفر vu zero ممتاز وبسيط والجودة الفول اتش دي كويسة فيه والصورة عامة كويسة ... اما انك تروح تجيب رسيفر ترومان انصحك طبعا مبلغ زي 1900 جنية تدفعه في رسيفر فيو زيرو احسن الف مرة من الترومان .. الرسيفر الفور كي غير مجدي بالمرة لان مفيش قنوات اصلا فور كي تستحق انك تجيب رسيفر فور كي زي فيو فور كي ب 7000 في مصر .. ملوش اي لازمة صدقني

[Hero125]

المشاركة الأصلية كتبت بواسطة التركي

بص حضرتك المختصر المفيد انا عندي تجربة مع الشاشة النضيفة والرسيفر المناسب .. الشاشة الفور كي اقصي استفادة منها بتكون مع شوية فيديوهات مصورة علي يوتيوب وبتحتاج نت بسرعه 16 جيجا علشان تقدر تتفرج علي جودة 4k .... دا اولا .. ثانيا الشاشات دي مميزاتها الاحلي الاسمارت الي فيها وتطبيق زي كودي ... الخ .. اما الرسيفر انصحك تجيب رسيفر vu zero ممتاز وبسيط والجودة الفول اتش دي كويسة فيه والصورة عامة كويسة ... اما انك تروح تجيب رسيفر ترومان انصحك طبعا مبلغ زي 1900 جنية تدفعه في رسيفر فيو زيرو احسن الف مرة من الترومان .. الرسيفر الفور كي غير مجدي بالمرة لان مفيش قنوات اصلا فور كي تستحق انك تجيب رسيفر فور كي زي فيو فور كي ب 7000 في مصر .. ملوش اي لازمة صدقني

اشكرك للردك انا فعلا اقتنعت بكلامك و هل vu zero ثابت مع الشيرنج و **** و سعرة التقريبي كام حاليا و اي مكان افضل للشراء

[Kareem Soliman]

يا جماعة توب بوكس إية اللى ب 1900 ج أنا سئلت من يومين على الترومان فى التوكيل فى باب اللوق فألى أن الموجود حاليا البريمير +1 و عامل حوالى 670 ج أما التوب بوكس 1 تيونر ب 790 ج أما 2 تيونر غير موجود....

[شادى صلاح]

الف الف شكر على المتابعه الجيده وبعدين اى ريسيفر اتش دى عالى الجوده هيادى الغرض انا عندى خاصيه الاى بى تى فى لم استفد منها فى شىء لانها تحتاج نت عالى وانتم تعلمون النت فى مصر صاروخ بسرعه السلحفاة

[Hero125]

ايه رايكم في vu zero و اماكن الشراء ام تنصحوني بالترومان ؟
بالنسبه **** اعتقد انه لن يحتاج سرعه اعلي من 4 ميجا الموجودة عندي حاليا

[Hero125]

انا افضل رسيرفر به جي شيرنج

[kalmat_2000]

نصيحه خليك فى نوعين vu+solo او dreambox متخليش حد يقنعك باى كلام وخلاص bmw و Mercedes عربيات وكمان البيجو والفيات والعربيات الصينى

[التركي]

vu zero رائع في كل شئ هو هو الفيو سولو طبعا .. الامير في عائلة الانيجما 2 حاجات عالية زي فيو دو وزي فيو سولو 2 وزي فيو فور كي ودي حاجات اميز عن الزيرو فقط في السرعه والرامات والمساحات .. لكن هي هي الصور الي بيتنزل وهي هي الايموهات وهي هي البلوجنز .. باختصار دا جهاز ممتاز ونازل تقريبا للناس الي زي حالتنا جهاز ممتاز بسعر يعتبر معقول .. سعره تقريبا من 1900 الي 2200 وابحث حضرتك في جوجل عن وكيل مالتميديا في مصر الجديد .. وللاسف الموقع بيمنع من ذكر مواقع فمش هقدر اكتب موقعه ... وحضرتك خد كلامي ثقة لانه من واقع تجارب من 15 سنة متواصلة .. وبعد تجربتي حتي لجهاز دريم بوكس 800se الفيو زيرو افضل منه الف مرة ... وزي ماوضحت لحضرتك عائلة الفيو والدريم بوكس لا يعلي عليها الفرق في الموديلات رامات وسرعه معالجات وساعات سواء داخلية او خارجية ... لكن جودة الصورة الثبات الخ واحد لان الصور واحدة وطبعا حاليا ... في صور زي vti شئ جميل وصور كتير واجهزة ممتعه .. وتقبل تحياتي

[hazzuma]

يعنى الوكيل لكلا الجهازين،واحد،،،(الفيو والدريم)،،،مش كدة؟ تحياتى

[Mr.HeRo]

الوكيل او الموزع المعتمد من التوكيل واحد ل dreambox و vu plus مش في مصر بس في كل حته
الأسعار في مصر تكاد تصل للضعف او اكتر وده بدون اسباب منطقية ( للأمانة في موزعين رسميين بردو في دول تانيه بيبيعو بأسعار خرافيه زي السعوديه مثلا)
مثلا vu plus zero سعره الرسمي 120 يورو ( تنزل ل 100 بدون ضريبة ال VAT) بيتباع في دبي في التوكيل ب 550 درهم .. بكام بقى هنا في ام الدنيا؟!! ب 2075ج قيس بقى على كده كل الموديلات لل dreambox وال vuplus والتوكيل اوقف البيع كمان مؤقتا لرفع الأسعار لزيادة الجمارك

الخلاصة.. هتعرف تجيب من بره طبعا هات vu plus zero او soloSE v2 dual tuner أغلى ب 50 يورو بس من ال zero... انما 4K دلوقت مش وقتها ومش هتستفيد منه في حاجه حاليا فعلا

Sent from my Nexus 6P using Tapatalk

[ahmed_g67]

أخيراُ،،،،،
فى ناس هنا تفهم الفارق بين أجهزة dreambox و vu plus
و كل الأجهزة الأخرى المذكورة هنا بالمنتدى