ساعدونى بالله عليكم فى روتر تى اى داتا

البرنـــس · #1 2016/04/30, 05:42 PM

جايب نت من تى اى داتا الحرارة شغاله تمام الروتر بقا يشتغل دقيقه ويفصل 5 بمعنى غير مستقر اتصلت بالشركة قالولى عندنا تمام والسنترال كمان النت تمام ومش عارف اعمل ايه ياريت حد يقدر يساعدنى ويقولى اعمل ايه بالله عليكم

م.ربيع عيد · #2 2016/04/30, 11:42 PM

طيب اخي الفاضل
برجاء التوضيح التالي
هل لمبه الdsl بتثبته دقيقه وبعدين بتفصل تاني وبترجع تثبت بعد 5دقائق
لوكان كده فعلا"
يبقي تابع معي
1/ اتاكد من ان خط التليفون الارضي لايوجد به وصلات كتيره ويكون الخط رايق بدون مايكون فيه تشويش
2/ لوكان الخط الارضي رايق ومفيش اي شوشره فيه
يبقي اتاكد من سلامه الاسبليتر اللي هو ذي مافي الصوره التاليه

لو كده حاول انك توصل الرتر مباشره من الخط التليفون الارضي الرئيسي والغي الاسبليتر
وشوف ايه اللي هيتم
متابع معاك

ahmedmedooo · #3 2016/05/01, 12:08 AM

الله ينور اخى الكريم ربيع كلام سليم 100%

م.ربيع عيد · #4 2016/05/01, 12:27 AM

اقتباس:

المشاركة الأصلية كتبت بواسطة ahmedmedooo

الله ينور اخى الكريم ربيع كلام سليم 100%

وعليك اخي الغالي

البرنـــس · #5 2016/05/01, 09:50 AM

انا موصله مباشر من غير اسبليتر ولا ارضى الحرارة للروتر بس استقر من الساعه 10 بليل امبارح بعد ماشتمتهم فى التليفون بالشركة لانى ليا 9 ايام من غير نت وحسابهم واخدينه

_محمد خلاف_ · #6 2016/05/01, 10:34 AM

اخى برنس فية ملحوظة احب تعرفها وهى
انك تأخد خط النت من خارج البيت طبعا حضرتك مشغل عدة تليفون فى البيت
واى شخص يقوم برفع السماعة يفصل عندك النت
وانا افضل تاخذ وصلة للروتر من خارج المنزل

البرنـــس · #7 2016/05/01, 11:25 AM

انا عامل كده فعلا من الكابينه للروتر ولكن لما باحتاج مكالمة او حاجه باحط التليفون

فــــــــــرج باشــــــــــا · #8 2016/05/01, 11:40 AM

اتأكد من سلك التليفون لو السلك سليم ومفهوش توصيلات
يبقي ارجع للشركة اديهم بالجزمة او روح الفرع اعمل معاهم مشكلة
واعملهم محضر اوجع دماغهم هيلحو المشكلة

ابوعنان · #9 2016/05/01, 11:45 AM

هات واحد من السنترال عندك فى البيت يشوف الكابينه
عندك ويختار خط سلك نضيف لحضرتك بدون
وش او صوت فى السماعه وطبعا اظبطه
20 جنيه ولا حاجه انا بعمل كده
وكمان روح شوف عليك
فاتوره او حاجه
ومتابعين معك
كلنا بالتوفيق

البرنـــس · #10 2016/05/01, 01:49 PM

هههههههههههههههه كده كده باظبطه وفعلا لما باتصل بيبقا فى وش فى التليفون وماعليش فواتير لانت ولا تليفون كله متسدد والحمد لله

_محمد خلاف_ · #11 2016/05/01, 10:08 PM

اخى لو تحب تستعمل سلك تليفون للحرارة
افضل نوع السويدى ممتاز جدا وهو عبارة عن سلك نحاسى من الداخل
غير السلك الموجود بالسوق مضروب وبالداخل سلك فضى

م.ربيع عيد · #12 2016/05/01, 10:39 PM

في البدايه متابعه ممتازه من اخواني واساتذتي الغاليين
ا/محمد خلاف
ا/فرج باشا
واخي واستاذي
ابوعنان
واضافه بسيطه
بالنسبه للاخ صاحب الموضوع
الواضح من كلامك اخي

اقتباس:

المشاركة الأصلية كتبت بواسطة البرنـــس

هههههههههههههههه كده كده باظبطه وفعلا لما باتصل بيبقا فى وش فى التليفون وماعليش فواتير لانت ولا تليفون كله متسدد والحمد لله

ان خط التليفون فيه مشاكل والافضل
انك تروح للسنترال علشان يضبطو خطك لان كده شركه النت ملهاش دعوه
المشكله في خطك نفسه انه مش رايق وفيه تشويش
وبالتوفيق

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ازاى اخد نت من روتر اتصالات الى روتر تى داتا عن طريق الواير لس لاعادة البث بدون توصيل سلك عشان البيت كبير ومش واصل عندى	my love	قسم الروترات - Routers	7	2020/04/27 04:22 AM
ممكن طريقه الصحيحه ربط من راوتر تى داتا الجديد الى روتر تى داتا 532E	محمود احمد الجيزاوي	أجهزة إرسال وإستقبال الإنترنت	2	2020/03/25 08:57 PM
ممكن سوفت روتر تى داتا hg532n السوفت بتاع شركت تى داتا	اسلام مدكور	أجهزة إرسال وإستقبال الإنترنت	3	2019/03/27 09:45 AM
ساعدوني بالله عليكم ياعمالقة المنتده العظيم ورمضان كريم عليكم	اسلام شوقى	أرشيف قسم كيوماكس 999 و هيروشيما و باراكليبس و فيجا و فانتوم	4	2015/07/01 02:41 AM