[محمود رشوان]

يا جماعه الخير مش عاوزين ندفن رؤسنا في الرمال ونعمل زي جمهور الزمالك في السنوات السته الماضيه ونرمي كل شيئ علي شماعه التحكيم..لازم نعترف ان الزمالك يستحق الدوري الموسم ده رغم انه مش فريق سوبر وبه العديد من العيوب والثغرات لاسيما في الدفاع ووسط الملعب..لكن اللي فرق معاه:مدرب رغم قله خبرته واخطاؤه الفادحه احيانا الا انه مغامر وجرئ ورسخ في نفوس لاعبيه الفكر الهجومي بما يليق بفريق ينافس علي بطوله--ثانيا خط هجوم قوي يضم اكثر من مهاجم صريح حتي مع التحفظ علي مستوي بعض عناصره الا ان اي واحد فيهم يقدر يخلص في اي وقت واقل واحد فيهم قد لانمتلك في الاهلي ما هو في مستواه--ثالثا لاعب فايق جدا واصبح اكثر تركيزا وتأثيرا وخبره وهو شيكابالا ..

في المقابل فريقنا الاهلي ممزق بين مدرب فقد ظله وفقد اهم مميزاته وهي الجرأه والمغامره..لدرجه ان الفريق معه اصبح يدافع مذعورا امام فرق مثل الجونه ودجله والاتحاد..ولجنه كره تركت الفريق بلا خط هجوم حقيقي.. تركت مجموعه من الاشباح امثال اسامه حسني وفرانسيس وغدار وطلعت بعدما كان هجوم الاهلي يضم افضل مهاجمين في افريقيا متعب وفلافيو..حتي اصبح معدل التهديف اقل من فرق في وسط ومؤخره الجدول لاول مره من فتره طويله..اصبح فريق الاهلي عباره عن مجموعه من اللاعبين شطبوا كوره ..ولاعبين شبعوا كوره ويلعبوا بأسمائهم ..ولاعبين لا يصلحون لمجرد المرور بجوار سور النادي اساسا..ومجموعه من الشباب الواعد حظهم العاثر انهم ظهروا في وقت الفريق فيه في اسوأ حالاته..

في النهايه هناك مقوله اصدقها جدا:الفريق الاقوي هو الذي يستفيد من اخطاء التحكيم لصالحه..وبدايه العلاج الصحيح للاخطاء هي الاعتراف بها وعدم انكارها..بالتوفيق للاهلي في ما هو قادم

[مـنـعـم امـبـابـى]

المشاركة الأصلية كتبت بواسطة محمود رشوان

..لازم نعترف ان الزمالك يستحق الدوري الموسم ده رغم انه مش فريق سوبر

انت كده جبت من الاخر

[منصوراوى]

لو كدا الفريق الوحيد الذى يستحق البطوله هو اتحاد الشرطه

[السيدعبدالعزيز]

ولكن اداء الزمالك ايضا فى صعود وهبوط .

[mostafa01]

شكرا اخى محمود على تحليلك ...أجمل مافى هذا الموسم أن المنافسة مشتعلة حتى خط النهاية بصرف النظر عن الفائز بالبطولة ولكن هذا اجمل ما فيها

[ZIKA_BEBO]

استاذ رشوان حضرتك راجل محترم جدا بالفعل وانا لو زملكاوى انا اخاف من اللى زى حضرتك لان الاصلاح بيجى بطريقتك اما الهتيفة والمتبرمجين دول بيبقو مصلحة للفرق التانية ومن رد الاستاذ مصطفى احط خط تحت كلمة المنافسة مشتعلة والسبب دايما واحد حسام حسن الاسطورة

[ايمن حماد]

تسلم ايدك ياغالى تحليل اكثر من رائع

رغم اعتقادى ان البطولة مازالت فى الملعب