[ابو شادى]

ايهما أسعد البنت ولا الولد ؟؟




البنت بتتكلم براحتها فى التليفون وأبوها أو جوزها هو أللي بيدفع الفاتورة

فى الأخر





البنت مش ملزمة تجهز نفسها أبوها أو البيه (خطيبها) هم أللي هايدفعوا دم

قلبهم





مفيش حد بيبص على بدلة العريس كله بيبص على فستان العروسة





لو واحدة عملت مخالفة وعيطت شوية للضابط هايعديلها لو راجل هاياخد على

دماغه



لو واحدة ماأدتش قرايبها عيديه مش هايقولوا عليها بخيلة هايقولوا أصل

العيب على جوزها





لو واحدة أتأخرت على المحاضرة ممكن الدكاترة يدخلوها لو ولد هايقولوا روح

يابابا كمل نوم بره فى الشمس





لو حصل زعل بين البنت وباباها مش هايطردها برة البيت ...وهى بس يادوب

تعيط شوية وبابا هايروح يصالحها على طول .... أما الولد فيدوب يلحق

مكان ينام فيه جنب البواب










دلع البنات :

ياختى كميلة ( سنتين)

ياعسولة ( 5 سنين )

ياعروسة ( 12 سنة)

ياقمر ( 18 سنة )

يا هانم ( 40 سنة)

يا أم العيال ( 50 سنة )

يا ست الكل ( 60 سنة)





دلع الولاد :

أنت ياد ( 10 سنين )

أنت ياشحط بقيت طول الباب ( 18 سنة)

يا راجل ( 40 سنة )

ياعم الحاج ( 50 سنة)

ياراجل يا عجوز مناخيرك أد الكوز ( 60 سنة)

[myson]

يسعدنى ان اكون اول من يرد على موضوعك سيدى على هذة اللفتة الجميلة والحقيقية فى نفس الوقت عن السيدات
هكذا هم دائما ولابدان نحترم عقليتهم وننفذ اوامرهم ( خلقن من ضلع اعوج___________________) كما اوصانا بهم الرسول صلى الله علية وعلى الة وسلم اجمعيين الى يوم يبعثون لحظة توديعة الحياة فقال علية الصلاة والسلام ( الصلاة وما ملكت ايمانكم )
تحياتى

[ابو شادى]

المشاركة الأصلية كتبت بواسطة myson

يسعدنى ان اكون اول من يرد على موضوعك سيدى على هذة اللفتة الجميلة والحقيقية فى نفس الوقت عن السيدات
هكذا هم دائما ولابدان نحترم عقليتهم وننفذ اوامرهم ( خلقن من ضلع اعوج___________________) كما اوصانا بهم الرسول صلى الله علية وعلى الة وسلم اجمعيين الى يوم يبعثون لحظة توديعة الحياة فقال علية الصلاة والسلام ( الصلاة وما ملكت ايمانكم )
تحياتى

شكرا لك حبيبى على مرورك

[محمد اسكندر]

تسلم الايادى استاذنا الفاضل

[ابو شادى]

المشاركة الأصلية كتبت بواسطة محمد اسكندر

تسلم الايادى استاذنا الفاضل

[السيدعبدالعزيز]

انت رائع ...
شكرا لك .

[maria111]

طبعا كلكم موافقين علشان انتم رجاله وحسين بالظلم بس الزمن اللى احنا فيه صعب شويه مش بالسهوله دى لو الواحده مشتغلتش علشان تجهز نفسها او حتى على الاقل تساعد مش هتتجوز

[الكومى]

هههههههههههههههههه


جميله جدا جدا جدا


بس البنات انا احبها اكثر

لانها حبيبة ابوها


جميله جدا اخى / ابوشادى

[اميرة بكري]

لو السؤال علي اساس المكتوب طبعا تبقي البنت اسعد من الولد اما لو السؤال بنظرةاعمق يبقي العكس نبدا من الولادة اغلب الناس بتفرح اوي لما تعرف ان المولود ولد ويا سلام علي الدلع الي بتدلعة ام الولد من حماتها وحماها يكبر الولد وهو في نظر ابوة هو الي ها يشيل اسمة ويخلد زكراه دة علي اساس ان البنت بتتكتب باسم امها وبنظرة سريعة نوصل لما يجي يتجوز لو الولد ما اتجوزش عادي جدا في نظر المجتمع هو اللي مش عايز اما لوبنت ما اتجوزتش تبقي عانس وفاتها قطر الجواز وحالها لايسر عدو ولاحبيب والولد لة حق الاختيار المطلق لشريكة حياتة وبالذات اليوميين دول دي لا علشان طويلة ودي لالادي قصيرةو دي عندها لدغة في حرف الية اما البنت دايرة اختيارها محدودة علي اساس الي بيتقدمولها واحيانا بتختار احسن الوحشين والتعبير دة سمعتة من بنات كتير الولد بيتجوز عن اقتناع تاما اما البنت ممكن تتجوز بنصف اقتناع لعتبرات كتير منها السن وخوفها من نظرة المجتمع ليها لو هي ما اتجوزتش لو الولد اتجوز ومراتة طلعت من الاشرار ولقدر اللة طلق عادي اما لقب مطلقة للبنت يبقا زي وصمة قبيحة وانتو عارفيين نظرة المجتمع لست المطلقة شكلها اية حتي لو كان طلقها لاسباب قهرية لو الولد ما خلفش ما حدش بيسالة انت ما خلفتش لية بيسالو مراتة انت ما بتخلفيش لية انت خيبة كدة لية مش تروحي تكشفي ما فيش حاجة جديد لا دا احنا نجوز جوزك وعمركو قريتم وصايا للزوج لكي يسعد زوجتة ابد ا كلة كيف تسعدين زوجك عشر وصايا لاسعادزوجك كيف تكونين المراة السوبرومن كيف تكونيين المراة الهلوبةالتي تفعل كل شيي وهي تبتسم ابتسامة البلهاء يعني تخرجي الصبح للشغل وترجعي تكنسي تمسحي تغسلي تسكتي الولاد ووعي ما تعمليش الاكل قبل جوزك ما يجي من الشغل لانة ها يقولك انت اعدة طول النهار بتعملي اية طبعا بتلعبي بلاي استيشن ووعي اوعي ماتقبلهوش بضحك وابتسامة يبقي الولد اسعد ولا البنت وعلي العموم التنيين حلوين وربنا يجعل الولد والبنت وكل الناس سعداء في كل حياتهم فالسعادة شيئ جميل نسال اللة ان يرزقنا ايها

[prifix]

ههههههههههههههههه

[مجمع صحارى]

ايه احنا هنعمل فتنه مع الولد والبنت احنا جاين نهدى النفوس هههههههههههههههه

[maria111]

تمااااااااااااااام يا اميره الله ينور عليكى هم شايفين الموضوع من الظاهر فقط

[NERMEN]

هههههههههه عجابنى اوى دلع البنات والولاد