[bisotiger]

السلام عليكم ورحمة الله

انا من المطرية القاهرة ......وعندى طبق متر بريفكس وعندى عدستين عايز اظبط عدسة للاوروبى وعدسة لليوتلسات 16شرق

وجبت فنى معرفش يركب القمرين مع بعض يا أما ده يشتغل ..يا أما التانى يشتغل كويس لكن الاتنين مع بعض مستحيل فعدنا 6 ساعات من 6 باليل الى 12 باليل وتعبت وقولتله خلاص مش عايز اركب حاجه

بعديها بيوم قعدت ادور على فنى تانى .....قلى دول سهلين جدا يركبوا مع بعض
قالى هجيلك بكره....جه بكره قالى معلش خليها بعده ....جالى فعلا بس من غير شاشة صغيره يظبط بيه القنوات ....أومال جاى ليه ...قالى اصل الفنى كانت مع شاشة وكسرها
هجيب واحده بكره واجيلك ....انتظرت لبكره ....قالى معلش بكره تانى على انهارده يعنى ...ولسه مجاش لغايت دلوقتى

الخلاصة ياشباب انا اتعقدت ومش عارف اتصرف ازاى ...أغيثووووووووووووونى

[المهندس/احمد جمال]

تابع هنا

http://www.masrawysat.com/vb/showthread.php?t=2433831

[bisotiger]

تابعت وشوفت واتحسرت فى قلبى ع الفنيين اللى بجبهم

للاسف ماليش فى حوار التركيبات

[المهندس/احمد جمال]

المشاركة الأصلية كتبت بواسطة bisotiger

تابعت وشوفت واتحسرت فى قلبى ع الفنيين اللى بجبهم

للاسف ماليش فى حوار التركيبات

طب خليه يشوف تركيبه وينفذها بالضبط

[bisotiger]

ورتله فيديو لواحد بيركب الاقمار دى ع طبق متر

خادته الجلاله وقالى انا ركبته قبل كده

هى المطرية للدرجة دى مفهاش حد بيفهم

[hazzuma]

وكأنك تتحدث عنى يا أخ بيسو،،،لست وحدك يا غالى فى هذا الموال،،،فالمهنة أصبحت ملئية بالعاهات،(بدون زعل طبعا من الفنيين المحترمين، ، ،أتحدث عن النماذج السيئة فقط)،أخوك، جارك فى عين شمس،بس على فكرة لو تابعت موضوعات القسم،هتتعلم كتير،،،أنا بدأت ،على خفيف، تحياتى

[new_man2010]

انا نفس الشئ ..... بس طبقت الفيديو الاتى واستطعت تركيب القمرين ... السنتر هو اليوتلسات وعدسه هوتبيرد

https://www.youtube.com/watch?v=y1So7ooOxnE

[المهندس/احمد جمال]

ابدء بنفسك واتعلم وابدء نفذ على طبقك

[hazzuma]

انا المفروض يجينى فنى انهاردة،،،لعمل حاجة بسيطة،كان ممكن اعملها أنا،لكن ماينفعش( عشان ظروف التركيب هنا والطبق متر بسور سطح عمارة عالية مجاورة لينا ومفتاح سطح وبواب وكدة),,,وهقولك،إذا كان الفنى،،،،موهوب ولا موهوم،،،دعواتك

[Voda]

المشاركة الأصلية كتبت بواسطة bisotiger

السلام عليكم ورحمة الله

انا من المطرية القاهرة ......وعندى طبق متر بريفكس وعندى عدستين عايز اظبط عدسة للاوروبى وعدسة لليوتلسات 16شرق

وجبت فنى معرفش يركب القمرين مع بعض يا أما ده يشتغل ..يا أما التانى يشتغل كويس لكن الاتنين مع بعض مستحيل فعدنا 6 ساعات من 6 باليل الى 12 باليل وتعبت وقولتله خلاص مش عايز اركب حاجه

بعديها بيوم قعدت ادور على فنى تانى .....قلى دول سهلين جدا يركبوا مع بعض
قالى هجيلك بكره....جه بكره قالى معلش خليها بعده ....جالى فعلا بس من غير شاشة صغيره يظبط بيه القنوات ....أومال جاى ليه ...قالى اصل الفنى كانت مع شاشة وكسرها
هجيب واحده بكره واجيلك ....انتظرت لبكره ....قالى معلش بكره تانى على انهارده يعنى ...ولسه مجاش لغايت دلوقتى

الخلاصة ياشباب انا اتعقدت ومش عارف اتصرف ازاى ...أغيثووووووووووووونى

نفس الموضوع حصل مع اخويا في الجيزة وجاب 3 كل واحد بيقول كلام شكل واخر ما زهقت ظبطت انا الاوروبي وجيبت جمبه يوتلسات والهيسباسات استقبلته بسهولة بدأت احس ان فنيين التركيبات حاليآ هو مش كلهم طبعآ شغالين كده وخلاص وملهومش فيها

[Kareem Mamdouh]

علم نفسك بنفسك الموضوع سهل جدا انا اتعذبت زيك كدا ومن خلال المنتدى اتعلمت وبقيت بركب اى قمر الحمد لله

[hamadasat96]

المشاركة الأصلية كتبت بواسطة hazzuma

وكأنك تتحدث عنى يا أخ بيسو،،،لست وحدك يا غالى فى هذا الموال،،،فالمهنة أصبحت ملئية بالعاهات،(بدون زعل طبعا من الفنيين المحترمين، ، ،أتحدث عن النماذج السيئة فقط)،أخوك، جارك فى عين شمس،بس على فكرة لو تابعت موضوعات القسم،هتتعلم كتير،،،أنا بدأت ،على خفيف، تحياتى

والعاهات دي ال بوظت الشغلة دي
وكله ع حسابنا احنا
انت ال تشيل قرف الشغلانة
وف الاخر يقولك ليه
ده انا بركبه كله ب25 جنيه
علي قد ما الشغلة باظت علي قد ما في ناس حلال فيهم

[mettoo]

ياخى والله من سنتين مكن يعرف القط حتى النايل سات
ودلوقتى بقت كل حاجاه سهلة
ـــــــــــــــــــــــــــــــــــــــــــــــــ
كن بيجيلى اوقات اطلع وانزل من على السطح كل يوم بالريسيفر والتليفزيون ووصلة الكهربا
ــــــــــــــــــــــــــــــــــــــــــــــــــ ـ
فعلا ابدأ بنفسك وحاول واغلط عادى هتلاقيك بقيت احسن من الفنيين

[abomezo]

اما بشوف الفنين المبدعين اللى على المنتدى هنا كنت بتمنى حظى يقع مع حد محترف حتى لو كان غالى بس يعملى اللى فى دماغى بس لاسف حظى كان بيبقى مع اللى اخرهم نيلسات بس بدات اعتمد على نفسى و خدت الموضوع كهوايه و اشريت طبق متر للتجارب و كل ما يكون الجو حلو اطلع اجرب اللقط قمر جديد اه بيطلع عينى بس بدات اتعلم و الموضوع يبقى سهل

[احمد محمود عبد العاطي]

المشاركة الأصلية كتبت بواسطة hamadasat96

والعاهات دي ال بوظت الشغلة دي
وكله ع حسابنا احنا
انت ال تشيل قرف الشغلانة
وف الاخر يقولك ليه
ده انا بركبه كله ب25 جنيه
علي قد ما الشغلة باظت علي قد ما في ناس حلال فيهم

عندك حق انا كمان مشوي من العاهات واللي عاملين انفسهم اساتذة

العاهه اللي جالي للاسف مش عارف يربط مسامير الطبق صح

وضيع اشاراته وعامل نفسه حكايه

منه لله وحسبي الله ونعم الوكيل فيه

عارف ليه عاهات علشان متعلموش من اساتذة ومشرفين مصراوي سات