تقييمى بالفيديو لكارت TeVii S662

نۨــٰا̍صــر ؏ــڶــۍۧ · #1 2017/05/15, 01:22 AM

أهلا بكم اخوانى الكرام
انا حبيت اعرض لحضراتكم تجربتى مع كارت TeVii S662
مع وضع فيديو لسرعة التنقل بين القنوات والأقمار

مزايا الكارت

الكارت يعمل بدون مشاكل نهائيا مع الدايزك
التنقل بين القنوات والاقمار بدون اى مشاكل
صوره فى منتهى النقاء

ولكن هناك عدة ملاحظات يجب أخذها فى الأعتبار

أولا
لا يجب تعريف الكارت من الأسطوانه المرفقه
لأنها تفقدك بعض الترددات بل يجب تعريفه من التعريف الذى فى المرفقات

ثانيا
لو واجهتك بعد تعريف الكارت وتشغيله ان الجهاز احيانا لا يقرأ الكارت
او ان الصوره بتقف فجأه مع تشغيل اى جهاز كهربائى فى المنزل
فورا عليك بتغيير الوصله التى تصل الكارت بالجهاز
لأن هذا الموضوع حدث معى وقمت بتغيير الوصله وانتهت تلك المشكله
بل ان الوصله الجديده ادائها أفضل بكثير من الأصليه
واللى بيسأل عن أسمها
الوصله أسمها وصلة mp4
بس تكون من الأصليه اللى سلكها عريض يعنى محمله
والصوره دى هى اخت الوصله اللى انا جبتها بالظبط
هى أقصر فى الطول من الأصليه بس أدائها ولا أروع

رابعا
ودى مشكلة شفت ناس هنا بتتكلم فيها ان فيه قنوات مش بتنزل عند البحث
برغم ان اشارتها كويسه على الرسيفر
والحل
ان الترددات دى لازم تبحث عنها بمفردها
لأن قنواتها لن تنزل أثناء البحث عن القمر
بل ستنزل عند البحث عن التردد بمفرده
زى تردد 11487
دا خاص بباقة Eleven Sports HD
على الاوروبى
وأيضا تردد 11411 العنيد الخاص بباقة
CANAL+ FAMILY HD
على ألأوروبى

نتكلم بقى عملى
ونشوف القنوات فعليا من على جهازى
انا عندى ثلاث أقمار
أوروبى (سنتر )
استرا 19.2
نايل سات

طبق 80 برفيكس
عدسات عاديه
وانا اللى مركب الطبق بنفسى
الويندوز 10

دا فيديو من داخل برنامج تشغيل الكارت
وانا النسخة اللى عندى اللى شغال بيها
DVBVIEWER 5.1
هنشوف اداء الكارت
فى التنقل بين القنوات و الأقمار
وتشغيله للقنوات وخصوصا
القنوات الــ HD
وسرعتة فى فتح القنوات المشفره
والسيرفر المستخدم ***** سيسكام مدفوع من ******* المنتدى

وهسيب تقييم اداء الكارت نفسه لحضراتكم

أرجو ان أكون أفدتكم من خلال تجربتى مع هذا الكارت الرائع
وانا تحت أمركم فى اى استفسار

البلعوطي · #2 2017/05/15, 02:03 AM

تسلم ايدك يا استاذ مهيب
انا عندي نفس نوع الكارت وشغال كويس الحمدلله بعد عناء مع البرامج
انا بس عندي سؤال واحد واتمني انه يكون في نفس ثياق الموضوع عشان مبوظش الموضوع بتاع حضرتك بس انت قولت اللي عنده سؤال يقوله
انا مشكلتي اوقات كتير بتكون فيدات بجي ابحث بيجيب اشاره واعمل سكان مفيش قناه بتنزل ياتري دي مشكله ايه في الكارت
هل دي مشكله تعريف مع العلم ان انا لما ببحث عن قنوات ثابته في الاقمار بتنزل وخصوصا مع الفيدات الليمعدل ترميزها 4 ارقام مش 5
اتمني تكون قابلت الحكايه دي عشان انا عندي طبق متحرك وبجيب اقمار 7 و 10 ودول اقمار فيدات
شاكر لحضرتك

البلعوطي · #3 2017/05/15, 02:32 AM

معذره اخي انا جربت حاجه دلوقتي كمان ان انا جيت ابحث علي قناه علي قمر 10 معدل ترميزها 4 ارقام وبرده جابت اشاره وعند البحث منزلتش
ودي قناه ثابته مش فيد
تقريبا زي ما قولت لحضرتك في مشكله في معدل الترميز اللي هو مكون من 4 ارقام ولحد دلوقتي مش لاقي حل مع اني دورت كتير واستنيت حد يفدني بس موصلتش للمشكله ايه
اتمني تكون عارف ده من ايه
شكرا يا غالي

نۨــٰا̍صــر ؏ــڶــۍۧ · #4 2017/05/15, 02:39 AM

اقتباس:

المشاركة الأصلية كتبت بواسطة البلعوطي

معذره اخي انا جربت حاجه دلوقتي كمان ان انا جيت ابحث علي قناه علي قمر 10 معدل ترميزها 4 ارقام وبرده جابت اشاره وعند البحث منزلتش
ودي قناه ثابته مش فيد
تقريبا زي ما قولت لحضرتك في مشكله في معدل الترميز اللي هو مكون من 4 ارقام ولحد دلوقتي مش لاقي حل مع اني دورت كتير واستنيت حد يفدني بس موصلتش للمشكله ايه
اتمني تكون عارف ده من ايه
شكرا يا غالي

اهلا أخى الفاضل
للأسف انا مجربتش الفيدات على الكارت فلن استطيع افادتك
وبالنسبه للترددات التى ستبحث عنها بمفردها هى الترددات اللى شغاله
على الرسيفر وبتنزل قنواتها عليه ولا تظهر عند البحث على الكارت

kareka20 · #5 2017/05/15, 03:02 AM

موضوع ميل جدا تسلم ايدك

kareka20 · #6 2017/05/15, 03:04 AM

موضوع جميل جدا تسلم ايدك

♥MR.IbRaHiM♥ · #7 2017/05/15, 03:11 AM

موضوع مفيد تسلم ايدك

♥MR.IbRaHiM♥ · #8 2017/05/15, 03:19 AM

اقتباس:

المشاركة الأصلية كتبت بواسطة البلعوطي

معذره اخي انا جربت حاجه دلوقتي كمان ان انا جيت ابحث علي قناه علي قمر 10 معدل ترميزها 4 ارقام وبرده جابت اشاره وعند البحث منزلتش
ودي قناه ثابته مش فيد
تقريبا زي ما قولت لحضرتك في مشكله في معدل الترميز اللي هو مكون من 4 ارقام ولحد دلوقتي مش لاقي حل مع اني دورت كتير واستنيت حد يفدني بس موصلتش للمشكله ايه
اتمني تكون عارف ده من ايه
شكرا يا غالي

يا استاذي الفاضل احنا اتكلمن في مشكلتك دي اكتر من مره
لدرجه انه يمكن واصلك احساسي دلوقتي

عموما
هعيدلك الكلام تاني وارجع لموضوع علشان تفهم الخطوات كويس
انت مشكله محصوره في التعريف بتاع الكرت
اولا
لو انت عندك التعريف محفوظ علي جهازك لازم تغير مكانه دي اول حاجه
لو انت معرف مثلا من الاسطوانه او مسحت التعريف مسبقا يبقي خلاص

ثانيا
هتفتح الديفايس مانجر من جهاز وانا بعتلك شرح للطريقه
وبعتلك صوره للمكان اللي هتلاقي فيه الديفاس بتاع الكرت
هتمسح منه التعريف القديم نهائيا
وبعدها الجهاز هيعمل ريستارت
افتح الجهاز اذا لاقيت الكرت اتعرف تلقائي يبقي التعريف بتاعك لسه موجود ومتمسحش
وخلي بالك من النقطه اللي جايه دي
( لو مش هتعرف تمس التعريف بالكامل من الويندوز غير النسخه افضل )

ثالثا
بافتراض انك مسحت التعريف بنجاح
هتفتح الديفايس مانجر تاني بعد الريستارت
هتلاقي اسم الكرت موجود وعليه مثلث اصفر
هتعرف الكرت زي الشرح المرفق في موضوعك علي طريق الديفايس مانجر
بالتعريف بتاع تشغيل معدل الترميز اربع ارقام

لو عملت الخطوات دي صح
100% الكرت بتاعك كدا يشتغل زي الفل
وعن تجربه فعليه مش كلام وبس

kareka20 · #9 2017/05/15, 04:42 AM

اقتباس:

المشاركة الأصلية كتبت بواسطة ♥MR.IbRaHiM♥

يا استاذي الفاضل احنا اتكلمن في مشكلتك دي اكتر من مره
لدرجه انه يمكن واصلك احساسي دلوقتي

عموما
هعيدلك الكلام تاني وارجع لموضوع علشان تفهم الخطوات كويس
انت مشكله محصوره في التعريف بتاع الكرت
اولا
لو انت عندك التعريف محفوظ علي جهازك لازم تغير مكانه دي اول حاجه
لو انت معرف مثلا من الاسطوانه او مسحت التعريف مسبقا يبقي خلاص

ثانيا
هتفتح الديفايس مانجر من جهاز وانا بعتلك شرح للطريقه
وبعتلك صوره للمكان اللي هتلاقي فيه الديفاس بتاع الكرت
هتمسح منه التعريف القديم نهائيا
وبعدها الجهاز هيعمل ريستارت
افتح الجهاز اذا لاقيت الكرت اتعرف تلقائي يبقي التعريف بتاعك لسه موجود ومتمسحش
وخلي بالك من النقطه اللي جايه دي
( لو مش هتعرف تمس التعريف بالكامل من الويندوز غير النسخه افضل )

ثالثا
بافتراض انك مسحت التعريف بنجاح
هتفتح الديفايس مانجر تاني بعد الريستارت
هتلاقي اسم الكرت موجود وعليه مثلث اصفر
هتعرف الكرت زي الشرح المرفق في موضوعك علي طريق الديفايس مانجر
بالتعريف بتاع تشغيل معدل الترميز اربع ارقام

لو عملت الخطوات دي صح
100% الكرت بتاعك كدا يشتغل زي الفل
وعن تجربه فعليه مش كلام وبس

بكل امانة انت عامل مجهود رائع فى قسم كروت الستالايت الله يباركلك وكل سنه وحضرتك طيب و رمضان كريم عليك

ABOZIAD@AHMAD · #10 2017/05/15, 05:44 AM

مجهود مميز ياغالى

مثبت لفترة

محمود المصري5050 · #11 2017/05/15, 10:56 AM

موضوع مفيد تسلم ايدك

نۨــٰا̍صــر ؏ــڶــۍۧ · #12 2017/05/16, 01:32 AM

شكرا لكل من شرفنى بمروره العطر

البلعوطي · #13 2017/05/16, 01:45 AM

يا استاذ ابراهيم يا سيدي الفاضل انا معرف الكارت من اسطوانه ولما بجي امسحه من الكنترول بانل زي ما قولتلي وعملت ريستارت ودخلت علي الديفايس مانجر وروحت للمكان انا ملقتش التعريف خالص ولا لقيت المثلث الاصفر وعشان كده وقفت لحد هنا ومعرفتش اكمل لو كنت لقيت المثلث الاصفر كنت عملت زي ما قولتلي لكن انا مش بلاقيه موجود اصلا يا فندم
يارب حضرتك تكون فهمتني وبعدين انا الرجل عمل موضوع قولت يمكن يعرف سبب تاني غير اللي انت قولتلي عليه ما انا محتاج اي حد يقولي اي معلومه مش اكتر يا سيدي الفاضل
والرجل قال لو حد عنده استفسار يقول وانا لما كلمتك اخر مره انت سكت ومكملتش كلامك ولا ردك انا مش فاهم انت مشكلتك معايا ايه وهتقولي برده انت بوظت للرجل الموضوع مع ان الموضوع هو نفس نوع الكارت والرجل اتفضل كريما قال اللي عنده استفسار بخصوص الكارت يقول وانا قولت مش اكتر

♥MR.IbRaHiM♥ · #14 2017/05/16, 02:54 AM

من بين كل الكلام الكتير دا اللي حضرتك ذكرته
انت مش واخد بالك اني بحاول اساعدك مساعده صحيحه في حاجه انا واثق منها
وان ملهاش حل تاني

بس للاسف من الواضح انك مش عارف تساعد نفسك حتي بالمعلومات اللي بنضعها بين ايديك
ومن الواضح انك مش عارف تمسح التعريف القديم

الحل النهائي اخي الكريم
غير نسخة الويندوز و متعرفش الكرت خالص من الاسطوانه ارميها
وعرف الكرت بالتعريف المرفق اللي وجهتلك ليه في موضعك عن طريق الديفايس مانجر

البلعوطي · #15 2017/05/16, 04:42 AM

استاذ ابراهيم انا نزلت نسخه ويندوز جديده
اعمل ايه دلوقتي اركب الكارت في اليو اس بي ولا اعمل ايه حضرتك عشان اسطبه مظبوط وانا محطتش ولا اي حاجه لسه
ياريت تقولي الخطوات بس لو امكن

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اريد حل لكارت tevii s662 مع ويندوز 10x64 1903	Eng-Bahaa	تعريفات كروت الستالايت	6	2019/11/28 05:20 AM
هل يمكن تشغيل قنوات 4k لكارت Tevii s662 على هذه الامكانيات	محمد عبدالواحد	كروت الستالايت	2	2017/09/18 10:48 AM
تكملة لموضوع عدم وجود اشارة لكارت Tevii S662 على ويندوز	AHMED BASHER 20	كروت الستالايت	27	2017/05/19 04:59 PM
محتاج ملف اعدادات الريموت لكارت tevii s662	hossam mostafa	كروت الستالايت	1	2015/11/01 02:15 PM
أستفسار بخصوص بروسيسور مناسب لكارت Tevii s662	ELZA3EEMA7MED	كروت الستالايت	20	2015/09/06 02:38 PM