[فارس المصرى]

السلام عليكم
وكل عام وأنتم بخير
عندى مروحتين صينى ستاند فيهم عيب مكرر ( أعنى بيتكرر كل شوية )
وهو
المروحة تكون شغالة تمام لساعات وفجأة تتوقف وتسخن جدا والموتور يزن
أقوم بفكها فأجد الريشة ثقيلة وعند وضع الزيت المعدنى على بداية العمود الدوار تعمل المروحة تماما ويتكرر العطل بعد ساعات
قمت بفك الموتور قبل وضع الزيت فوجدت عند الجلب مادة تشبه الزفت سوداء
وهى التى تعوق الحركة فنظفتها وغيرت الجلبتين ووضعت زيت معدنى فاشتغلت تمام والجلب القديمة تمام مفيهاش أى بوش
إلا أن المروحة بعد ساعات توقفت لنفس السبب وهو وجود هذا الزفت الصمغى مكلبش الجلب فى العمود فمن أين تأتى هذه المادة السوداء ؟؟
وما الحل
والمشكلة دى فى المروحتين
أرجو المساعدة ساعدكم الله

[adm32]

جرب تغير نوع الزيت ممكن تستعمل زيت ماكينة الخياطة وخلى بالك فى انواع من الزيوت بتسيح القطع البلاستيك السوداء على وجه الخصوص ونظف اكس البوبينه كويس باستعال النفط مجرد رأى

[فارس المصرى]

المشاركة الأصلية كتبت بواسطة adm32

جرب تغير نوع الزيت ممكن تستعمل زيت ماكينة الخياطة وخلى بالك فى انواع من الزيوت بتسيح القطع البلاستيك السوداء على وجه الخصوص ونظف اكس البوبينه كويس باستعال النفط مجرد رأى

والله جربت
وزيت الباكم أو زيت الفرامل هو اللى بيسيح البلستيك
وقال لى أحد الفنيين أن المادة السوداء اللى بتكلبش الجلب فى الأكس دى ( من الورنيش اللى على الملفات ) لكن مش عارف أعمل لها إيه

[adm32]

حاول تشغيل المروحة بدون الغطاء الخلفى للماتور مع تركيب الشبكة حتى لايضار احد من ريش المروحة وانظر من اين تأتى المادة السوداء

[فارس المصرى]

المشاركة الأصلية كتبت بواسطة adm32

حاول تشغيل المروحة بدون الغطاء الخلفى للماتور مع تركيب الشبكة حتى لايضار احد من ريش المروحة وانظر من اين تأتى المادة السوداء

هذه المادة مثل الزفت أجدها داخل الجلبة بينها وبين العمود الدوار وبتكون مكلبشة العمود بالجلبة

[فارس المصرى]

سأغير مرة أخرى الجلب بغيرها جرافيت جديدة بدلا من الحديد وأقوم بالتجربة

[فارس المصرى]

فعلا السر فى الجلب الحديد الرديئة
عند تركيب جلب جرافيت المروحة شغالة 100% من إمبارح متواصل
شكرا للجميع