[sico0o]

لو سمحتو ******* المجاني لل h4 h5 ف سوفت مشغل ******* المجاني ولا
انا قدامي h4 , h5
ايه رايكم اجيب ايه والسعر يكون ايه
متكلم معايا ع 250 الواحد واللي اتنين نفس السعر

[shrifstar84]

لو اتش 4 العادى هاتو وبالنسبه للسرفر مفيش سوفت بيجدد السرفر المجانى لكن ممكن الاشتراك فى سرفر سسكام مدفوع أو سسكام مجانى ولو لقيت الجهاز اتش 4 بلص مش العادى حيبقى أفضل من اتش 5 يعنى اتش 5 استبعدو نهائى

[sico0o]

الف الف شكر اخي اشتريته ع 150 الh4 العادي الكبير وحولته لل ماجينيوم وزي الفل وكمان لقيت فيه ***** cccam شغال فتره 3 شهور تقريبا سؤال بس ايه افضل تحويل غير التحويله دي من حيث التايم شيفت

[shrifstar84]

دا أفضل تحويل ياغالى ومبروك عليك الجهاز دا أفضل جهاز كوماكس والتايم شفت على السوفت دا ممتاز جدا انا شغال عليه زى الفل ولو عايز شرح بالطريقة اشرحهالك

[sico0o]

ي ريت علشان انا زهقت من كتر البحث وانا التعامل الاول ليا مع الجهاز ده

[sico0o]

وفي حاجه برضو حاسس ان التيونر بتاعو ضعيف لما فتحتو قولت يمكن ف مشكله لقيت ترنزستر اشاره طبع فلو عندك اي فكره ان ف مشكله ولا الاشاره ضعيفه عندي ولا هوه اللي ضعيف انا بتكلم ع القنوات المشفره

[shrifstar84]

الجهاز من أفضل الاجهزه بالنسبه للإشارة لازم تجرب جهاز تانى لو أمكن للتأكد من ان الاشاره مظبوطه تمام وانا أرجح إن الإشارة هى اللى ضعيفة لكن لاذم تجرب للتأكد

[shrifstar84]

وبالنسبه الاشاره لو موصل بدايزك تجرب مباشر بدونه لأنه ممكن تكون المشكله منه وتتأكد إن السلك تمام مفهوش أى مشكله ومتكونش موصل فى برايز راكبه فى الحائط لكن يكون السلك مباشر من الطبق للرسيفر

[shrifstar84]

بالنسبه للتايم شفت ركز فى الخطوات دى
اولا نوصل الفلاشه بالرسيفر وننتظر حتى يكتب الجهاز القرص الاول جاهزالاول بيكتب تم ادخال القرص ننتظر حتى يكتب القرص الاول جاهز
ثانيا ندخل على الفلاشه ثم نضغط على الزر الازرق اعدادات التسجيل ثوف تظهر الاعدادات نروح على خيار ازاحة الوقت اتوماتيكى نخليه على تشغيل
ثالثا نروح على القنوات القناه اللى عايز تعمل عليها التايم شفت تقلب عليها الجهاز حيكتب بدء ازاحة الوقت
رابعا نضغط على زر بلاى الموجود فوق الزر الاحمر اللى عليه سهم وشرطتين حتلاقى خط فى اسفل الشاشه والجهاز كاتب تشغيل ازاحة الوقت حتضغط على الزر الاخضر توقف الصوره المده المطلوبه حتى يتوافق الصوت مع الصوره ثم تضغط عليه مره اخرى للتشغيل
خامسا الزرارين اللى فوق زر بلاى المستخدمين للتقديم والترجيع على الفلاشه ممكن استخدامهم لو الصوره اتاخرت انك تقدم شويه اوتأخر ولو فى اى سؤال انا منتظر ردك
يبقى شىء اخير اذا كتب الجهاز فشل ازاحة الوقت يبقى المشكله فى ملف القنوات لازم تغيره او بحث يدوى لكن تغييره بملف افضل ومعذره للاطاله

[sico0o]

الف شكر ي عم شريف زي الفل كله تمام

[shrifstar84]

الشكر لله ولو عزت اى حاجه مفيش مشكله