[mm110575]

السلام عليكم ورحمه الله وبركاته

انا عاوز اشتري تليفزيون ال جي عادي موديل 49LJ510V
وسعرة 7900 جنية 49 بوصة

المشكلة ان لما جيت ابحث عن جودة المنتج لقيت ان الناس كلها بتشتكي من شاشات ال جي من ناحية جودتة واخرة سنتين ويبوظ اذا ما خربشي في الضمان وكمان قطع غيارها غالية جدا ومش موجودة
وكمان الوكيل بيقولة علية مش كويس ونصابين

انا عاوز اعرف بالله عليكم يقول رائة في منتهي الامان هل الشاشة كويسة ولا اجيب توشيبا بنفس السعر

ارجو الافادة يا اخوة

[mm110575]

هو مفيش حد هنا ولا اية ؟؟؟؟؟

[تامر مسعد]

حبيبى كل الشاشات يحدث فيها اعطال


سونى ( مافيش ضمان )

lg ( ضمان سنتين )

سامسونج (ضمان سنتين )

توشيبا ( ضمان خمس سنوات ) بس مش عارف سياسة الشركة اتغير ولا لسه خمس سنوات


طبعا انا لما حبيت اشترى جبت توشيبا عشان الضمان

ولكن للامانه هذا هو الترتيب الحقيقى من وجهت نظرى

[bebo606]

استاذي الفاضل / شاشات lg حاليا من أفضل الشاشات في مصر وعن تجربة

شاشات سامسونج كنت بشجعها واعتبرها درجة اولى ممتازة لكن مع التجربة لشاشة
سامسونج full hd وجدت ان الشئء المميز فيها فقط هو نقاء الصورة لكن ما عدا ذلك
الشاشة مش كويسة كمتانة وجودة تصنيع واوبشن ولا يوجد بها مدخل للاريال التليفزيوني

والاهم ان حدث بالشاشة عطل مرتين في خلال سنة وكان العطل في ظهور بقع بيضاء وسوداء في الشاشة وكل مرة يجي المندوب من الشركة ويغير الكرستالة بتاع الشاشة

واخر مرة المندوب نفسه قال لي بيع الشاشة احسن لان لو حدث نفس الاعطال بعد انتهاء الضمان ستدفع اكثر من 2000 جنيه

واتصلت بالشركة لتغيير الشاشة على انها في الضمان قالي لابد من نفس العطل 3 مرات لتغيير الشاشة

المهم بعت الشاشة واشتريت شاشة lg 43 4k شاشة روعة الروعة في كل حاجة تمسك الشاشة تحس انها قوية ومتينة -- الصورة فوق الخيال امكانيات رهيبة فيها سمارت كل حاجه شغالة بالنت بامتياز الحمد لله شاشة فعلا مريحة نفسيا ومعنويا

اما شاشات توشيبا فنصيحة لا تغرك فترة الضمان والله عن تجربة من أسوأ الشاشات في مصر وكان عندي شاشة وبعتها بعد حوالي 4 شهور مش فاكر بالظبط

شاشات توشيبا : صورة سيئة جدا جدا امكانيات أسوأ تحس ان الشاشة تمسكها هتطلع في ايدك الشاسيه بتاعها اوبشن سيئ جدا بصراحة لم اجد فيها اي مميزات

ودا عن تجربة الثلاثة انواع lg --- سامسونج --- توشيبا

وطبعا هتلاقي من يختلف معايا في الرأي ودا طبيعي

تحياتي لحضرتك

[MaHmOuD ZeRo]

انا كنت هجيب سامسونج 49 بوصه
بس لما روحت معرض شاشات
قارنت بين السامسونج و lg
لقيت lg افضل منها فى كل حاجة
مع انى كنت منحاز جدآ للسامسونج

جبت LG 49lj610V
سعرها عامل 9050

ونصيحه منى روح اى مكان بيبيع شاشات
واتفرج انت بنفسك وقارن بينهم