[م / مـحـمـد عـادل]

تحيه طيبة من الاعماق تصحبها كل حب وتقدير لاعضائنا الكرام .

تـــم عمل هذا الموضوع حتى نتعرف على الطريق الاسهل لتثبيت اى موضوع يخص ملفات القنوات وتلاشى الاخطاء المؤدية للغلق .

1- لازم يكون الموضوع له مصداقية .

يعنى لما نكتب ان الملف احدث ملف بتاريخ معين يبقى لازم يكون عندنا كل جديد للتاريخ ده وعشان تعرف ايه الجديد عندك القسم المخصص لكده
هو قسم الأقمار الصناعية و القنوات الفضائية
وممكن تشارك فى القسم نفسه لو تم اكتشاف قناة جديده بمعرفتك .

2- لازم يكون الملف خالى من القنوات الاباحية ماشابه .

يعنى الملف كله مفهوش اى قناة ولا فى الترتيب ولا بره الترتيب
حتى لا تغضب الله كلنا عندنا اطفال واسرة طيبة مينفعش الكلام ده
وتذكر قول الله تعالى
بسم الله الرحمن الرحيم
-- وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ غ– وَلَيُسْأَلُنَّ يَوْمَ الْقِيَامَةِ عَمَّا كَانُوا يَفْتَرُونَ }صدق الله العظيم
ولو تمت المراجعة وظهرت قناة مخالفة هيتم غلق الموضوع .
وياريت ماننساش نحذف القنوات الشيعية المعروفة وخاصتا" القنوات الخاصة بالاطفال مثل (طه -هدهد)

3- الملف العربى لازم يكون عربى بالكامل للقنوات المعروفة الموجوده فى الترتيب و الانجليزى نفس القصة .

يعنى متعدلش القنوات والترتيب وتيجى على التعريب وتكسل يبقى حرام عليك ده احلى ما فى الشغل هو الفنش الاخير .

4- لازم يكون اسم القمر مكتوب باسمه الطبيعى و القنوات المعروفه داخل الترتيب ايضا" .

يعنى مينفعش اسميه على مزاجى
غير اسم القمر هيتم غلق الموضوع ولو عايز تعمل بصمة للملف مافيش مشاكل بس ابعد عن القنوات المعروفه داخل الترتيب خليك فى القنوات التيست .

5- يكون الملف خالى من اى ارقام تليفونات او ايميلات وإيلا يعتبر مخالف ويحذف ويغلق الموضوع و يتم ايقافك .

6- الامانة ودى تحط تحتها 100 خط احمر .

يعنى مينفعش تعدل ملف من واحد وتعمل الموضوع باسمك لوحدك لاء
لازم تكتب تم التعديل من فلان الفلانى داخل الموضوع
وخلى بالك اغلب الملفات بيتم غلها لعدم ذكر اسم صاحب الملف الاصلى

7-عنوان الموضوع يكون خالى من اى اسم .

مينفعش اكتب مثلا " احدث ملف قنوات اهداء لـ محمد عادل او من محمد عادل هـ يتم الغلق .

وللامانة انا عن نفسى بـ ثبت الموضوع للعضو وبـ كون فخور به اكتر منه شخصيا"
ولما بغلق الموضوع بكون حزين لو الملف كان فى غلطة بنسبه له صغيره بس بتكون لنا غلطه كبيره

وتم عمل الموضوع عشان اوضح لحضرتكم ليه بيتم تثبيت الموضوع وليه بيتم غلقه

[وليد جمال5]

ربنا يبارك في حضرتك هو ده الكلام المظبوط وكل عام وانتم بخير

[خميس عسل]

كل عام وانتم بخير

[زيزو ست]

بارك الله فيك

[hamdy altabey]

بااارك الله فيك

[م.محمدابوسيف]

بارك الله فيك أخى الحبيب
وكل عام وأنتم بخير

[ياسر الجمل]

كلا محترم ولازم يمشي علي الكبير قبل الصغير وكل سنه وانتم بخير

[فؤادمراد]

ربنا يبارك في حضرتك

[م عطيه عبده]

بارك الله فيك أخى الحبيب
وكل عام وأنتم بخير

[هلال رشدي]

كلام محترم شكرا لك اخى الغالى

[@أشرف عباده@]

كلامك تمام ولا يوجد تعليق عليه وكل سنه وانت طيب والمنتدى بمناسبة عيد مصراوي سات والعام الجديد ...لك منى ارق الامنيات بدوام الصحه والعافيه.. وجزاك الله خيرا اخي الكريم

[joker202010]

ربنا يبارك في حضرتك هو ده الكلام المظبوط وكل عام وانتم بخير

[ayman.elattar81]

تحياتى واحترامى لشخصك الطيب
وكلامك الجميل استاذ محمد
وياريت اضافه لكلام حضرتك ناخد بالنا من القنوات الشيعيه وبالاخص قناه هدد وطه للاطفال
لانها اصبحت اساسى فى بعض الملفات فى الاونه الاخيره
وكل عام وانتم بخير وصحه وعافيه

[م/احمدسليمان]

كلام محترم شكرا لك

[نبيل ابوالدهب]

ربنا يبارك في حضرتك كل سنه وانت طيب