[ammora]

السلام عليكم و رحمة الله و بركاته
اقتني هذا الجهاز منذ حوالي 4 سنوات و قد عشت معه تجربة اللينكس و الانيجما الممتعة لاول مرة
و كان التهنيج محدود جدا ولكن مؤخرا بدا الكراش و التهنيج يزيد بداعي و بدون داعي
يعني كنت اسيب الجهاز شغال علي قناة مشفرة فترة ارجع الاقيه مهنج من غير كراش (شاشة خضراء)
وحاجات تاني كتير تجنن
وكنت خلاص هتخلص منه و اشوف جهاز جديد و اثناء بحثي عن حل لهذه المشكلة هنا و علي منتديات اخري عرض احد الاخوة فيها تجربته و هي باختصار تغيير احد المكثفات في بوردة الجهاز
تشجعت و فكيت الجهاز و اخذت افحصه فحص دقيق (بصفتي هاوي الكترونيات قديم) حتي وجدت مكثفين منتفخين قليلا
و قلت علي بركة الله غيرتهم و غسلت البوردة غسلةمحترمة بفرشة الاسنان و الصابون السائل ثم الشطف جيدا ثم نصف ساعة في الفرن علي درجة 70 مئوية ثم التركيب و التشغيل بسم الله
و المفاجاة

الجهاز رجع 10/10 و ذلك بعد تركه يعمل حوالي 15 ساعة متواصلة
هذه هي تجربتي المتواضعة (منقولة و لكن بالتجربة الشخصية)
اسف للاطالة و اترككم مع الصورة

[AL MADAYEEN]

الف شكر ليك على المعلومة الجميلة a056-- والمهمة جدا

[AL MADAYEEN]

ممكن حضرتك تقول غسلت البوردة باى سائل والف شكر ليك

[ammora]

المشاركة الأصلية كتبت بواسطة AL MADAYEEN

الف شكر ليك على المعلومة الجميلة a056-- والمهمة جدا

العفو يا باشا

[ammora]

المشاركة الأصلية كتبت بواسطة AL MADAYEEN

ممكن حضرتك تقول غسلت البوردة باى سائل والف شكر ليك

اي صابون سائل من بتاع المواعين
المهم الشطف كويس جدا
و طبعا التجفيف كويس جدا جدا جدا
الفرن عندي فيه مروحة و ده طبعا بيسهل التجفيف جدا
و بالتوفيق يا باشا

[ABOZIAD@AHMAD]

تسلم اخى الكريم على الطرح

[mr.helmy]

المشاركة الأصلية كتبت بواسطة ABOZIAD@AHMAD

تسلم اخى الكريم على الطرح

اعتقد انه وبالمنطق لا اكثر هناك شئ من المبالغة فى هذا الطرح العجيب فتجفيف بوردة بحرارة النار يعرضها لاخطار جسيمة وبدلا من ذلك اعتقد ان المناسب وضعها فى الهواء وبعيدا عن الشمس او ربما لهواء ساخن منبعث من جهاز فرد الشعر مثلا وعن بعد هذا اعتقادى وتقبل اخى العزيز ارق تحياتى

[ammora]

المشاركة الأصلية كتبت بواسطة ABOZIAD@AHMAD

تسلم اخى الكريم على الطرح

شكرا لمرورك يا ابو زياد نورت موضوعي بردك

[ammora]

المشاركة الأصلية كتبت بواسطة mr.helmy

اعتقد انه وبالمنطق لا اكثر هناك شئ من المبالغة فى هذا الطرح العجيب فتجفيف بوردة بحرارة النار يعرضها لاخطار جسيمة وبدلا من ذلك اعتقد ان المناسب وضعها فى الهواء وبعيدا عن الشمس او ربما لهواء ساخن منبعث من جهاز فرد الشعر مثلا وعن بعد هذا اعتقادى وتقبل اخى العزيز ارق تحياتى

اخي العزيز يبدو انك لم تقرا الموضوع جيدا
مين جاب سيرة النار ؟؟؟؟؟؟؟؟؟؟؟؟؟؟؟؟
هو 70 درجة مؤية يعني نار؟
لك مطلق الحرية في تحديد طريقة التجفيف اما يوم كامل في الهواء الطلق او تفضل ماسك السشوار لحد ما البوردة تنشف او لو عندك فرن كهربا تظبط الحرارة و الوقت والمروحة و تريح دماغك
كل واحد و امكانياته ووقته
لكن انا عامل الموضوع علشان اوصل المعلومة اللى اتاكدت من صحتها 100% (حتي الان و لا تهنيجة)
ممكن يكون الطرح عجيب بالنسبة لك او اول مرة تسمع عنه لكن انا دائما استخدم هذا الاسلوب في تعاملي مع كل اللوحات الالكترونية مع التغيير في الدرجة الحرارة (حسب وجود قطع بلاستيكية رقيقة )
و لكن اسمحلي حضرتك خانك التعبير باستخدامك لكلمة مبالغة
لان ببساطة انا جربت و صورت و الدنيا تمام يبقى فين المبالغة
شكرا لمرورك و تقبل تحياتي

[عباده الخياط]

تسلم اخى الكريم على الطرح و تقبل تحياتي

[ammora]

المشاركة الأصلية كتبت بواسطة عباده الخياط

تسلم اخى الكريم على الطرح و تقبل تحياتي

شكرا لمرورك اخ عباده و اتمني الفائدة للجميع

[ABOZIAD@AHMAD]

مثبت لفترة للفائدة

[ammora]

المشاركة الأصلية كتبت بواسطة ABOZIAD@AHMAD

مثبت لفترة للفائدة

مشكور للتثبيت يا ابو زياد و اتمني ان يستفيد اصحاب الاجهزة
بهذه المعلومة و بهذا الطرح

[egmagdi]

برافو عليك طبعا
علشان نريح ناس كتير لازم نقدم تفسير علمي لهذا الموضوع .. المسبب الرئيسي لهذا الموضوع هو ترسب الاتربة داخل الجهاز و يلاحظ ان ترابنا يحتوي نسبة كبيرة من الكربون الذي يعد موصلا للكهرباء و بيترسب بين الوصلات الدقيقة مثل وصلات المعالج و يقوم بتغيير جهود الدخول و الخروج و بالتالي حدوث خلل في عملية المعالجة و فشل الجهاز .. حضرتك صح مليون في المية و التجفيف في الفرن على درجة من 60 الى 70 لا تضر اي شيء في مكونات البوردة حتى المكونات البلاستيكي .. تحياتي لحضرتك

[ammora]

المشاركة الأصلية كتبت بواسطة egmagdi

برافو عليك طبعا
علشان نريح ناس كتير لازم نقدم تفسير علمي لهذا الموضوع .. المسبب الرئيسي لهذا الموضوع هو ترسب الاتربة داخل الجهاز و يلاحظ ان ترابنا يحتوي نسبة كبيرة من الكربون الذي يعد موصلا للكهرباء و بيترسب بين الوصلات الدقيقة مثل وصلات المعالج و يقوم بتغيير جهود الدخول و الخروج و بالتالي حدوث خلل في عملية المعالجة و فشل الجهاز .. حضرتك صح مليون في المية و التجفيف في الفرن على درجة من 60 الى 70 لا تضر اي شيء في مكونات البوردة حتى المكونات البلاستيكي .. تحياتي لحضرتك

شكرا لمرورك أ/egmagdi
تحليلك احترافي و ذو اساس علمي
صادفت الكثير من العيوب المشابهة (تهنيج و توقف مفاجئ) عندما كنت اعمل في صيانة الحاسب و كان الحل دائما هو تغيير المكثفات الكيميائية Electrolytic Capacitors (الالكتروليتية) التالفة مع التنظيف الجيد للبوردة لازالة الاتربة كما شرحت حضرتك (عندنا منها كتير في مصر) بالاضافة لازالة ما قد يرشح من هذه المكثفات من السوائل الالكتروليتية Electrolytes و هي مواد كيميائية متاينة اي ان لها قدرة عالية علي التوصيل الكهربي و لذلك يجب التنضيف الجيد و في بعض الاحيان قد لا يكفي استخدام البلاور بل يجب الغسيل الجيد كما ذكرت سابقا
وبعدين يا استاذنا الفاضل اللي يقتنع بكلامنا اهلا وسهلا و اللي مش مقتنع و شايف اننا بنبالغ اهلا وسهلا برضة بس يطرح حل بديل بعيدا عن الانتقادات التي ليس لها اساس علمي (و ليس منطقي) شكرا جزيلا لمداخلتك القيمة يا استاذنا