[richard2006]

بسم الله الرحمن الرحيم.
الساده الأفاضل مشرفي القسم الكرام كلا بأسمه. تحيه طيبه.. وبعد
عندي مشكله في الجهاز بقالها أكتر من أسبوع ومش عارف أعمل معاها حاجه.
بفتح الجهاز بتظهرلي قائمه وبها كلمة (IDENT Error-UNINITIATE)
فأرجوا من الأخوه الافاضل المساعده في حل المشكله دي وشكراً

[richard2006]

برجاء من مشرفي القسم مراجعة المواضيع المطروحه والأهتمام.
وأنا ملتزم بقوانين المنتدى ولم أذكر أحد من الأداره أو المشرفي بأسمه.
وأخيراً جمعه مباركم علينا وعليكم ودمتم بخير أداره ومشرفي وأعضاء وزوار

[richard2006]

بما أني ملاحظ مؤخراً عدم تواجد المحترم/ أ محمد زيان ف هلتمس له العذر ولعله يكون بخير أن شاء الله. وياريت لو أي مشرف أو عضو محترم يعرف حل للمشكله يساعد معايا ب رأيه وشكراً

[قاهرى]

لو سمحتو الاهتمام بهذه المشكله لان انا اواجه نفس المشكله و دلوقتى مشغل الجهاز على سوفت الانجيما وبيقبل صور خام بس

[م/محمدزيان]

اخى الفاضل richard2006
اسف للتأخير لظروف عندى وعدم دخولى المنتدى منذ ما يقرب الشهر والحمد لله على كل حال
نأتى للمشكلة اخى
من الواضح من المشكلة والرسالة التى ظهرت لك انها مشكلة سوفت خطأ
وفى الغالب بيكون خطأ فى id الخاص بالسوفت وغير متوافق مع الجهاز
فهناك حلين ستأخذهم بالترتيب اخى
اولا جرب تنزل سوفت للجهاز متوافق معاه وليكن السوفت الذى فى المثبتات وهو اخر اصدار
https://www.masrawysat.com/vb/showthread.php?t=2383600
اما ان ظهرت المشكلة مرة اخرى فلزام عليك اخى اولا تنزيل سوفت انقاذ متوافق لجهازك وحتلاقية فى المثبتات برضة
وبعدها تقوم بتثبيت السوفت المذكور لاخر اصدار وان شاء الله تحل المشكلة نهائيا
وانا متابع معك اخى ان شاء الله
ودعواتك لى بفك الكرب

[richard2006]

أولاً تحياتي ليك أستاذ محمد وحمد لله على سلامة الرجوع ونورت المنتدى.
وثانياً فرج الله همك وفك كربك وأذهب عنك بأسك وقدم لك كل خير وأبعد عنك الشر.
ثالثاً بخصوص المشكله فهي حدثت بشكل مفاجئ ومن تلقاء نفسها وبدون أي تدخل
والحقيقه أنا برجح السبب يمكن لعدم ثبات التيار الكهربائي وقتها والله أعلم.
أما بالنسبه للسوفت اللي حضرتك أشرت أليه ف أزاي هقدر أمرره للجهاز والقائمه (الخاصه بالمشكله) على الشاشه ولا تذهب ولا في أي أستجابه للريموت؟
والحقيقه أيضاً أنا جربت تمرير سوفت أنقاذ للجهاز (بالعافيه) نظراً لأن الكتابه ممسوحه من الشاشه الأماميه ويدوبك أقدر أشوف أول حرف من أي كلمه!
وبردو مازالت نفس المشكله ؟

[richard2006]

أولاً الحقيقه غيابك مؤثر جداً أستاذ محمد ولكن أنا مقدر ظروفك وربنا يعينك.
وثانياً بعد البحث عن أسباب المشكله وطرق حلها. أحد الأخوه الأفاضل قالي دي مشكلة EPROM (أنت أدرى مني بيها) وهي شائعه في الترومان. وفي حل أخر يوجد رأي بتمرير سوفت إنيجما للجهاز لأن المشكله دي بتبقى على النظام الأصلي فقط. فمحتاج رأيك معايا يا غالي لما ترجع بالسلامه أن شاء الله.
ملحوظه: ممكن ميكونش عندي نت الأيام اللي جايه ولكن هحاول أتابع مشاركاتك بشكل أو بأخر

[م/محمدزيان]

اسف فعلا والله لغيابى عن المنتدى لظروف غريبة بتحصل معايا واليومين دول تعبان جدا والله الظروف مش مساعدة لكن عايز منك طلبات حتعملها وترد عليا بالنتيجة
انت بتقول

والحقيقه أيضاً أنا جربت تمرير سوفت أنقاذ للجهاز (بالعافيه) نظراً لأن الكتابه ممسوحه من الشاشه الأماميه ويدوبك أقدر أشوف أول حرف من أي كلمه!
وبردو مازالت نفس المشكله ؟

يب ت متأكد ان سوفت الانقاذ تم تنزيلة بالفعل لانى كدا مش متأكد وعلى فكرة اخى بعد البحث فى عدة اماكن وهنا فى المنتدى بالاخص اتضح فعلا انها مشكلة id خطأ فى السوفت بالرغم انه لنفس المعالج لكن لاجهزة اخرى
انت لازم تتاكد ان سوفت الانقاذ نزل واتمنى انك تتبع طريقة الدكتور حازم فى تنزيل سوفت الانقاذ باللودر وهى الاضمن
وممكن تكون فعلا مشكلة هاردوير لان المشكلة ال انت كتبتها او العطل الذى يسمى (مشكلة EPROM ) فهى خاصة بعطل هاردوير وهى عطل بالفلاشه وتظهر هذة الرسالة (Error – IC)
لكن فعلا كما ذكرت انها ممكن تكون مشكلة هاردوير
لكن حنحاول مع بعض بالسوفتوير ولعلة خير ان شاء الله ويتم حلها
جرب تنزل سوفت الانقاذ باللودر وتابع الخطوات وان شاء الله تتحل مشكلتك

[amaryasser]

استازي الفاضل متتعبشي نفسك المشكلة عندي من سنتين عملت كل حجا وسهرات ايام طويلة وعمل الي الناس لسة معملهوش ومفيش فايدة نزال انيجما وريح نفسك

[richard2006]

المشاركة الأصلية كتبت بواسطة م/محمدزيان

اسف فعلا والله لغيابى عن المنتدى لظروف غريبة بتحصل معايا واليومين دول تعبان جدا والله الظروف مش مساعدة لكن عايز منك طلبات حتعملها وترد عليا بالنتيجة
انت بتقول

يب ت متأكد ان سوفت الانقاذ تم تنزيلة بالفعل لانى كدا مش متأكد وعلى فكرة اخى بعد البحث فى عدة اماكن وهنا فى المنتدى بالاخص اتضح فعلا انها مشكلة id خطأ فى السوفت بالرغم انه لنفس المعالج لكن لاجهزة اخرى
انت لازم تتاكد ان سوفت الانقاذ نزل واتمنى انك تتبع طريقة الدكتور حازم فى تنزيل سوفت الانقاذ باللودر وهى الاضمن
وممكن تكون فعلا مشكلة هاردوير لان المشكلة ال انت كتبتها او العطل الذى يسمى (مشكلة EPROM ) فهى خاصة بعطل هاردوير وهى عطل بالفلاشه وتظهر هذة الرسالة (Error – IC)
لكن فعلا كما ذكرت انها ممكن تكون مشكلة هاردوير
لكن حنحاول مع بعض بالسوفتوير ولعلة خير ان شاء الله ويتم حلها
جرب تنزل سوفت الانقاذ باللودر وتابع الخطوات وان شاء الله تتحل مشكلتك

حبيبي الفاضل وأخي في الله أ/ محمد حياك الله والف مليون سلامه عليك ولا داعي لأسفك وربنا يعينك وييسرلك الأمور ويهيئ لك من أمرك رشدا.
وبخصوص طلب حضرتك أنزل سوفت الأنقاذ عن طريق اللودر ف(مش هينفع)
لأن ببساطه مفيش أستجابه للجهاز وغير ممكن الدخول لأي أعدادات في الجهاز لأضافة ارقام IP لمطابقتها ب الكمبيوتر والربط باللودر!!

[richard2006]

المشاركة الأصلية كتبت بواسطة amaryasser

استازي الفاضل متتعبشي نفسك المشكلة عندي من سنتين عملت كل حجا وسهرات ايام طويلة وعمل الي الناس لسة معملهوش ومفيش فايدة نزال انيجما وريح نفسك

للدرجادي المشكله دي مستعصيه ؟ طيب لو هيا مشكلة هاردوير كما أشار أستاذ محمد
ممكن أوديه التوكيل بدل ما أتعب نفسي وأتعب الناس معايا ولا بردو مش هيبقى ليها حل هناك ؟ لأني مش معتاد على الأنيجما

[amaryasser]

الانيجما افضل بكتير اسبارك مش كويس وملوش دعم

[م/محمدزيان]

المشاركة الأصلية كتبت بواسطة richard2006

للدرجادي المشكله دي مستعصيه ؟ طيب لو هيا مشكلة هاردوير كما أشار أستاذ محمد
ممكن أوديه التوكيل بدل ما أتعب نفسي وأتعب الناس معايا ولا بردو مش هيبقى ليها حل هناك ؟ لأني مش معتاد على الأنيجما

اعرضة على فنى صيانة قريب منك بس يكون متمكن
لكن بالبحث اخى عن المشكلة عن النت اتضح انه سوفت خطأ برقم ال id وانت بتقول انك حاولت تنزل سوفت انقاذ لكنى اشك انك نجحت بسبب عدم ظهور البيانات على الشاشة يبقى الحل انك تصلح الشاشة اولا عند اى فنى وتجرب سوفت الانقاذ بالفلاشة علشان تتاكد فعلا انه نزل
لو كنت قريب منى كنت ساعدتك اخى
بس معلش ححاول على قد ما اقدر
والله المستعان

[richard2006]

حبيبي باش مهندس محمد تسلم وكفايه تعبك وأنا عارف أنك بتحاول بتساعد قدر الأمكان وحضرتك مرجع لينا وكنز ثمين للقسم. وبالنسبه لسوفت الأنقاذ بالفلاشه هوا فعلاً أنا مش شايف نت الشاشه ولكن بمشي على الخطوات ولما الجهاز بيفتح بيكون بخلفيه مختلفه. بس عموماً كل الفنيين المتمكنين في المجال بيكونوا في فكتوريا فلو كده هوديه التوكيل بقى وخلاص وربنا المستعان

[richard2006]

المشاركة الأصلية كتبت بواسطة amaryasser

الانيجما افضل بكتير اسبارك مش كويس وملوش دعم

تمااام يا غالي بس بالنسبالي الأنيجما معقد جداً وعايز وقت طويل علشان أتأقلم عليه وأفهمه