لو سمحتو انا مشترك فى شركة تى داتا عايز اغير

محمود المصري5050 · #1 2019/12/07, 01:45 AM

سلام عليكم
انا مشترك فى شركة تى داتا عايز اغير لان النت بيفصل كل خمس دقائق السرعة مش كامله المفروض السرعه 30

واشترك فى اتصالات بس عايز كل تفاصيل من مدة الغاء من شركة الاخرى ومدة التعاقد مع اتصالات وتفاصيل الاشتراك راوتر اى كام سعره

aymangogo · #2 2019/12/07, 02:04 AM

شركة زبالة بمعنى الكلمة اناكت زيك وغيرت لفودافون مدة الالغاء 5ايام

محمود المصري5050 · #3 2019/12/07, 02:11 AM

فودافون شركة حلوه فى ثبات النت ام لا يا اخى وكام سعر الباقة و راوتر
ارجو الرد

الاسد122 · #4 2019/12/07, 05:00 AM

فى البداية انصحك باتصالات او فودافون وبلاش تشترك مع موزع خليك مع الشركة مباشرة ..
ثانيا هتطلب من الشركة الحالية اللى انت مشترك معاها الغاء الخدمة ( كنسلة الاشتراك ) وهتنتظر 5 ايام وبعدها هتتصل على 19777 وتاخد منهم رقم الالغاء وبعد ما تاخد رقم الالغاء كدا تروح اى شركة تعجبك للاشتراك سواء اتصالات او فودافون لانك بدون رقم الالغاء مش هتقدر تقدم ف اى شركة تانية .. وحاليا اتصالات عاملة عرض على الراوتر الجديد VDSL بنص التمن بس انصحك بالراوتر الهدية ف اى شركة وشوف السرعة الاول وبعدها اشترى الراوتر الجديد لو كنت حابب ..

بالنسبة للباقات والسرعات انصحك بالاتى:
- لو خطك نحاس خليك مع السرعات المستقرة بمعنى خليك مع 2 - 4 ميجا واسعارهم بتكون ف المعقول برضو لا تقلق ..
- لو خطك فايبر خليك مع الباقات الجديدة واللى اسعارها بتبدأ من 137 جنيه وسعة تحميل شهرية 140 جيجا بالنسبة لاتصالات و فودافون ..

اتمنى اكون أفدتك..

kamel33 · #5 2019/12/07, 05:41 AM

من تجربتي لازم تروح فرع رئيسي وتقدم طلب وتخد رقم كل متتاخر هيحسبو عليك فلوس
وانا حاليا فودافون هي احسن الوحشين

Minaaadel · #6 2019/12/07, 07:46 AM

انت عايز تسيب الحنفية وتمسك في الخرطوم
خليك في تي اي داتا كفاءة الخط الارضي مش هتتغير من شركة للتانية غير لما المصرية تغير الي هيا اصلا تي اي داتا فاهمني

nor esam · #7 2019/12/07, 10:49 AM

اقتباس:

المشاركة الأصلية كتبت بواسطة Minaaadel

انت عايز تسيب الحنفية وتمسك في الخرطوم
خليك في تي اي داتا كفاءة الخط الارضي مش هتتغير من شركة للتانية غير لما المصرية تغير الي هيا اصلا تي اي داتا فاهمني

نوضح شويه ....

الأصل في الإنترنت في مصر ، المصرية للإتصالات (تى أى داتا) التى أصبحت بعد ذلك (we) - الحنفيه - منها يخرج عدد من الخراطيم مثل فودافون اتصالات اورنج .
هذه الخراطيم تأخذ الخدمة من المصرية للإتصالات .
وصلت
إذا كانت الحنفية خربانة مابالك الخراطيم .
ولو الحنفيه حست أن الخراطيم مش على الهوى ، تغلق عليهم المياه شوية
تحياتى

egypt1964 · #8 2019/12/07, 05:56 PM

ارجو وضع الرابط الخاص بمعرفة الرصيد تى داتا

طة شكر · #9 2019/12/07, 06:08 PM

اقتباس:

المشاركة الأصلية كتبت بواسطة egypt1964

ارجو وضع الرابط الخاص بمعرفة الرصيد تى داتا

اتفضل اخى
https://my.te.eg/#/home/signin

omda2000 · #10 2019/12/08, 01:34 PM

حول على فودافون عن تجربه شخصيه رائعه بمعنى الكلمه
انا كنت فى معاناه مع weولما غيرت الى فودافون السرعه اتغيرت إلى الافضل نصيحه لله حول على فودافون معندهمش ضغط فى العملاء والاجهزه بتاعتهم فى كل سنترالات مصر محدثه باستمرار غير باقى الشركات الاخرى

MASTER AMR 99 · #11 2019/12/08, 02:22 PM

طب وايه اخبار النت الفضائي
قمر الاتصالات الجديد طيبة 1
ده هيشغل النت من غير الخطوط الارضية ولا ايه؟

العفريت · #12 2019/12/08, 09:23 PM

بردوانا هسيب دي داتا نصابين

cave · #13 2019/12/08, 10:18 PM

ربنا معانا

kemo1000 · #14 2019/12/26, 12:19 AM

تى داتا
من يوم لما غيرو السستم الباقه بقت بتخلص فى 15 يوم
مش عارف ايه اللى بيحصل ده
هل فى حد عنده كده

hazzuma · #15 2019/12/26, 05:54 AM

اقتباس:

المشاركة الأصلية كتبت بواسطة kemo1000

تى داتا
من يوم لما غيرو السستم الباقه بقت بتخلص فى 15 يوم

والباقة دى أد إيه؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ممكن سوفت روتر تى داتا hg532n السوفت بتاع شركت تى داتا	اسلام مدكور	أجهزة إرسال وإستقبال الإنترنت	3	2019/03/27 10:45 AM
تحويل راوتر شركة تى داتا ليعمل على شركة وى	mmada	أجهزة إرسال وإستقبال الإنترنت	1	2019/01/24 11:16 AM
انا عايز اشترك لواحدى فى شركة تى داتا بيقولوا ارخص حاجه 1جيجا فيه 10ميجا بايت واما تخلص السرعه 256 هل اما يوصل لسرعه دة يقدر يتصفح ولا صعب	lefrno	مصراوى سات كافيه	9	2018/01/19 09:20 AM
استفسار بخصوص التحويل من شركة دى داتا الى شركة اتصالات	محمود85	المنتدى الفضائى العام	14	2017/01/25 04:10 PM