#تجربة سيئة جدا
لو ناوي تشتري من #Electrostar #الكتروستار مانصحكش كانت زمان كويسة إنما دلوقتي👎👇
اشتريت يوم 19 مارس ديب فريزر اشتغل اسبوع وعطل مبقاش يفصل إلا اما افصلة يدوي.
حاولت اتواصل مع الصفحه
@Electrostar
او الخط الاخن او واتساب دون جدوي.
حاولت أوصل المشكلة للمهندس Mohamed Abdelkarim عشان أبلغة باللى حصل دون جدوي.
واما قولت هعمل بلاغ @الصفحة الرسمية لجهاز حماية المستهلك بمصر
وبعد معاناة أيام أ/بسمه المحترمه كلمتني وكانت ف منتهي الذوق وعملتى شكوي وبعتت الفني تاني يوم وياريتها ما بعتتة غير قطعه مسؤولة عن فصل الفريزر كانت مملحه من الركنه ف المخزن وركب قطعه جديدة حتي ساب المسامير يدوب متشبطة مربطهاش كويس وأي أفيز بلاستك فكة مركبش غيرة يدوب لم السلوك كده بالحب عادي ماهو الباشا اساسا جايلي طرزان من غير عدة شغل
وبرضة زي ما هو مش بيفصل والحاجه ساحت وكانة دولاب خزين بصل.
والموتور جمرة نار واحنا مدخلناش لسة معمعة الصيف
وكمان مسمار نسي يركبه الحمدلله شوفتة قبل ما يدخل في رجل امي اللى الرايحه والجاية تتريق عليا
الكتروستار يا عبدالستار وطلع بايظ
مفصلش لسه يا عبدالستار الفريزر
سيح الحاجه يا عبدالستار
لكن حلو الفريزر نعمله نملية يا عبدالستار
#الأم_مابتتغيرش 🤷♂️
ومش عارف اعمل اية لو جبت فني يصلحه زالحق الحاجه قبل ما تبوظ يخرج من الضمان اللى أساسا في البطاطا زي ما اكتشفت.
بإختصار دفعت اكتر من 6 آلاف جنية في فريزر بايظ
خدمة ما بعد البيع صفر
صيانة صفرين كفاية أوي ردهم عليا لو فية مشكلة ولسة مش بيفصل نسحبة الشركة ونصلحه والحاجه المخزنة تبوظ عادي.
ولو حبيت ابيعه كسر زيرو عشان أجيب ماركة اسم كبير ومحترم هيكون تم فكة وتصليحة وهيتخسف بسعره الأرض... يلا العلام مش ببلاش.
إن شاء الله هحاول احذر الناس علي صفحتهم ع الفيسبوك وبقية الجروبات وتوتير وصفحات جوجل ومنتجاتهم في سوق وجوميا وأي متجر والسوشيال عموما.
#خليك_في_البيت #بعيد_عن_الكتروستار #إنت_مش_لوحدك #الكتروستار_معاك_تبوظلك_حاجتك
2020/04/04, 04:01 PM
تحذير من منتجات ماركة الكتروستار Electrostar
المواضيع المتشابهه
