[محسـن المصرى]

هل الرسيفر ممكن يتلف ال LNB

منذ حوالى خمسة أشهر تلفت عندى عدسة فوجى الاصلية النوع القديم أشتريت عدسة أخرى ستار جولد فوجى جديدة وركبتها قبل نهاية شهر رمضان الماضى وبعد حوالى شهرين تقريبا تلفت العدسة الستار جولد فوجى الجديدة أيضا
علما بأن العدستين كلن بهما نفس التلف وهو أختفاء الاشارة على الترددات الرأسى التى تبدأ من 12130 حتى 12731
الفنى قال من المحتمل أن يكون العيب من الكابل الواصل بين الرسيفر والعدسة أو يكون العيب من الرسيفر ( ترومان بريمير + 1 ) جاء الفنى ومعة كابل جديد 27 متر تلفاز أسبانى وعدسة فوجى مستعملة
ركب الاول الكابل الجديد وجرب وتأكد من تلف العدسة ستار جولد فوجى فركب العدسة المستعملة أشتغلت تمام على كل الترددات بدون مشاكل
طبعا فى هذا الوضع لا أعلم من الذى أتلف العدسة مرتين فى خلال مدة قصيرة هل الكابل أو الرسيفر
حاليا أنا مشغل رسيفر كيوماكس H8 جديد
وخايف أشغل الرسيفر ترومان بريمير + 1 يتلف العدسة لثالث مرة

السؤال هنا هل بالفعل الرسيفر ممكن يتلف العدسة ال LNB
علما بأنه بعد قياس خرج توينر رسيفر ترومان بريمير + 1 كان 14 و 18.5
الرسيفر كيوماكس H8 الجديد خرج التوينر كان 13.5 و 19.2

[Mr.Mohamed Fatthy]

14 و 18.5
فولت عادى
خروج الفولت تمام
مش هتفرق يزيد او يقل 1 فولت عادى
و لكن
انتظر ردود اخرى

[تامر مسعد]

احتمال ضعيف ويجب ان تحكم بعد تركيب قطعة اخرى جديده
وهل يوجد قسام بمعنى مثبت الطبق الكبير على قمر
ودامج معه نايل سات وريسفر اخر ولا الشغل عندك متحرك

[محسـن المصرى]

المشاركة الأصلية كتبت بواسطة تامر مسعد

احتمال ضعيف ويجب ان تحكم بعد تركيب قطعة اخرى جديده
وهل يوجد قسام بمعنى مثبت الطبق الكبير على قمر
ودامج معه نايل سات وريسفر اخر ولا الشغل عندك متحرك

الطبق 240 سم متحرك حاليا أنا مركب عدسة فوجى مستعملة
وعندى ستار جولد فوجى جديدة ثمنها 600 جنية
كم من الأيام أقوم بتجربة العدسة المستعملة حتى لا أتلف العدسة الجديدة

[م / وليد هانى]

وارد لو الريسيفر بيعمل راجع كهرباء AC مع الارضى
لكن نسبة احتمال حدوث ده ضعيفة لكن حصلت من فترة كبيرة معايا
لان بداخل lnb ايسى تقسم وده له دخل فولت معين لا يزيد عن 25 فولت
...........................
ركب دايرة باور جديدة للريسيفر واعزلها كويس جدا
وركب lnb جديدة وربنا المستعان

[تامر مسعد]

اى قطعة مستعمله لا تستطيع الحكم عليها ولكن جرب اى قطعة جديده عشان القطعة الفوجى اقل عمر لها 15 سنه ممكن تضرب برده وان كان احتمال ضعيف ولا تجرب على قطعة غاليه الثمن بالتوفيق ان شاء الله

[مجدى ابوعطا]

الرسيفر ممكن يتلف lnp فى حاله خروج فولت عالى

فى حالتك لا القياسات مظبوطه

فيه رسيفر اسمه اريون لما الباور بيبدا فى التلف لبعض المكثفات بيوصل
خرج lnp الى 40 فولت قيستها بنفسى