[مروان2008]

السلام عليكم ورحمة الله

للأسف وكالعادة فيدات مصر
بتيجي صوت فقط بدون صورة
(( رسيفرات سبارك7111_على نسخ الانيجما2 أوسبارك أيضا ))
مع العلم أي فيدات أخرى تعمل بكل سهولة
فهل من حل لديكم؟؟؟؟؟
وشكرا

[shrifstar84]

المشكله ان نظام البث مختلف ففى اجهزه كتير المعالج لايستطيع ترجمة الفيد لصوت وصوره والرسيفرات الكوماكس معالج gx كلها بتعرضها صوت بدون صوره وانا معايا كوماكس h4العادى معالج ali3511بيعرضها صوت وصوره عادى معرفش دا صناعه ونوع معالج ولا سوفت وير او صوره للانجيما يقدرو يحلو بيها المشكله

[مروان2008]

شكرا استاذ شريف على اهتمامك وردك
بارك الله فيك
وبانتظار آراء باقي الخبراء

[SABER SHABAN]

الكيوماكس hdمعالج gx كله بيشغل الفيدات صوت وصورة عادى

[SABER SHABAN]

ممكن الاخ السائل صاحب المشكلة يعمل تجربة كويسة انا جربتها قبل كدة على اجهزة اخرى.
بعد ما تبحث على اى فيد ولقيتة شغال عندك صوت بس.ممكن تسأل اى حد تانى اشتغل عنده الفيد صوت وصورة.تسأله عن قيم الصوت والصورة وتعمل بحث تانى للتردد بقيم الصوت والصورة

[مروان2008]

كل الشكر استاذ صابر
بارك الله فيكم
هل من مزيد ياجماعه

[shrifstar84]

المشاركة الأصلية كتبت بواسطة صابر2000

الكيوماكس hdمعالج gx كله بيشغل الفيدات صوت وصورة عادى

احنا منتكلمش على كل الفيدات احنا بنتكلم عن فيد التلفزيون المصرى ERTU فقط هو الوحيد الذى لايعمل على كثير من الرسيفرات

[وليد محمدحفنى]

طيب بعد اذنك تعطيني التردد والشفرة وعلي اي قمر

[مروان2008]

المشاركة الأصلية كتبت بواسطة وليد محمدحفنى

طيب بعد اذنك تعطيني التردد والشفرة وعلي اي قمر

اخي الكريم الفيدات تعمل قبل الحدث بحوالي 30 الي 60 دقيقه

ولقد طرحت هذا الموضوع قبل النهائي الافريقي في مصر
يوم 27-11-2020 لايجاد حل مبكرا

[mahmoud_dish]

شوف يا غالي أنا هجبلك الخلاصة :
هناك نوع من الفيدات يسمى فيد مالتيميديا وهو الفيد اللي التلفزيون المصري بيبث عليه مباريات المنتخب و الأندية المصرية داخل مصر و مسمى قناة الفيد بتبقى في الأغلب Ertu.. المهم إن هذا الفيد يحتاج لقراءة بيانات الصوت والصورة الخاصة به بعض أنواع من المعالجات.. فهناك بعض المعالجات تقرأه وتفتح صوت وصورة مثل معالجات صن بلص الجديدة مثل 2507 وغيرها.. وجميع أجهزة ستارسات وبعض أنواع من أجهزة عبد العال مثل H4 العادي وH7 و H8.. وهناك بعض أنواع من المعالجات لا تقرأه وتفتحه صوت فقط مثل أجهزة الصن بلص القديمة وأغلب أجهزة عبد العال وترومان بريمير 1 بلص وتوب بوكس حتى و لو نزلت عليه نسخة إنيجما عشان ده بيبقى من المعالج وليس السوفت...
المهم الحل عشان تفتح الفيد صوت وصورة على الأجهزة التي لا تدعم هو حل مجرب وناجح وهو أن تقف على القناة وتحرك الطبق سنة سنة حتى تضعف إشارة الفيد يعني تخلي إشارة الفيد تكسر وسيبها لمدة ثواني هتلاقي الصورة ظهرت بعدها حرك الطبق تاني عشان تقوي الإشارة مرة أخرى و بكدة خلاص إتفرج عادي.. بس أهم حاجة متقلبش على قناة أخرى وترجع لازم تفضل ثابت عليها عشان لو قلبت ورجعت الصورة هتروح.

[مروان2008]

بارك الله فيك أخي المحترم محمود
مع كل التقدير لما ذكرته من معلومات قيمه
فقد حاولت بهذه الطريقة ولكن لم تظهر اي صورة
ولكن فكره يمكن تكرارها

[ابو كنزي محمد م]

المشاركة الأصلية كتبت بواسطة مروان2008

بارك الله فيك أخي المحترم محمود
مع كل التقدير لما ذكرته من معلومات قيمه
فقد حاولت بهذه الطريقة ولكن لم تظهر اي صورة
ولكن فكره يمكن تكرارها

اخي الفاضل انا اعتقد المشكلة مشكلة سوفت مش موضوع معالج زي الاخوة ما بيقولو انا كان عندي جهازين كان عليهم نفس المشكلة ولكن مع تغيير السوفت والتحويل الفيد اشتغل تمام ولو كان مشكلة معالج مكنش اشتغل سواء بتغيير السوفت او حتي التحويل الجهاز الي جهاز اخر

[shrifstar84]

المشاركة الأصلية كتبت بواسطة ابو كنزي محمد م

اخي الفاضل انا اعتقد المشكلة مشكلة سوفت مش موضوع معالج زي الاخوة ما بيقولو انا كان عندي جهازين كان عليهم نفس المشكلة ولكن مع تغيير السوفت والتحويل الفيد اشتغل تمام ولو كان مشكلة معالج مكنش اشتغل سواء بتغيير السوفت او حتي التحويل الجهاز الي جهاز اخر

ازيك ابوكنزى ايه اخبارك بقالنا كتير مفتقدينك هنا لاتتأخرعلينا تحياتى

[ابو كنزي محمد م]

المشاركة الأصلية كتبت بواسطة shrifstar84

ازيك ابوكنزى ايه اخبارك بقالنا كتير مفتقدينك هنا لاتتأخرعلينا تحياتى

تحياتي لحضرتك استاذ شريف والله الحمد لله انا بخير

[مروان2008]

سرني مرور الإخوة الأكارم
ابوكنزي وأستاذ شريف

فيدات اليوم تعمل بمنتهى الكفاءة
حيث أشاهد الآن مباراة زيمبابوي(1-2) الجزائر د 60
على نفس السوفت الذي يعمل صوت فقط بفيدات مصر
إذا أين العيب أخي الكريم
مرفق صورة للمباراة