[yoppa]

هل هو وظيفته فقط تجميع التركيبة (نايل وعاموس واوربى واسترا) لينزل سلك واحد للرسيفر
وهل بيفرق فى الاشارة ممكن يكون بيقوى الاشارة
لاحظت التوصيل مباشرة من العدسة للرسيفر بتكون الاشارة عالية ولما يتوصل بدايزك بتقل
هل نوع الدايزك بيفرق ولا حتى لو جبت انضف نوع كده كده الاشارة هتقل

[ابومختار]

الموضوع منظومة متكاملة في الاول
حجم الطبق
نوع العدسة
نوع السلك
الدايزك وهنا بالنسبة للدايزك كل الانواع اللي في السوق المصري للأسف تعبانة و سيئة لكنها شغالة بس مش زي الانواع الاصلية اللي كانت زمان في مصر
شغل الدايزك ان 4 اسلاك بيتم توصيلهم في الدايزك في كل مخرج مثال لذلك 1 النيل سات 2 الهوتبيرد 3 اموس 4 استرا 19 شرق وهنا السلك العمومي اللي نازل للرسيفر بيكون في المدخل اللي في النص وينزل لتحت ولو انت لاحظت ان فيه اشارة تعبانة راجع علي السلك اللي طالع من العدسة و داخل في الدايزك وهنا شغل تاني خالص لازم تنتبه ليه علشان معظم المشاكل من كونكتور العدسة و السلك لغاية كونكتور الدايزك لازم تكون مظبط الحته دي صح في كل سلك من الكنكتور الاول للكنكتور التاني و رابط عليهم صح بشريط اللحام و متبخلش عليهم في اللف الصح و هنا لو انت عملت كده هتلاقي الموضوع معاك تمام
الدايزك 4 مخرج وانت عايز تفك سلك علشان تظبط حاجة لازم يكون الرسيفر مش شغال او خالع سلك الاشارة الرئيسي من الرسيفر علشان كل المشاكل ليه بتكون من هنا يعني انت مثلا خالع سلك عدسة نايل سات و بتظبط الكونكتور لازم الرسيفر ميكونش شغال كهرباء او علي الاقل انت خالع السلك اللي في الرسيفر علشان المخرج ميضربش و الدايزك يبدء يبوظ منك
بالنسبة للسلك من العدسة الي الرسيفر مباشرة من غير دايزك طبعا الاشارة بتكون اعلي علشان مباشرة منها لكن لو انت ظبطت كل الكلام مش هتلاقي فرق 1% طالما مظبط صح
وفي النهاية الله اعلم

[الحاج شريف]

المشاركة الأصلية كتبت بواسطة yoppa

هل هو وظيفته فقط تجميع التركيبة (نايل وعاموس واوربى واسترا) لينزل سلك واحد للرسيفر
وهل بيفرق فى الاشارة ممكن يكون بيقوى الاشارة
لاحظت التوصيل مباشرة من العدسة للرسيفر بتكون الاشارة عالية ولما يتوصل بدايزك بتقل
هل نوع الدايزك بيفرق ولا حتى لو جبت انضف نوع كده كده الاشارة هتقل

المشاركة الأصلية كتبت بواسطة ابومختار

الموضوع منظومة متكاملة في الاول
حجم الطبق
نوع العدسة
نوع السلك

حياك الله ابو مختار دايما موضوعات الدايزك بتخلينا نشوفك
بالنسبه للأخ السائل الإجابه العلميه بدون فتوى هى
كل معده فى طريق الإشاره تستهلك نصف الإشاره وهذا مايسمى Insertion Loss ولاحيلة لنا فيه
لكن نصف قوة الإشاره ليس معناه أن الإشاره تسوء فهذا غير وارد لأن جودة الإشاره لاعلاقة لها بقوتها
وهذا يظهر فى الريسيفر فى عداد قوة الإشاره وعداد جودتها (نوعيتها) والإثنان غير مرتبطين
قوة الإشاره تعتمد على السلك وطوله وجودته
أما جودتها فتعتمد على نسبة الإشاره إلى الشوشره المستقبله ، قد يزيد الدايزك من الشوشره قليلا وهذا طبيعى مهما كانت جودته
والمفروض علميا ألا تشعر بفرق بين جودة الإشاره بدايزك وبدونه إلا إذا كان السلك رديئا جدا أو تكون التوصيلات غير محكمه
والله أعلى وأعلم

[yoppa]

الف شكر على الرد استاذ ابو مختار والحاج شريف

[saeed041]

شكرا على المعلومات