[كرياكو]

السلام عليكم .. الرسيفر حصلت فيه مشكلة من قريب وكانت النتيجة انو ما بيشغلش القنوات فى الملفات اللى باديهالو رغم انها بتاريخ النهارده ولازم اعمل بحث عشان يشغل القنوات اللى بينزلها لكن الغريبة انه بينزل بعض الترددات مش كلها والقنوات اللى بينزلها بتكون بترددات مختلفة عن التردد بتاع القناة يعنى مثلا او تايم سبورت بينزلها بتردد 12711 مع ان ترددها المعروف على كل الاجهزة 11861 ... هل فيه سبب للموضوع ده وهل هو هاردوير ولا سوفت مع انى غيرت اكتر من سوفت وهى هى مافيش جديد ... ارجو الرد

[يونس على]

عيب ترانزستوراشارة اذهب الى اى فنى قريب

[كرياكو]

المشاركة الأصلية كتبت بواسطة يونس على

عيب ترانزستوراشارة اذهب الى اى فنى قريب

اشكرك على الرد بس تصدق بالله لما رحت لفنى باقوللو ان الرسيفر فيه مشكلة بيقوللى طالما شغال وجايب اشارة يبقى مافيهوش حاجة الواحد زهق من الناس اللى بتشوف الموضوع مجرد شغال واشارة يبقى تمام حتى لو فيه الف حاجة مش طببعية .. المهم حضرتك هاروح للفنى اقوللو يغير ترانزسستور الاشارة ولا اقوللو عالمشكلة وخلاص وهو يقول رأيه فيه حاجة ولا لأ .

[م / سمير محمد]

اعمل ضبط مصنع للجهاز وروح عند فنى كويس
هيحمل هو ملف قنوات ويلاقى ان مفيش اشارة هيقوللك فيه عطل قول اعمله
لان فيه ناس لو قولت لها فيه عطل كذا هيقولك ان انت عامل فيها بروفيسير
ههههههههههه

[اسامه حامد]

تمام كما ذكرو الرجاله
دى مشكلة هاردوير وليس سوفتوير
اذهب لفنى صيانه كويس
برضو قبل اي حاجه جرب ادبتر اخر

[كرياكو]

المشاركة الأصلية كتبت بواسطة م / سمير محمد

اعمل ضبط مصنع للجهاز وروح عند فنى كويس
هيحمل هو ملف قنوات ويلاقى ان مفيش اشارة هيقوللك فيه عطل قول اعمله
لان فيه ناس لو قولت لها فيه عطل كذا هيقولك ان انت عامل فيها بروفيسير
ههههههههههه

شكرا يا غالى على الرد وربنا يسهل ونلاقى فنى نعرف نتعامل معاه ويقتنع ان الرسيفر فيه مشكلة

[كرياكو]

المشاركة الأصلية كتبت بواسطة اسامه حامد

تمام كما ذكرو الرجاله
دى مشكلة هاردوير وليس سوفتوير
اذهب لفنى صيانه كويس
برضو قبل اي حاجه جرب ادبتر اخر

شكرا يا عم اسامة وربنا ما يحرمناش من ردودك واهتمامك ربنا يباركلك

[يوسف ماتريكس]

مع احترامى لصاحب الرسيفر الفنى مش هيقدر يقول الرسيفر تمام الا لما يجرب الرسيفر امام عين العميل وكمان انت بتقول اديته بنفسك كذا ملف وفيه مشكله برضوا معنى الكلام ان ممكن بتديلوا ملف مش نفس الموديل خلى الفنى يديلوا الملف ويجربهولك قدام عنيك نظرا لتشابه الرسيفرات

[كرياكو]

المشاركة الأصلية كتبت بواسطة يوسف ماتريكس

مع احترامى لصاحب الرسيفر الفنى مش هيقدر يقول الرسيفر تمام الا لما يجرب الرسيفر امام عين العميل وكمان انت بتقول اديته بنفسك كذا ملف وفيه مشكله برضوا معنى الكلام ان ممكن بتديلوا ملف مش نفس الموديل خلى الفنى يديلوا الملف ويجربهولك قدام عنيك نظرا لتشابه الرسيفرات

مع احترامى لحضرتك انما انا جايب الرسيفر من سنتين يعنى مش اول مرة اديلو ملف قنوات او سوفت وكمان ملف القنوات اللى اديتهولو هو ملف انا محملو من الرسيفر نفسه بعد تحديث الترددات فى شهر اغسسطس وكانت كل القنوات شغالة تمام ... وكمان نفس الملف ده اديتو لرسيفر تانى وكل القنوات شغالة تمام .. شكرا لاهتمامك

[سعد ابو كريم]

مش ملاحظ انك لم تزكر اسم الرسيفر ايه اخى ا لكريم
او ترفع سوفت مسحوب من الرسيفر
ياريت نعرف اسم الرسيفر ايه حتى يتم مساعدتك من قبل الاخوه الاعضاء

[احمد محمد الضوى]

انا حصلت معايا بس بعد ماالدايزك عمل قفله تقريبا

[hamadasat96]

بص ياغالي اولا نوع الريسيفر ايه

مخفي ولا كبير

لو مخفي احتمال بسيط يكون العيب في الادابتور

ولو كبير احتمال بسيط يكون العيب في الباور

او في جزء الاشارة سواء ترانزيستورات اشارة او ايسي الاشارة

ولو مخفي هتجرب عليه ادابتور الروتر او اي ادبتور تاني

طلع نفس العيب موجود هتاخد الجهاز لاقرب مركز صيانة

او فني يكون شاطر هتخليه يحدث الجهاز قدامك بادابتور من عنده

هيحدث لك القنوات وتخليه يجربها عنده لوظهرت المشكلة

يبقي هتصلح العيب

طب لو طلع الجهاز سليم هتشوف الطبق لان ممكن يكون العيب منه

وده احتمال بسيط لكنه الاخير

لان ممكن يكون اتجاه القطعة مش مظبوط او كريستاله
القطعة بتهيس وبتعكس ترددات

وزي ماقولت ده احتمال بسيط
في الغالب هيكون الجهاز نفسه
وال فهمته ان الجهاز بفلاشة وغالبا هيكون مخفي

والعيب يامكثفات جزء الاشارة او ايسي الاشارة نفسه

[كرياكو]

المشاركة الأصلية كتبت بواسطة سعد ابو كريم

مش ملاحظ انك لم تزكر اسم الرسيفر ايه اخى ا لكريم
او ترفع سوفت مسحوب من الرسيفر
ياريت نعرف اسم الرسيفر ايه حتى يتم مساعدتك من قبل الاخوه الاعضاء

هو انت ليه متحامل عليا اوى كده وكأنى داخل اهرج او اتكلم فى اى هتش ؟ ماشى يا سيدى الرسيفر next 8800 وكمان رفعتلك الملف عشان تعرف اذا كان متوافق مع الرسيفر ولا لأ ... مبسوط يا معلم ؟

[كرياكو]

المشاركة الأصلية كتبت بواسطة hamadasat96

بص ياغالي اولا نوع الريسيفر ايه

مخفي ولا كبير

لو مخفي احتمال بسيط يكون العيب في الادابتور

ولو كبير احتمال بسيط يكون العيب في الباور

او في جزء الاشارة سواء ترانزيستورات اشارة او ايسي الاشارة

ولو مخفي هتجرب عليه ادابتور الروتر او اي ادبتور تاني

طلع نفس العيب موجود هتاخد الجهاز لاقرب مركز صيانة

او فني يكون شاطر هتخليه يحدث الجهاز قدامك بادابتور من عنده

هيحدث لك القنوات وتخليه يجربها عنده لوظهرت المشكلة

يبقي هتصلح العيب

طب لو طلع الجهاز سليم هتشوف الطبق لان ممكن يكون العيب منه

وده احتمال بسيط لكنه الاخير

لان ممكن يكون اتجاه القطعة مش مظبوط او كريستاله
القطعة بتهيس وبتعكس ترددات

وزي ماقولت ده احتمال بسيط
في الغالب هيكون الجهاز نفسه
وال فهمته ان الجهاز بفلاشة وغالبا هيكون مخفي

والعيب يامكثفات جزء الاشارة او ايسي الاشارة نفسه

اولا تسلم ايدك على التحليل الشامل والرائع للموضوع .. شوف يا غالى الرسيفر next 8800 فلاشة 16 ميجا الجديد فى الموضوع انى قبل ما اوديه لفنى جربت اغير الاعدادات بتاعة تردد العدسة من 9750/10600 الى 9750 لقيت قنوات كتير من اللى مش شغالة اشتغلت والباقى زى ماهى ما اشتغلتش بس ده مش حل لأن الاعدادات الافتراضية لتشغيل كل القنوات هو 9750 / 10600 مش 9750 وبردو لسه فيه قنوات كتير مش شغالة حتى بعد تغيير الاعدادات وبالنسبة لبداية المشكلة وانا باركب السلك فى الرسيفر الجهاز رستر مرتين وبعدين بدأت المشكلة دى تظهر فهل ممكن يكون السلك حرق حاجة فى الرسيفر ؟ ... بالنسبة للطبق والعدسة والسلك ما فيهمش مشكلة لانى جربت اكتر من رسيفر وكل القنوات شغالة عليهم تمام يعنى لو المشكلة من الطبق ماكانتش القنوات اشتغلت تمام عالرسيفرات التانية ... شكرا يا غالى وربنا يباركلك على اهتمامك .

[احمد محمد الضوى]

بص اخي الكريم انا حصل معايا كده وجهازي برده زيك نكست بس انا كان عندي دايزك ظ¤ واشتريت واحد ظ¨ وحبيت اربطهم ببعض من بعدها حصلت المشكله وللاسف مش قاري غير مخرج واحد يعني قمر واحد بس شغال وشغال علي تردد ظ©ظ§ظ¥ظ* لكن لما غيرت كده لباقي الاقمار مافيش حاجه اشتغلت غير النايل اول مخرج عموما لو انت وصلت لحل عرفني وانا لو لاقيت حل هقولك لاسف لوكنت من القاهره كنت نزلت بيه العتبه عموما احتمال انزل اخر الاسبوع وهقةلك لو صلحته