[geekahmed1]

السلام عليكم ورحمة الله وبركاته

أنا عندي كارت **TeVii S662** بقاله حوالي 10 سنين، وطول الفترة دي كان شغال بكفاءة سواء على **Windows 7** أو **Linux**.

المشكلة إن **Windows 7 بقى قديم ومبقاش مدعوم**، وكمان مش مناسب للأجهزة الحديثة. يعني مثلًا لو عندي جهاز حديث بكارت شاشة **RTX**، فمش منطقي أستخدم Windows 7 عليه.

علشان كده، محتاج أعرف هل فيه **طريقة مجربة وموثوقة لتشغيل TeVii S662 على Windows 11**، سواء بتعريف معين أو طريقة لتثبيت التعريف القديم بشكل صحيح؟

ياريت لو حد جرب تشغيله فعليًا على Windows 11، يشارك الطريقة أو التعريف المستخدم.

وشكرًا مقدمًا لكل من يساعد.

[HIMA_SOFT]

أتفضل اخي التعريف

[geekahmed1]

المشاركة الأصلية كتبت بواسطة HIMA_SOFT

أتفضل اخي التعريف

شكرا ولكن لا يعمل بيجيب شاشة زرقاء

[♥MR.IbRaHiM♥]

السلام عليكم
شوف يا حبيب تعريف الكرت للاسف قديم و الشركة وقفت الدعم من سنين
لو عايز تشغل الكرت علي ويندوز 11 هتعمل التالي
هتنزل النسخة دي بنفس الاصدار 11 23H2 بالضبط و الكرت راكب في الجهاز و تكون موصله بالانترنت
وبعد تنزيل النسخة توقف الابديت بتاع الويندوز او تعمله تاجيل التحديث لمدة شهر مثلا و تبقي تجدده قبل انتهاء المدة و متقلقش الويندوز هيفضل يعمل التحديثات الامنية عادي
بعد كدا نزل تعريف كرت الشاشة و تثبيت البرامج المساعدة بتاعتك
الخطوة الجاية عرف الكرت من الاسطوانه الاصلية
ملحوظه مهمة
الكرت لازم يكون متثبت في مكان كويس علشان ميتهزش و الجهاز شغال او اليو اس بي يتهز و يفصل. هيجبلك شاشة زرقاء ع طول
و ممنوع تشيل اليو اس بي بتاع الكرت او تركبه و الجهاز شغال علشان هجيب شاشة زرقاء برده
انا شغال بالحل ده من سنين و الحمد لله الدنيا تمام اوي

[geekahmed1]

المشاركة الأصلية كتبت بواسطة ♥MR.IbRaHiM♥

السلام عليكم
شوف يا حبيب تعريف الكرت للاسف قديم و الشركة وقفت الدعم من سنين
لو عايز تشغل الكرت علي ويندوز 11 هتعمل التالي
هتنزل النسخة دي بنفس الاصدار 11 23H2 بالضبط و الكرت راكب في الجهاز و تكون موصله بالانترنت
وبعد تنزيل النسخة توقف الابديت بتاع الويندوز او تعمله تاجيل التحديث لمدة شهر مثلا و تبقي تجدده قبل انتهاء المدة و متقلقش الويندوز هيفضل يعمل التحديثات الامنية عادي
بعد كدا نزل تعريف كرت الشاشة و تثبيت البرامج المساعدة بتاعتك
الخطوة الجاية عرف الكرت من الاسطوانه الاصلية
ملحوظه مهمة
الكرت لازم يكون متثبت في مكان كويس علشان ميتهزش و الجهاز شغال او اليو اس بي يتهز و يفصل. هيجبلك شاشة زرقاء ع طول
و ممنوع تشيل اليو اس بي بتاع الكرت او تركبه و الجهاز شغال علشان هجيب شاشة زرقاء برده
انا شغال بالحل ده من سنين و الحمد لله الدنيا تمام اوي

شكرا للرد هل يوجد أي طريقة ممكن نتواصل بيها مع الوكيل لو فيه علي الاقل ينزلوا تحديث جديد الاصدارات الجديدة

[♥MR.IbRaHiM♥]

المشاركة الأصلية كتبت بواسطة geekahmed1

شكرا للرد هل يوجد أي طريقة ممكن نتواصل بيها مع الوكيل لو فيه علي الاقل ينزلوا تحديث جديد الاصدارات الجديدة

خلاص مفيش وكيل تقريبا لان الشركة الام وقفت الانتاج من كام سنة حتي حذفو كل ما يخص كروت الستالايت علي موقعهم سواء تعريفات او اي شئ
لو لقيت اصلا كروت في السوق هتلاقيها ستوك قديم و بنفس التعريفات
الكروت المسيطرة دلوقتي و من زمان هي كروت TBS و طبعا تعريفات مدعومة و هاردوير محترم كمان اتمني يكون ليهم توكيل في مصر
عموما لو نفذت الخطوات اللي قولتلك عليها هترتاح