[احمدوعماروبسملة]

رضا عبد العال فتح النار على حسام حسن بعد تعادل المنتخب رضا عبد العال شايف إن اللي حصل النهارده أثبت وجهة نظره وإن ربنا جاب حق الشناوي والونش ومصطفى محمد وكل لاعب شايف إن حسام حسن ظلمه أو استبعده من المنتخب بدون سبب مقنع رضا قال إن النتيجة والأداء النهارده أكدوا إن حسام حسن مش قادر يدير المنتخب بالشكل المطلوب وإنك بتتعادل على أرضك وسط جمهورك قدام منتخب أقل منك على الورق بشكل واضح وبيكمل إن الأداء كان ضعيف جدا لدرجة إنه شايف إن غزل المحلة لو واجه المنتخب بالشكل ده كان ممكن يحقق نتيجة أفضل رضا كمان انتقد قرار خروج محمد صلاح ونزول زيزو وقال إن التغيير بدل ما يحل المشكلة الهجومية زودها وإن المنتخب طوال المباراة تقريبا مقدرش يصنع الخطورة المطلوبة أو يسدد كرة مؤثرة على مرمى المنافس وفي النهاية رضا عبد العال حمل حسام حسن مسؤولية اللي حصل وقال إن المجاملات في الاختيارات والتغييرات على حساب مصلحة المنتخب هي اللي ضيعت الفريق بالشكل ده وبحسب وصف رضا عبد العال لحسام حسن: «ربع مدرب» 🔥👏
هل تتفق معا كلام كابتن رضا عبد العال ؟

[عــادل محمد]

بسم الله الرحمن الرحيم
السلام عليكم ورحمة الله وبركاته
بارك الله فيك اخى الكريم
وجزاك الله كل خير يا غالى
......................

[samir.shoman]

والله احنا ال جبنا اخرنا من حسام واخوة

مشاكل شخصية تطلع علي العلن والبلد كلها عرفت ادق التفاصيل

وتصريحات غير احترافية بالمرة ومش في مكانها

وادارة ورؤية فنية سيئة جدا

[احمدوعماروبسملة]

المشاركة الأصلية كتبت بواسطة samir.shoman

والله احنا ال جبنا اخرنا من حسام واخوة

مشاكل شخصية تطلع علي العلن والبلد كلها عرفت ادق التفاصيل

وتصريحات غير احترافية بالمرة ومش في مكانها

وادارة ورؤية فنية سيئة جدا

ابشر النهايه قربيت هانت خالص