[احمدوعماروبسملة]

بعد أن فاز ب افضل لاعب في بطوله تصفيات افريقيا
اول مكالمه ليه مع محمد المحمودي علي قناة أون سبورت
أهو محمود صلاح بنفسه حسم الجدل اللي اتفتح من كام يوم ��

محمد المحمودي سأله:
"إيه المركز المفضل ليك في الملعب؟"

محمود صلاح من غير تفكير قال:
"الجناح الشمال." ��

طيب نرجع بقى للكلام اللي قلته من كام يوم لما كنت بتكلم عن شكل الأهلي في الأجنحة.

أنا شايف إن حسين الشحات يبقى له دور أساسي في الجناح اليمين، ووقتها يبقى عندك محمد عبدالله وزيزو كبدائل، أو تستخدم الشحات أحيانًا في مركز الـ10 حسب احتياج المباراة.

أما الجناح الشمال، فأشرف بن شرقي يبقى اختيارك الأول حاليًا، ومحمود صلاح يبقى وراه مباشرة.

مش مستعجل عليه ولا بقول ارميه أساسي من أول يوم.

خليه يتعلم، ياخد فرصته، يدخل في أجواء الفريق، ويزيد احتكاكه وخبرته... سنة أو سنتين مثلًا، وبعدها يبقى هو اللي بيزاحم على المكان بشكل طبيعي.

وقتها ناس اعترضت وقالت:
"إزاي محمود صلاح يلعب شمال؟ ما هو أصله بيلعب يمين!"

طب ما اللاعب نفسه بيقولك دلوقتي إن الجناح الشمال هو المركز المفضل بالنسباله. ��

يعني إحنا مش بنحاول نخترع له مركز جديد، ولا بنجرب فيه تجربة غريبة.

إحنا بنتكلم عن لاعب صغير ولسه مستقبله قدامه، والأهم إنك تحطه في المكان اللي هو شايف نفسه فيه وبيقدر يطلع منه أفضل ما عنده.

والأجمل إن محمود صلاح هو اللي رد على السؤال بدلنا. ��

الجناح الشمال يا جماعة... محمود صلاح قالها بنفسه. ��â‌¤ï¸ڈ

راي محمد فارس في اختيار محمود صلاح لانضمام إلي الاهلي
محمد فارس على فيسبوك âœچï¸ڈ

رؤية الأهلي في ضم محمود صلاح هي مؤشر إنك شغال صح في الحتة دي.

إنت أخدت خطوة إمبارح، بسببها خلصت اللاعب بفلوس أقل بكتير من اللي كنت هتدفعها لو فكرت تخلصه النهاردة.

وده أصلًا معنى إن يبقى عندك رؤية…

إنك تشوف قيمة اللاعب قبل ما قيمته تبقى واضحة للكل، مش تستنى لما يتألق والناس كلها تتكلم عنه، وبعدها تروح تدفع أضعاف عشان تضمه.

وتتويج محمود صلاح بجائزة أفضل لاعب في بطولة شمال أفريقيا، في ظل وجود منتخبات منافسة عندها لاعيبة بتلعب في أوروبا، ولاعيبة واعدة في يوم هيبقى ليها أسماء في منتخبات بلادها، ده شيء يفرح جدًا.

بس عشان أفرح أكتر…

يهمني إن كمان خمس سنين أشوف محمود صلاح اسم كبير في كرة القدم المصرية وفي المنتخب الأول.

مش إن أفضل لاعب في البطولة يبقى بعد كام سنة مجرد اسم عدى علينا، والناس تحاول تفتكره بعد ما نسيته…

وفي نفس الوقت، نبص على اللعيبة اللي كانت موجودة في المنتخبات التانية في نفس البطولة، فنلاقي ده بيلعب في أوروبا، وده بقى أساسي في منتخب بلاده.

لأن هي دي النقطة اللي بنقع فيها كل مرة.

إحنا في الأهلي عملنا ده قبل كده.

حسام عاشور كان بيلعب أساسي وهو عنده كام سنة؟

عماد متعب بقى هداف الدوري وهو عنده كام سنة؟

وبعدهم تريزيجيه ورمضان صبحي وغيرهم… لاعيبة أخدت فرص حقيقية وهي صغيرة.

محتاجين نرجع نعمل ده تاني.

لأن الجزء اللي إنت عملته لحد دلوقتي في محمود صلاح حلو أوي.

شُفت اللاعب بدري، آمنت بموهبته، وخدت خطوة استباقية لضمه قبل ما ينور بالشكل اللي إحنا شايفينه دلوقتي.

بس عشان الرؤية دي تكتمل وتبقى مثالية، وتقدر تقول إنك حققت 100% من أهدافك، لازم الخطوة اللي بعدها تبقى أهم:

إزاي محمود صلاح ينتقل من موهبة كسبت الرهان في قطاع الناشئين، للاعب ياخد فرصته مع الفريق الأول، وبعدها يبقى اسم كبير في الكرة المصرية

محتاجين نرجع نعمل ده لانه بقى جزء من فلسفة كل الفرق الكبيرة

[خضر الدبيات]

جزاك الله خيرا

[عــادل محمد]

بسم الله الرحمن الرحيم
السلام عليكم ورحمة الله وبركاته
بارك الله فيك اخى الكريم
وجزاك الله كل خير يا غالى
......................

[السيدعبدالعزيز]

كريم رزق الله

عموتة مستني محمود صلاح يرجع النادي بعد معسكر المنتخب

[احمدوعماروبسملة]

المشاركة الأصلية كتبت بواسطة السيدعبدالعزيز

كريم رزق الله

عموتة مستني محمود صلاح يرجع النادي بعد معسكر المنتخب

بس يشارك مش يكون برا